大呷台灣 (Closed)

🇭🇰 大呷台灣 𝔻𝕒 𝕊𝕙𝕚𝕒 𝕋𝕒𝕚𝕨𝕒𝕟 @ ℂ𝕖𝕟𝕥𝕣𝕒𝕝喺中環番工原來都好多美食😋喺威靈頓街由街頭到街尾都充滿唔同國家嘅菜式，今次就試試呢間台灣菜！❥ 古早肉燥飯 伴 滷溏心鴨蛋 $𝟓𝟖好大碗嘅肉燥飯，雖然香看似簡單但食落唔會太咸，份量又夠👍🏻最有驚喜係滷溏心鴨蛋。開頭仲話點解唔似menu張圖咁對切先上，原來係因為你鴨蛋黃超級流心！撈埋落肉燥飯一流！❥ 蒜蓉炒水蓮 $𝟖𝟖見到有水蓮，二話不說即刻點😋平時水蓮好少機會食到，即使有都要有技巧先炒得好食。份量都多嘅水蓮用蒜蓉炒完望落仍然新鮮，咬落爽脆又唔會有土味👍🏻食得好滿足！❥ 鍋燒三杯雞 $𝟏𝟎𝟖男朋友指定嘅三杯雞夠哂抵食！上菜熱辣辣，一路噴煙都聞到好香😌食落夠哂味，好似喺台灣食三杯雞咁！送飯一流👍🏻❥ 大呷小籠湯包（4隻）$𝟑𝟖好傳統嘅台灣小籠包，呢個價錢真係好抵。每粒湯包都大大粒，咬開滿滿湯汁湧出嚟，皮唔會乾爭爭，肉餡又夠哂大粒🤤❥ 百香果QQ $33 古早珍珠奶茶 $𝟐𝟖———📍 Shop A, G/F, Sunwise Building, 112-114 Wellington Street, Central ｜ 中環威

之前見到lunch time 好多人排隊，今次突登過咗lunch time 先去，好嘢唔駛等。Order咗個皮蛋肉鬆拌豆腐，個台灣特製醬汁好好味，之前喺第二間食呢味菜，個汁超甜，呢個唔錯。食台灣嘢咁緊係要試吓個台灣麵啦，叫咗紅燒筋肉雙盛牛肉麵，牛𦟌勁厚切，牛𦟌牛筋都好淋。又見到個菜叫水蓮，從未食過，個waiter話係台灣特產喎，就試咗個薑絲炒水蓮，好特別，食落爽爽哋，我諗都幾高纎。本來收手㗎啦，2個人食已經7成飽，個waiter話鍋燒三杯雞係佢哋signature一定要試，又叫咗，果然好得，個三杯汁超好味，d雞又啱啱好，好嫰，好介紹，不過勁飽。我哋仲叫咗2杯嘢，黑糖薑母茶同蘆薈冬瓜茶，個薑茶超薑，個冬瓜茶都幾清潤又唔太甜。個menu仲有好多嘢想試，不過要等下次，飽到不行了☺️