The Grove (Closed)

搬左嚟土瓜灣住，平時都會成日叫外賣平台，最近食過幾間台灣牛肉麵外賣，都麻麻地，一間就個湯底太重藥材味，牛肉鞋，一間就牛肉好淋，但個湯酸酸地，同埋啲麵煮太淋今日又叫外賣平台 台灣牛肉麵，送到嚟見賣相普通，都唔抱太大期望，點知食落有驚喜喎！佢個湯底係幾間中調得最好味，甜甜地辣辣地，個牛呢，見佢切咁厚都擔心會靭，點知都好夠淋，仲有幾舊大大舊，個麵都好彈牙唔錯，最想讚係棵小棠菜，竟然都煮得好夠淋好入味，超欣賞！平時都係搭單做配菜，出面嘅餐廳9成都係煮唔淋，好生好硬唔好食，但呢間餐廳連棵菜都有用心去煮，呢啲細節位真係令人印象深刻，所以令我平時極少留言都忍唔住要上嚟寫篇文讚下佢我老公話碗麵正常囉，但係以今時今日香港嘅外賣質素，煮到正常水準已經唔簡單，仲有杯珍珠奶茶味道都唔錯，唯一要彈就係啲珍珠唔夠淋，有改善空間唔好意思，張相係食到一半先影😅因為平時都唔係相機食先食之前都無諗過寫食評總括嚟講佢嘅味道唔算驚為天人不過外賣嚟講已經算係水準之上有機會可以試吓，用心煮嘅值得支持

📌 The Grove Taiwanese Cafe - 土瓜灣馬頭圍道63號啟岸巷子地下26-27號舖🗓(27/7) 星期三 ⏰晚上7點左右 🌐網址: https://s.openrice.com/QrbS0dMCB00~ueeoDBA💈特式：崇潔街多野食就係人都知，而家開左啟岸巷子，就多左更多過江龍進駐。🥩🍖🍗🍔🌭🌮🥗🥯🥘🍲🍝🍣🥟🍤🍱食物：主要係食台式食物，牛肉麵/肉燥飯等等。今日叫左佢個阿Roy牛肉麵，之前都有試過佢既台式肉燥拌麵同其他小食，講吓味道先。阿Roy牛肉麵 - 牛肉麵麵量唔算多，但餸量都足夠，牛肉滷得好淋好入味，棉質都好食又彈牙，如果需要仲可以轉麵底做刀削麵，個湯底帶少少辣，但未至於好辣個隻，正常小辣咁既級數，整體都係給予好評。台式肉燥拌麵 - 之前試過佢既肉燥拌麵，麵底冇得轉，set左係刀削麵，佢個肉燥好香好入味，整體都係中上既評分。小食 - 食過花枝丸/鹽酥雞/台灣香腸/椒鹽雞翼/豆沙鍋餅，除左豆沙鍋餅比較出色、其他都好普通，無乜特別，如果唔係太肚餓或太想食某樣野就無需要嘥錢加配，但佢個豆沙鍋餅就幾好食，偏薄身，唔太漏又唔太甜，有水準之作。☕️🍵🥤🧋🍺🍷🥃🍹🧉

睇到有啲openrice同Instagram 嘅介紹話正，所以就買左外賣食。😎一打開，個感覺係食物大小比較細，同之前見到嘅相似乎有啲分別。🧐肉餡餅比預期細件🧐，不過味道好，尤其係個汁，酸酸地好開胃。😋鹽酥雞較為迷你，size大約係一口再細啲咁。🤨肉燥份量都好少……唔係好夠撈飯。😕滷肉飯啲汁都比較少，又係唔係好夠撈飯。😕所以，兩個飯食下食下得翻白飯，都會覺得有啲乾口。😐牛肉麵好食！個湯好濃，都要邊食邊飲啲水😂。整體所有食物嘅味道都好🤩，好滋味！

💛🧡💛台式小店質素高又抵食🥢雖然餐廳位於土瓜灣，不過尖東/紅磡/何文田行過去都差唔多😆之前已經好想去依間台式餐廳啦！見佢最近開咗新分店，緊係要去試吓😌餐牌價錢超級抵食😂份量好足夠，仲係即叫即製㗎😎🤎阿ROY牛肉麵🤎 $56招牌牛肉麵先嚟一碗🥢天氣凍凍地，最啱就食返碗熱辣辣嘅牛肉麵啦🤤牛腱大大件，啖啖肉🥩冇多餘筋位，而且入味！麵條為粗身麵條，浸泡湯底後偏軟身易入口🍜連湯一齊食更滿足！💛黃金芋圓球💛 跟餐+$20 小食選擇幾多，不過黃金芋圓球個名最吸引🤣唔食唔知原來咁好味！非一般嘅芋圓球，外層金黃酥脆，包住綿密芋泥，裡面仲有鹹甜嘅黃金餡，層次豐富🤩❤️凍珍珠奶綠❤️ 跟餐 +$8鮮奶搭配茉香綠茶，奶味適中🍼茶味香濃！珍珠偏硬身，如果可以再軟糯啲就更好🧋💜忌廉芝士貝果💜 藍莓 $39估唔到除咗有藍莓醬，連個貝果都有藍莓🫐藍莓味嘅貝味好好味，甜度適中🥯整體煙煙韌韌，每啖都有藍莓乾🫐可見藍莓乾比例剛好！忌廉芝士嘅份量搽厚身啲就更好🧀如果加埋新鮮藍莓夾層或成果醬，整體會昇華至完美🤤🧡蛋餅🧡 吞拿魚 $38酥脆嘅外層包住滿滿吞拿魚沙律，雖然兩者看似普通😆但合而為一真係有驚喜！依度嘅蛋餅外脆內軟，吞拿魚沙