冠華冰廳·阿爺燒鵝

Open Now

Now Closed

去開附近，因為諗唔倒煮咩餸，見倒阿爺就斬啲料返屋企，求其炒個菜煮個白碗又一餐。已經唔係第一次幫趁阿爺，佢地嘅燒味係幾唔錯，哩間分店除左平時嘅金鐘罩叉燒，仲有肥燶腩叉，唔怕肥嘅當然唔可以錯過。金鐘罩叉燒($138/斤) - 哩度係$100份量，叉燒肥瘦適中，肉質好鬆軟唔痴牙，蜜味夠，如果切得厚身少少更好。脆皮燒骨腩($158/斤) - 燒肉係爆皮，拎到返黎仲係脆嘅， 燒肉肥瘦各佔一半，肉質唔會太實太鞋，鹹度亦啱啱好，蘸少少芥辣已經好味。買左叉燒同燒肉每樣$100，自己炒個菜同白飯，已經夠六人份量，價錢雖然唔算特別平，不過勝在每次幫趁都冇令人失望。

住柴灣嘅朋友點名話要去依間斬料Ok🤔🤔門面都好光鮮整潔放工時間都幾多人，應該都穩陣佢哋有分兩種叉燒，一種叫做金鐘罩叉燒，另一種係肥燶腩叉。雖然肥叉有時係幾好食，但我又未至於沉迷都要食又肥又燶既腩叉😆😆始終個人麻麻地肥肉，都係嗌返金鐘罩叉燒穩陣啲😎😎金鐘罩叉燒神奇！頂級！超卓！好好食！叉燒除咗賣相閃令令之外，佢嘅味道同口感都非常出色👍🏼👍🏼甜味同鹹味恰到好處，絕對唔會覺得佢太甜或者太鹹，真係好好食。肉更加係肥瘦得宜👍🏼👍🏼👍🏼我唔係成日去柴灣，但係如果再上朋友屋企食飯，一定會再嚟買叉燒！油雞都正既 唔會太肥 味道又係調教得好好開心☺️☺️巧遇到間正野👍🏼👍🏼