天浮橋拉麵 (Closed)

心血來潮想食拉麵😋所以搵搵附近有咩選擇🤤未開舖已經去到門口等食😂坐低可以慢慢學習拉麵和沾麵的食用方法☺️達致最佳享受效果🤞🏻雞白湯底可選湯麵或沾麵😋呢度湯底唔算稠，拉麵加入小麥製造，麵條有嚼勁👍🏻冷麵放耐咗麵條唔會痴埋一舊舊，依舊條條分明👍🏻自家製雞叉燒為錦爽雞腿肉，雞肉嫩滑多汁🤤$88翡翠濃湯沾麵🥬湯底以菠菜醬製成，食落口都幾清新好濃湯，但比起其他店舖食的沾麵冇咁濃，冇咁油膩👍🏻$108黑松露濃湯湯麵🍜一上枱已經聞到好香黑松露味，飲落湯底陣陣黑松露香，相比起翡翠濃湯就較為重口味🤤$20錦爽雞肉丸子(4粒)雞肉丸肉好結實，有咬口，細細粒一口🍡總括以言，個人認為沾麵比起同區某間大排長龍的沾麵做得出色🤤有機會要去試埋海老沾麵😋😋😋

日本呀🇯🇵日本🇯🇵究竟幾時先可以有得去日本食拉麵呀🥺不過最近食過天浮橋後，我已經唔想再去諗幾時有得飛去日本啦！《天浮橋》門面已經令我覺得好似去咗日本嘅感覺🤩入到去就俾佢嗰種簡約裝修吸引住😍而且吧枱放咗好多日本裝飾你同埋各式各樣嘅日本特飲！🍜黑松露濃湯呢碗拉麵睇落好似平平無奇，但飲一啖湯就會有種淡淡清香嘅黑松露味！湯清但味夠濃，好特別😎呢碗黑松露濃湯拉麵入面有雜菌菇，味道相當惹味，食得出調味加炒過，再放喺呢碗拉麵中，勁勁勁好食😋雞肉採用雞胸及雞腿肉，雞腿肉好嫩滑，而雞胸肉夠大塊，但相比雞腿肉嚟講，肉質較為粗糙，但都唔錯呀！無對比就無傷害😏溏心蛋非常入味😋只不過熟咗啲啲拉麵口感相當特別，咬入口就覺得夠哂彈牙！而且咬到一粒粒好似裸麥嘅口感，感覺好健康，我鍾意❤️🧆錦爽雞肉丸子雞肉丸子個size就好似魚蛋咁嘅大細，咬落尚算彈牙，味道好濃郁！只可惜丸子底部質地較硬，影響咗整體口感🥺

講吓⛩環境先，，呢度全部座位都係bar檯，大約有10個座位，座位之間少逼但唔會手撞手，提供凍水及醬油調味料。店員幾友善會介紹店鋪嘅招牌麵，以及必試嘅小食，作為第一次嚟嘅我覺得幾好，唔使掙扎咁耐食咩好！🍜拉麵｜ 鹽雞白湯$80主打食雞湯拉麵及錦爽雞腿肉，麵條同出邊業務用嘅唔同，眼見每條都有小麥夥粒(見圖)，師傅話係佢哋提供formula俾工廠製作。拉麵煙韌爽口，食到麥味，我自己個人覺得好正，因為個人鍾意彈牙麵質，雞腿肉好嫩，黑椒嘅調味同湯頭好夾最後，湯頭雖然係雞湯但一啲都唔油膩同死咸🍢小食｜ 錦爽雞肉丸子 $20有三款小食，店員姐姐推介雞肉丸子(因為主打食錦爽雞)雞有雞味嘅雞肉丸，味道不錯整體嚟講 性價比唔錯，份量適中，食完唔頸渴，個人超級欣賞個麥麵，推介大家一試

平時有去開元朗按腳嘅習慣，今次經過發現按開果間舖隔離開咗間拉麵店，於是決定幫襯下佢。由於見佢主打雞白湯，所以就揀咗鹽雞白湯拉麵。另外仲叫咗份錦爽雞肉丸子，因為發現拉麵冇咗呢個餸但自己又好想食。講番個拉麵先，食拉麵最重要就係個湯底，唔夠熱嘅話基本上碗拉麵已經玩完。好彩呢到個湯底夠晒熱，食咗一半個湯仲係熱辣辣。而且個雞白湯濃郁得嚟又唔會太鹹。麵底方面好有咬口，唔錯。至於叉燒方面，佢地用咗嫩滑嘅雞髀肉取代豬肉，好特別。而個雞肉丸子好結實，食落會有少少肉汁滲出嚟，比起雞髀肉叉燒，呢個丸子嘅雞味會香濃啲。希望佢地可以keep住呢個水準。