阿不 (Closed)

見到openrice book位九折優惠就一於去試一試，以餐廳標價的價錢食私房菜都可以接受嘅。由於中午時段飲茶🫖，就嗌左慢煮鮮鮑魚伴瑤柱蛋香炒飯$132，鮑魚有炆煮過，所以鮮甜的，但個炒飯底就無咩特別，同出面酒樓食無咩差別輪到點心，分別嗌左流沙大蝦撻$38，粟米海鮮餃$38，焗雞粒酥$48，同埋唔可以唔嗌的阿不點心拼盤$78（我估係鎮店之寶）賣相好靚的蝦撻，原來係普通的咸蛋炸蝦球加個撻，但兩者係唔痴埋，兩個獨立的食材擺埋一齊，有點失望，味道係ok的粟米海鮮餃，食落無咩味，亦感覺唔到食到咩餡，皮唔算薄，都係有點失望🙍🏼拼盤唔錯，都係個賣相最靚的鮑魚燒賣，鮑魚係最好食，隔離的係蝦餃，大大粒，再隔離的係黑蒜日本帶子餃，最尾的係金魚餃，賣相亦未至於整得好精緻，好難食，唔知個餡係啲咩，唔知自己食緊咩最尾呢個先係最離譜，我覺得自己根本淨係食緊一舊酥，入面的餡咬開係見到的，一堆醬的物體，食唔到肉，酥皮厚到一個點…食食下見到張枱有蟻的蟲

留意到阿不新開業不久，獲普遍不俗評價，星期六亦想喺一個舒適啲嘅環境，食吓傳統及特式點心/中菜，就特意唻一試。食店主張「不時不食，豐衣足食」，廚師選用新鮮季節性食材，炮製唔同款式，比客人品嚐。今餐我哋主要就試咗點心：1）原隻鮑魚雞粒酥 每件HK$48：鮑魚偏大隻，質地雖然唔係非常軟淋，但都易咬，唔韌。酥底好香脆，但唔會一咬就鬆散哂。稍嫌雞粒有好輕微「騷」味。但整體都算好食。2）阿不點心拼盤 4件 HK$78：包括金魚餃，乾鮑鮮肉燒賣，帶子餃...等等。3）龍蝦湯腐皮卷 3件 HK$52：外層非常香脆，配搭嘅龍蝦湯，就如結身啲嘅汁一般，味道唔太濃，幾好食。4）燒賣三重奏 3件 HK$68：鮮蝦餃粒粒都大大粒，分別配上半粒帶子，原隻大🦐，及一隻乾鮑，份量充足。5）XO炒手工有料蘿蔔糕 HK$58：份量充足，香口野味，面層如果可以煎得再香脆啲就更好。6）鐵觀音茶：茶葉非常充足，塞滿整個茶袋，水夠熱，用筷子篤吓加快出味再輕微浸泡一陣整體而言，店內環境及食具均新淨整潔（畢竟開業不久），店員整體亦有禮及服務效率高，食物質素亦算唔錯，食物種類亦唔算少，價格中規中矩，依家仲做緊8折優惠，