松記糖水店

Open Now

Now Closed

夜媽媽又熱辣辣，最好就係整返碗糖水食下！記得屋企附近有間松記，於是就即刻衝落去😎其實之前都一直食開呢間，不過就係銅鑼灣，呢間松記糖水鋪我最欣賞佢既就係芋圓仙草凍系列！出面好多糖水鋪做出黎既芋圓好多都冇味，唯獨係松記最出色👍🏻每次我都係例牌叫個芒果芋圓仙草凍，店員會問你加唔加奶！記住，一定要加！加左同唔加真係好大分別，有奶香味，食落仲帶少少甜甜地！佢入面仲會珍珠同埋紅豆！你溝埋啲花奶一齊食，簡直一流🤤未食過既你，快啲去試下😎

食完晚飯想坐多陣，離遠見到松記招牌即刻入去。 晚上8點幾唔算好多人，可以隨便坐。 每次黎都會叫Summer，今次想試下新野，原來都有好多新款，單係餐牌都有4、5版，選擇困難症又發作。雜果芋圓仙草凍 ($30)超鐘意食仙草既我一見到新系列即叫，底下既仙草冇令我失望，滑嘟嘟充滿仙草既幽香。 幾鐘意面頭類似珍珠既深褐色粒粒，煙韌得黎食落都有少少仙草既香味，唔會太甜。雜果同Summer一樣，有芒果、西瓜、奇異果、蜜瓜等，全部都夠甜又足料。 不過主打既手製芋圓反而幾失望，雪到有少少硬又痴埋一舊，唔太煙韌彈牙，同食粉團一樣。熱芝麻糊豆腐花 ($17)最近超想食芝麻糊，可惜呢碗只係開粉貨色，豆花夠熱同滑，但豆花水又再一次溝淡左芝麻糊，成個組合好失敗，都幾失望。