金鶴拉麵 (和富道) (Closed)

金鶴拉麵以雞白湯拉麵馳名，亦係餐廳招牌之一*金鶴雞白湯沾麵 $138沾汁好濃稠，掛湯能力極高，雖然雞湯但唔會好多油，即使最後唔加清湯稀釋，飲曬都唔會覺得膩/ 渴口，店員仲話湯底無味精 。麵質粗身偏硬，口感爽口彈牙，配慢煮赤雞同黑豚肉各兩塊，兩者煮得好軟嫰，叉燒唔會好肥，不過雞胸乾少少。*北海道極濃蟹湯拉麵 $138 (期間限定)湯底質感稠身，帶有陣陣鮮甜味，仲有有好多蟹肉絲配木耳絲，口感一流，不過太爽口我自己麻麻地最後店員送兩粒抹茶厥餅，口感q彈，好滿足。P.S 記得用App儲積分換食物/飲品

好多餐廳一開分店，食物質素就會參差不齊，令人失望。前兩日同老公再食金鶴拉麵，竟然有驚喜。依稀記得上年年尾喺食過金鶴嘅天后店，前兩日出咗北角喺城市花園到搵嘢食又見到金鶴拉麵，咁就再encore！一入門口就有店員同客人量度體溫，亦有消毒用品提供，咁大家都食得放心！牆身有鶴鳥嘅壁畫，好有東洋氣息！戴住口罩喺街到行完興烚烚，老公一坐低就話要叫支嘢飲，我哋叫咗支冷榨橙汁，甜甜酸酸，無添加，都幾解渴。老公又叫咗同上次一樣嘅極濃雞白湯拉麵。拉麵嘅配菜依然好豐富，有炸牛蒡，慢煮雞肉，叉燒同糖心蛋。同上次一樣，雞湯鮮味濃郁，真材實料！老公都讚配料用心製作: 牛蒡炸得香脆，雞肉柔嫩，叉燒肥瘦均勻。拉麵配埋濃郁嘅雞湯，果然值得encore!今次我就試咗沾麵(金鶴雞白湯沾麵)。食落兩碗麵最大分別係沾麵更加粗身彈牙有口感，沾上濃郁嘅雞湯，真係好滿足。咁多種配料，我最欣賞嘅係雞肉，真係好嫩滑，好少食到咁高質嘅雞肉！總括嚟講，金鶴嘅拉麵即使開咗多間分店，食物依然好有質素，值得一再encore!

晚上經過一間以雞白湯為主打的拉麵店🍜被店鋪招牌及裝修吸引到。雖然在試業中但光臨的客人滿多，店員好快安排地入坐。點了兩客拉麵及兩小食金鶴雞白湯拉麵🐔🍜賣相相當不錯，牛蒡新鮮炸起十分鬆脆，帶有回甘味道！湯底係由雞肉熬製， 清甜不膩。 配料十足好夠分量，糖心蛋做得好出色🥚加上兩塊白嫩雞肉🍖肉質嫩滑，仲搭配兩片肥瘦均等叉燒🥩金鶴雞白湯沾麵湯汁比起拉麵的湯底更濃郁，沒浸在雞湯中的配料更食到最原始嘅滋味👏🏼流心蛋入口帶醬油香氣。叉燒經由火炙微燒表面，帶點焦香。唐揚炸赤雞件件都厚肉多汁，炸完都保持到嫩滑，碟邊有柚子鹽可以調味，而且唔會太鹹。煎日式餃子皮薄而且煎得十分香脆，但整體尚算普通店舖座位約20-30個，店員有禮兼勤力幫忙斟茶，是在此區具有水準的拉麵店👏🏼👏🏼👏🏼