一碗肉燥 (喜薈)

Open Now

Now Closed

今次黎到長沙灣既一碗肉燥😋雖然屋企附近都有，但原來唔同分店選擇會有啲唔同😇一碗肉燥性價比好高，套餐包含好多野，好似有好多個餸咁！食完超飽！食物質素亦唔錯，想食台灣野可以一試 🤗🥳精挑細選套餐（$62）1. 精巧肉燥飯🍚肉燥飯大大碗，肉燥亦都好香但肉燥份量唔套夠撈晒成碗飯2. 小菜選一：香葉鹽酥雞🐔鹽酥雞炸得好香脆，而且皮算薄好食3. 蔬菜選一：金銀蛋娃娃菜🥬娃娃菜就冇咩特別，煮得好軟林3. 小食選一：豉香汁煎蓮藕餅🫓蓮藕餅就係新選擇，好似家常菜咁好食5. 套餐飲品選一：檸檬桂花薏米特飲🥤（凍）套餐仲有埋杯特飲，夏天飲薏米岩晒

餐廳裝潢幾靚，黃色牆又有d豬仔圖案。dinner7點半左右到，已經好多人，遲一步就要等位。疫情下，要量體溫，亦有提供消毒搓手液。叫左香菜鹽酥雞、煎餃子，配金銀蛋娃娃菜，精巧肉燥飯，餐飲凍蜂蜜紅茶(~$59)，回魂黑醋豬軟骨肉燥蕃茄湯麵(~$48+$4)，餐飲黑糖珍珠鮮奶(加$7)。自選肉燥飯套餐抵食，可以一次過試到幾款台式小食。肉燥飯既肥瘦肉ok，醬汁唔太鹹，配飯食一流。鹽酥雞炸得夠香，肉嫩仲有肉汁，大約有5大件。煎餃子有3大粒，粒粒飽滿，形狀圓圓地幾得意。娃娃菜湯清甜，仲有d皮蛋、豆腐粒，健康。肉燥麵好大碗，而且蕃茄湯好濃，亦有粒粒蕃茄，紅當當。跟餐加$7配黑糖珍珠鮮奶，唔會過甜，珍珠有口感。豬軟骨既軟骨煮得夠軟，有大約3件。配料仲有滷蛋、豆角粒、肉燥。麵身屬硬，所以唔會驚浸住d湯而變軟。非常大碗，男仔食哂可能會好飽。整體，食物質素唔錯，不過食到一半左右，侍應開始好頻密係附近兜轉，準備收碟，再話入座時間係90分鐘。如果一開始講明用餐時間，可以有個心理準備，感覺會好d。可能有貼到指示，不過冇留意到。

一碗肉燥，一聽就知以肉燥、台式為招牌係逐步番新緊既長沙彎區，算係幾潮既店，門面裝修都好靚好新淨，有好多個蛋樣靚同舒服既餐牌主要就兩種餐，一種就係一碗特式主食加野飲，一種就係一碗飯麵加一小菜加一小食一配菜同野飲，有啲似日本定食咁先叫左個很讚紅燒牛肉，配原味肉燥湯麵，上枱賣相一流，新潮又靚配左好多豆角粒，仲有半隻溏心蛋紅燒牛肉相當好味，肉質又腍仲有成7-8舊，好抵好好味湯底都好夾紅燒味，麵底係刀削麵，較粗身，太粉，普普通通配料一流好好味，試下招牌既肉燥，配麵，味道平平，但可以話完全唔台灣，普通肉碎咁亦毫無古早味或者台灣風味蜂蜜紅茶賣相不錯，亦唔會太甜另一碗試左佢既識撈，可揀三款餸配肉燥飯，第一樣食左佢既回魂黑醋豬軟骨，味道無咩特別，就係唐醋骨用豬軟骨整，普通野咁啦加多個普通野就係魚肉腐皮卷，而最後既生煎土豆肉餅就味道不錯，餡滑而幾香口配料仍然係豆角粒，原味肉燥、溏心蛋，味道幾好既，佢既肉燥配上飯好味啲不過都仍然係港式味道，或者可以話係港台fusion。後加左個金銀蛋娃娃菜，更加完全放棄扮台菜尋常菜式平心而論，佢既賣相一流，配料同餸都多，味道都幾好台味零分，港食黎講還好，如果唔以台式料理自居