Tonkotsu 8 by 三田製麵所 (Citylink)

Open Now

Now Closed

今晚收工相約朋友聚一聚，因為朋友住大圍，我地就揀左沙田雙方都就腳既地方。飯前飲杯咖啡後，就係新城市行吓睇吓有咩食，見到連城有一層餐廳，想食日本嘢，就黎到Tonkotsu 8 by三田製麵所。好快有得入座，我地叫咗一碗醬油拉麵🍜，鐵板炒飯，另加一個餐，有野飲可樂同小食忌廉蟹肉薯餅，另外獨立再加一款小食餃子。😋上菜速度都幾快，拉麵軟度要左適中，口感不錯，薯餅炸物亦都炸得新鮮脆口，朋友亦都滿意鐵板炒飯，份量亦多。另外職員服務態度好，價錢經濟實惠。

今日到沙田行街，由於開始堂食不久，四處的餐廳都有不少人，今次就行到沙田站樓上的連城廣場食拉麵。呢間拉麵有兩間分店，一間係機場，另一間就係沙田。拉麵店當然要試試店的拉麵，係叉燒及炸雞選擇其中⋯等等，小朋友先要揀，我要晒！湯底不算太咸，加上麵底可以揀硬度，大家都可以根據自己的喜好來選去擇。炸到金黃色的炸雞，外面脆卜卜，內裏保持到嫩滑的口感。叉燒不太肥，而且數量都不少，整體都不錯。大家可以額外加$30左右，配埋小食及飲品，小食除了餃子/ 炸雞，仲有吉列豬扒或薯餅。今次我就點了餃子，煎香的外皮惹味，食落就不過大不失吧。本身朋友想食牛肉飯，但當隔離枱兩位都點了鐵板炒飯，於是於最後1秒改變主意，點了鐵板炒飯。炒飯加了名門卷粒、叉燒粒、粟米及蔥花，配以奄列蛋，食落無foodcourt連鎖鐵板飯咁香，整體平平。鐵板飯配以一碗昆布鰹魚湯，味道比麵豉湯冇咁鹹，清清地，不錯。最後二人買單，人均消費約$100，拉麵來說，正常價也。==============================我係一個愛寫字愛分享的吃貨！如果鍾意我分享的，我邀請您訂閲我的食評，我會繼續與大家繼續發掘有咩CP高的冰糧！(敬禮)

🔸柚子鹽湯拉麵 $78一黎到試左啖湯先，已經覺得好濃鹽味，但又唔會太咸。仲有淡淡既柚子味，好開胃。再試一啖麵，連麵都有鹽同柚子味。之前試過其他餐廳既柚子鹽拉麵，好多都勁淡，同埋淨食麵唔會覺得有柚子同鹽味。依個麵好驚喜👍🏻👍🏻👍🏻🔹鐵板炒飯 $63個飯睇落好似另一間餐廳既鐵板飯，但依個絕對係更好食👍🏻個飯有蛋醬，一黎到就要快啲炒，否則啲蛋就會撈唔到飯，因為我遲左撈，所以有啲撈唔埋😂個飯有小小姜絲，食落有小小辣，個飯有好多唔同既配料，整體味道係好好味👍🏻🔸煎餃子(5隻) $34餃子醬汁可以自己調醋同豉油既份量，可以按照自己既喜好調教👍🏻餃子味道唔錯，入面啲肉唔會好散。店舖衞生情況一般，店員用同一塊布抹完污糟枱，又抹落張櫈度

lunch時間, e間唔洗等位, 於是入去食下.我叫咗 面有得揀硬, 軟, 適中, 我揀咗最後者.剛剛上菜時, 面身偏硬, 但食到中段, 浸耐咗, 軟身d我中意.湯的辣度可以接受, 但飲時小心嗆.朋友叫咗 , 湯偏咸仲有叫咗 , 睇落靚, 但冇餸的!