錦麗 (德福廣場1期)

Open Now

Now Closed

錦麗是40多年的越南牛肉粉老店，更被《華爾街日報》評為「胡志明市最好吃牛肉粉」。錦麗初來港開分店時，曾經掀起過排隊熱潮，要等待一小時才可吃到！即使這樣仍然門庭若市，而且吃過的人都大讚好吃！難怪短時間內已開了好幾間分店。入座後，店員會派發餐單紙，只需要於食物旁邊寫上數字就可以了。另外，店員會按照人數派發配料杯，內有：九層塔、鵝蒂、青檸、辣椒及芽菜等配料，以供食客放入湯粉中拌勻一起吃。錦麗是牛肉粉專門店，打正旗號專賣牛肉粉，包括：綜合粉、熟牛肉粉、生牛肉粉、生熟牛肉粉和牛丸粉共5款選擇。如果想一次過試齊所有牛的話，綜合粉就最適合了！但本人最喜愛的還是牛丸粉店內有教導食客最地道的食法。錦麗牛丸粉 ($60)牛丸粉一上枱已令人垂涎三尺！湯底顏色呈咖啡色，鮮甜又有濃濃的牛脂香，每一口都馥郁可口。河粉上呈餅形，品嚐時需要把河粉拉鬆。牛丸爽口彈牙肉味濃，真的是讚不絕口！

公司搬咗去九龍灣後，周圍搵好嘢食，呢間錦麗食過好幾次，真係不得不介紹一下! 錦麗河粉款式唔多，主要係生牛肉、熟牛肉同牛丸河粉。如果想每樣試d，綜合粉就啱哂，有生牛、熟牛同牛丸，個湯非常香濃，同河粉真係絕配! 生熟牛都好嫰滑，味道唔錯! 而我最最欣賞就係呢度嘅牛丸，真係超級好味! 牛丸爽口彈牙，勁香牛味，係我暫時食過最好味嘅牛丸，係會令人回味無窮同掛住嘅牛丸!除咗河粉，錦麗都有唔少出色嘅小食，其中一款就係牛油雞翼，雞翼皮炸得勁脆口，入面熱烘烘，好好味啊！牛丸，下次再嚟食你!

喺德福睇戲前就同朋友快快喺錦麗食個晚餐。因為睇戲時習慣會食爆谷同飲汽水，所以呢個戲前晚餐唔使食得好飽，最緊要快。今晚好好彩唔算多人，我哋好快就有位。我同朋友各自叫咗一碗單餸河粉，包括生牛肉河粉同牛丸河粉，咁就可以分享啲餸！好快，熱辣辣嘅河粉就送上，錦麗河粉最吸引嘅就係個牛肉湯底，顏色清透，味道好濃郁，有香甜肉味。我哋都習慣第一時間飲啖湯，之後先將配料，包括九層塔，鴨舌草等加入，增加碗麵嘅層次感。生牛肉被切成薄薄一片，肥瘦適中，好快就被熱湯底煮熟，所以要快啲食，口感先會嫩滑。牛丸都好令人驚喜，因為粒粒牛丸都真材實料，一咬落去就有香濃牛肉味，唔會係味精味，所以生牛肉同牛丸河都係必食！其實碗麵嘅份量唔算大，不過勝在湯底鮮甜，配料有驚喜，所以都好值得一試！

自從錦麗開左之後就鍾意左食越南牛肉河, 去到邊都要搵越南牛肉河黎試好多間都係試完一兩次就冇再食, 唯獨係錦麗我會食完再食我就好唔鐘意食野要排隊既, 如果唔係咁多人排隊既話我諗我食既次數會更多我唔敢講唎到既越南牛肉河係最好味,不過好岩我口味係德福行街行到6點幾, 經過錦麗見得幾個人排唔算太多,就決定食錦麗等左15分鐘左右就有位唎到既湯河只得一個湯底, 餸就得熟牛肉, 生牛肉, 同埋和牛丸3樣餸都食過, 覺得牛丸係最好味, 所以叫左牛丸河, 再加仲碟4件法式牛油雞翼, 同埋一杯凍檸七雞翼好脆好香牛油味, 仲有好熱好熱, 食既時候小心辣到嘴湯底清甜得黎亦有好香濃既牛肉味牛肉彈牙, 勁濃牛味, 係我食過最好食既牛丸香料有九層塔, 芽菜, 青檸同椒粒跟返自己口味落唎到既價錢比起其他越南粉餐廳都差唔多, 或者仲平少少, 而質素好掂, 絕對抵食