Orange Elephant Thai Restaurant (利奧坊) (Closed)

擁有三間分店嘅Orange Elephant，今晚揀選咗座落喺利奧坊呢間黎試👫🏻嘢食總括黎講係唔錯，但我果晚坐個位冷氣實在係太大，導致嘢食好快凍哂同埋凍到無咩心機食，好似食神話齋咁想d客快d食完快d走🥲🦖炭燒豬頸肉 - 夠JUICY厚肉而且好大份，點埋個泰式酸辣汁解漏，可以無限吞食🦖泰式炸蝦餅 - 去完泰國返黎之後就好掛住港式炸蝦餅，唔知點解泰國嘅蝦餅d肉唔係實，試過幾間都好淋，我都係鍾意呢種港版炸蝦餅嘅札實❤️🦖鐵板蠔仔蛋 - 我最鍾意呢個菜，下面舖滿我最愛嘅芽菜，上面嘅蛋真心食到蛋味，如果唔點辣醬，其實整體係較為清淡，但鐵板上「ZA ZA」聲熱辣辣咁上檯已經加哂分啦💯🦖蛋網海鮮金邊粉 - 相對無咩特別，但欣賞佢海鮮有蝦有魷魚有青口全部都大大件，而且蝦係爽口彈牙嘅🦖飛天通菜 - 唔係我食過最出色嘅通菜，可能係因為佢個醬唔夠濃😞🦖芒果冰特飲 - 重芒果味同夠甜嘅，但真係開大冷氣飲凍飲，飲到牙都震埋😒

呢日約咗住大角咀嘅朋友食lunch 嚟咗呢間泰國餐廳 佢話俾我聽呢間係新舖 之前喺博文街嗰邊搬咗過去 環境更加舒服😙鐵板蠔仔蛋呢間嘅蠔仔蛋有啲似台灣嘅蚵仔煎 每啖都食到有蠔㗎 仲有大量嘅蛋包住😺 底下有啲芽菜係底 食落冇咁油膩 輕盈好多😋 呢個價錢都幾抵食泰式滷水豬髀都幾鍾意呢度既豬髀 豬嘅肥膏好薄 可以話係啖啖肉 豬皮嘅部分唔算太多 想健康啲唔食皮嘅朋友一定啱😌 完全唔會太heavy 調味唔算太鹹 係偏甜甜地嘅滷水味☺️蛋網海鮮金邊粉揭開咗塊蛋網就見到滿滿嘅金邊粉 海鮮嘅份量都幾足 有大蝦 魷魚 魚塊 青口 好多櫻花蝦🦐味道酸酸地好唔錯 有得睇又有得食🥰 側邊仲有花生粒 撈埋嚟食 口感更有層次芒果冰特飲好鍾意呢杯特飲 飲得出係真材實料🥭 仲有芒果粒粒喺入面💛 味道有啲似某已結業連鎖店嘅芒果飲品😂椰汁珍多冰椰汁唔會太甜 綠色嘅珍多食落口唔會好韌 又真係幾好食🤤呢間泰國餐廳真係幾唔錯 價錢都好相宜 大家經過都可以支持吓呢間新舖🤤

除咗九龍城，大胃覺得大角咀都有幾多泰國餐廳，其中呢間橙象由博文街搬去利奧坊大間咗靚咗，食得仲chill平時食泰國嘢，食明爐魚居多，今次試吓焗鰂魚，夠晒特別撩開魚肉，裡面塞滿香料香茅，魚肉嫩滑到飛起，啖啖充滿香氣如果要飽肚，勢必嗌個椰青焗海鮮飯，份量激多，勁多椰汁同海鮮，每啖都係香味逼人，超充實鐵板蠔仔蛋係蠔迷必叫，好多蠔肉，粒粒飽滿，幾乎多過炒蛋，隨便夾一夾都夾到蠔肉咁甜品都唔使睇menu揀，一定係芒果糯米飯，芒果超大隻，啖啖肉好鮮甜，淋埋椰汁食吓糯米飯，好圓滿嘅一餐芒果迷不妨嗌埋個芒果smoothie，攪得好幼滑，果香好濃椰青都好大嚿，果肉仲幾容易刮𠻹

今日嚟到位於奧運站嘅泰國餐廳~~本身喺博文街不過而家搬咗鋪🇹🇭水準都係咁好🙈🙈❤️店鋪入面好有泰國風情🤍🤍店員安排咗附近比較少人嘅大枱比我地💓）🤪啱晒打卡喇～～我地晚餐時段去食❤️呢到都有好多泰式美食選擇～店員服務態度幾好👍🏽泰式明爐烏頭魚以小火爐裝上嘅烏頭魚好特別，😎有好多蔬菜好足料，條魚吸曬啲湯食落好惹味，魚肉鮮嫩唔會話好老😛😛鐵板蠔仔蛋蠔仔好多好足料，有好多芽菜做配菜，醬汁香濃可口，同蛋嘅配搭真係好襯！🥳蛋包海鮮炒飯賣相好吸引，🤓第一次上泰國嘅蛋包炒飯感覺好特別，多種海鮮非常足料！有魷魚、大蝦、魚塊、青口...炒飯好有鑊氣，蛋味香濃！椰汁冰 & 芒果冰特飲椰汁味香濃，甜度適中。🤩🤩芒果冰賣相吸引，幾乎每枱必叫！芒果味好突出，仲有一粒粒嘅芒果肉！作為一個沙冰控，真係覺得好正！

鍾意食泰國菜嘅朋友相信對Orange Elephant🧡都唔會陌生😌以前都經常食九龍城及博文街分店，最近博文街分店已搬遷至利奧坊，店內裝修比以往更光鮮華麗✨洋溢住東南亞風情🏖️食物水準都保持一向高水準❣️.🍴炭燒牛肋骨💰$102牛肋骨充滿碳燒香且肉味濃郁😋肉質有嚼勁得嚟又唔會好韌👍🏻蘸埋泰式辣汁更惹味香口🤤.🍴鐵板蠔仔蛋💰$96鐵板燒得熱辣辣呈上🔥蠔仔粒粒都脹卜卜，鮮味十足😝蛋&蠔比例啱啱好，唔會有太多蛋而無蠔情況出現👍🏻底下鋪滿爽口芽菜，減低油膩感😙.🍴肉碎生菜包💰$84揀咗豬肉肉碎，肉碎加入檸檬菜、香茅、辣椒乾、蔥頭得炒香😌而且可能加入檸檬汁或青檸汁關係，味道偏酸，啱哂🐻口味🤓非常開胃😍.🍹Mango Mania、青檸梳打💰$36、32Mango Mania非常鮮甜，中間仲有芒果果肉粒🥭飲完透心涼❄️

夏日炎炎就有啲掛住泰國菜嘅味道呢間泰國餐廳以前喺博文街嗰頭而家搬咗入去利奧坊環境闊落又新淨鐵板蠔仔蛋新鮮滾熱辣 上台果下已經聞到好香蠔仔同蛋嘅份量都好足一啲都唔腥 充滿鮮味咖喱海鮮脆包盅造型好靚 兩隻青口好似兔耳仔咁咖喱嘅份量係多到滿瀉出嚟味道唔算太辣偏香甜配住啲包味道好夾入面嘅海鮮料都好多 魚蝦貝類同埋魷魚鄀都齊備大頭蝦粉絲煲粉絲真係我嘅最愛仲要佢嘅汁係蝦嘅鮮味索晒入面啲精華唔好睇佢望落去好似得粉絲其實大大隻嘅大頭蝦就係煲底就連飲品都比到驚喜芒果特飲同埋番石榴冰兩隻嘅味道唔係藥水溝出嚟嗰種而係真係有果肉同埋果汁夏天飲就最啱足料又好食！