Comfy by Chef's Stage (東廣場)

Open Now

Now Closed

今日帶左狗狗出觀塘，就上網睇下有咩餐廳係pet friendly 🐾原來東廣場有間西餐可以帶埋狗狗，成日會去觀塘但就一直都無試過係東廣場食過野～餐廳分左兩邊，店員安排左我地坐係外邊位置，位置都好打卡able 😂😂隔離枱已經有兩隻細狗🍔韓式雞肉菠蘿漢堡$118痴線個漢堡勁厚，因為有兩塊雞肉同菠蘿，包有烘過表層脆得黎入面仲係好軟熟，好想一啖咬落去，自問個口唔係細，可惜無能為力🙂雞肉係雞胸位，但一啲都唔乾，醬汁帶小小辣同酸酸地，估唔到係兩塊咁多！仲有粗薯熱辣辣同沙律菜🍄黑松露雜菌意大利飯$118意大利飯配黑松露真係好香，仲有一片香脆麵包，一啖飯一啖包，個口感又再正左，如果份量緊多多小小更好，有啲唔夠喉🥹🥹🍓雜莓乳酪沙冰$50沙冰多到滿瀉，卡都打唔切就要啜左兩啖先，有少少士多啤梨脆脆係面，沙冰好重莓味同乳酪味，唔會互相搶走對方個味道，甜道適中，帶少少微酸，飲完兩啖已經開左個胃🫰🏻本身無帶任何期望去食，味道唔錯有水準，絕對對得住個價錢🫶🏻🫶🏻

東廣場超多餐廳，但唯獨呢間感覺最靚、最chill，空間好大👍🏻。見啲嘢食相擺盤又靚，完全係打卡able🤪，所以想試吓佢✨芒果蟹肉牛油果沙律（$128）賣相一流，底層係芒果，中間係蟹肉，面層係牛油果蓉。第一啖食落去就已經食到好香嘅蟹肉味，味道好搶，3層一齊食反而牛油果味唔係咁出。呢道做冷盤食一流，加埋啲火箭菜食好醒神。香煎美國雞胸（$138）有驚喜，雞胸煎到金黃色，一啲都唔鞋。夾埋薯餅、長柄西蘭花食唔錯，如果多返汁點嚟食就更好喇。炸意大利燒烤菇配松露蛋黃醬（$68）呢款小食最有驚喜！第一眼睇佢個樣好似炸雞，因為好大舊😂食落去勁香口，炸得好香脆，咬落去又多汁😋抵食～飲品方面勁靚，少女心爆發😂😂。我哋叫左紫薯鮮奶（$42）同雜莓乳酪沙冰（$50）。兩杯飲品唔係得個樣，味道我都係非常鐘意。前者紫薯味香濃，同牛奶好平衡，唔會過甜，飲落有陣陣紫薯香，相信熱飲會更出色。後者亦都係貨真價實，莓味濃，口感順滑，唔會過甜過酸。最後想稱讚一下，呢度嘅自助斟水竟然有sparking water!!平時餐廳有汽嘅水要畀錢，但係呢度唔洗👍🏻👍🏻我同朋友係咁飲🤣🤣

今晚在觀塘東廣場附近上course，上堂前先同同學仔食d野。綜觀成個東廣場比較正既一定係Comfy by Chef's Stage Kitchen 呢間吸引唔少後生仔女光顧，因為佢哋嘅食物好精緻，打卡、影相一流。坐低後，我哋睇咗Menu一下另外飲品都有menu我們揀了一個烤南瓜•藜麥沙律配蜜糖黑醋汁、主食要了一個紐西蘭肉眼扒share黎食，飲品就分別叫了係凍黑糖伯爵鮮奶咖啡、雜莓乳酪沙冰，最後加了意大利芝士蛋糕Tiramisu做甜品，總體食物既好看又美味。烤南瓜•藜麥沙律配蜜糖黑醋汁這個沙律好fresh，芝士粒soft、南瓜烤過好食，藜麥健康，成個沙律不得了👍🏻👍🏻紐西蘭肉眼扒要了七成熟，切開少少粉紅，咬落肉汁好多，肉質好嫩、薯仔係烤過的，都好好食。甜品是意大利芝士蛋糕Tiramisu，影落件蛋糕唔太大件，實際size都有我大半隻手掌咁大，$48呢個價錢算抵食。飲品黎講絕對影相一流😆😆 味道都幾唔錯。雜莓乳酪沙冰酸咪咪的、有片薄荷葉放面，感覺好natural另一杯是黑糖伯爵鮮奶咖啡，升級了fruity咖啡豆 & 揀了脫脂鮮奶，咖啡味香濃一邊飲野一邊傾計真係無得頂，如果星期日咁嘆真係好慢

這家店如果開在鬧市中，一定不止如此。離地鐵站只有幾分鐘路程。餐廳位於商場內，面積頗大，裝修也用心，走清新大自然風，用了不少木元素，營造溫馨舒服氛圍。⭐️雜莓乳酪沙冰$50紫色的沙冰顏色已經十分搶戲，入口是雜莓的酸香，很解渴。⭐️蘋果花茶$38蘋果花茶不含咖啡因，含有維生素C和氨基酸、有抗老養顏功用。入口有淡淡的水果天然香氣，清新解膩。⭐️明太子海鮮薄餅$138披薩上面舖了蝦肉、青口、明太子、魷魚、粟米、蟹柳等配料，入口有陣陣明太子香氣，餅底烤得香脆，配料多元化，又有海鮮的鮮味，口感很豐富喔！⭐️芒果蟹肉牛油果沙律$128蟹肉、牛油果加上芒果，口感細膩香甜，是一道很開胃的前菜。⭐️意大利芝士蛋糕$48意大利芝士蛋糕的味道容易入口，是一道大眾可接受的味道。芝士幼滑，咖啡味道夾雜奶香，口感很棒！