Texas Burger (Closed)

去到餐廳6點多，已經滿座。好彩有預約，唔使等位。環境幾好，座位都幾舒服。我地兩個大人+ 一個小朋友。叫左個龍蝦牛漢堡套餐 （包奶昔+酸瓜+薯條），墨西哥牛柳條夾餅，墨西哥手撕雞卷餅，水牛城雞翼+棒棒雞，墨西哥玉米片，椰子奶昔，雜莓奶昔，黑牛。餐點份量唔算多，但食完都幾飽，可能樣樣都係澱粉質😆。除左個漢堡，其他都好好味。椰子奶昔都係一般。不過呢間餐廳係可以再黎既。今次食唔到甜品，見隔離枱叫左個噴煙既甜品，應該係冰鎮朱古力蛋糕新地，賣相幾吸引。可以一試。

以前唔鍾意食漢堡包，但近年口味變咗，所以有好多餐廳重新列入想食嘅名單，當中包括位於朗豪坊嘅天幕下的漢堡包「Texas Burger」。用天幕下呢個Term，好似彷彿透露咗年齡🤣。呢度座位數量唔多，所以晚市時份避免唔到要等位。餐廳顧名思義係食漢堡包，款式選擇都唔少。同時，佢亦提供多款墨西哥美食🇲🇽，咁樣就唔使一人吔一個包咁單調。德州燒烤牛肉漢堡Texas BBQ Beef Burger($88)，🍔漢堡包大小適中，餸料包括漢堡扒、煙肉、炸洋蔥圈、芝士同生菜等。麵包塗上牛油烘，味道幾香，而漢堡扒牛味都OK，肉質唔鬆散。主食可升級做套餐，加$66有奶昔、薯條同酸青瓜。🍟薯條簡單用味粉調味，外脆內軟，唔錯。我個人幾鍾意食酸青瓜，貪佢夠開胃，而且分開上都好，始終未必個個啱食🥒。燒烤手撕豚肉墨西哥卷餅Pulled Pork Tex-Mex Burrito🌯($82)，卷餅完整一條送上，面頭有唔少香口醬料，包括荳蓉、牛油果醬同酸忌廉等，食落唔乾。卷物餡料幾多，有手撕豬肉🐷、生菜同墨西哥辣椒等🌶，咬中咗後者會辣親，哈哈。飲品方面，我哋要咗雜莓奶昔Berry Love🍓🥛(原價$50)，奶昔嘅粉紅色造型

之前介紹過荃灣嘅B.O.T.H. By Texas Burger，嗰陣已經好滿足，今次食埋總店，總店以Burger為主，另外仲有啲墨西哥小食～不過呢兩間嘅burger想跟埋薯條同嘢飲就會偏貴少少，但見到佢話可以用消費劵埋單就用咗😛•🥢 軟殼蟹牛油果醬牛肉漢堡 $108呢個係有軟殼蟹同牛肉嘅漢堡，再加埋牛油果醬同芝士，成個漢堡好豐富，上下嘅包都烘過，包面仲幾脆，入面軟😍 軟殼蟹唔會炸到太油膩，而且都幾實肉，唔會得個炸皮；牛肉都算厚身，幾juicy，肉味都幾濃🤤 牛肉上面塊芝士嘅味道都好出！牛油果醬令到成個burger無咁乾，亦感覺無咁heavy😌•🥢 德州燒烤牛肉漢堡 $88呢個漢堡有煙肉、洋蔥圈同牛肉，煙肉超級脆！洋蔥圈就比較細同埋得2個，感覺唔太突出，牛肉同樣幾厚實，唔鬆散，肉味幾濃，上面塊芝士嘅味道都好出，不過BBQ醬汁有啲少，唔太明顯，食落成個漢堡都會比軟殼蟹嗰個乾啲🤔•🥢 Combo +$66Combo有飲品、薯條同酸瓜，配唔同飲品就唔同價錢，我哋揀咗是日奶昔同瑪格麗特，是日奶昔係雜莓味，粉紅色同幾大杯，超級啱打卡📸 一開始飲莓味比較淡，但放咗陣同搞勻咗，莓味就濃味咗🤤 仲有少

夜晚7點半嘅朗豪坊，都有不少人流，諗唔到食咩，諗住又最頂開始行落去睇下有咩好食，點知一搭長電梯上到12樓，就俾間Burger吸引住~雖然餐廳都多人，但好在都有2人位😜 ✨熱溶拉可雷特芝士漢堡 - 應該係期間限定款，見到咁邪惡，忍唔住叫左，仲跟埋餐有薯條同奶昔~ 個burger真係流芝，塊肉好厚好香，burger仲夾左香草腸，口感同味道都一流✨墨西餐哥芝士煎餅 - 揀左煎牛柳條口味，啖啖肉，配埋面頭d牛油果醬，唔會太漏✨冰鎮朱古力蛋糕新地 - 一上枱仙氣盡現😂 隔左一陣終於望清個甜品樣，有我愛嘅Brownie, 加埋雪糕，都係好邪惡但夠滿滿~✨雜莓奶昔 - 味道唔會太甜，奶味幾重幾滑，大大杯好抵玩最後埋單發現佢仲可以用消費卷，真係唔夠cash都唔洗驚😂

平常吃漢堡都是在快餐店大多會在趕時間或想省錢的時候選擇今次位於朗豪坊頂層天幕下的德州漢堡卻突破了我對漢堡的刻板印象其景觀之開揚搭配淡淡的紫色燈光寬敞舒適的包箱型座位情侶用餐再合適不過這店主打漢堡另外可加錢選Combo升級套餐加配薯條酸青瓜和飲料包括奶昔或Margarita煙熏英國車打芝士牛肉漢堡是厚切手打碎牛肉口感不錯之餘還散發著濃濃牛肉香配上半融化的絲絲車打芝士滋味無窮不可能漢堡是用著名的Impossible  meat製作我認為這種「肉類」在健康與食慾之間取得平衡雖沒有肉類成份但口感與味道卻神似真正牛肉煎得香口之餘還散發恰到好處的焦香薯條微熱皮脆內軟賣相金黃看的出是即叫即炸是日奶昔今天是雜莓奶昔順滑易入口喝起來有濃濃的野莓味Margarita選了Blue Margarita透明的藍色令人聯想起海洋的寧靜入口酒味同樣若隱若現總的來說這裡裝潢有氣氛食物質素不錯價錢合理還寫著可用消費卷好適合小情侶邊談心邊用餐

今天和老公到旺角逛街，在找附近的餐廳看到這間餐廳很多好評，而且說可以看到天幕，所以便想試一試餐廳是先買單然後找位置的，坐位大概有十張枱不算多，所謂的天幕其實是商場頂是窗，沒有什麼特別我們點了兩個漢堡，其中一個升級了套餐是日奶昔是雜莓奶昔，點了餐幾分鐘便來。賣相不錯，很奇怪地有一枝紙飲筒和一枝膠飲筒。雜莓奶昔只喝到士多啤梨味，味道和快餐店$10 杯奶昔一樣漢堡等了差不多半小時才來藍芝士牛肉漢堡 - 有煙肉，炸洋蔥圈和牛肉，真的吃不到藍芝士味，麵包甜甜的但不是熱的，非常扣分。還好都吃到牛肉味薯條即叫即炸，不過不失。套餐還有一條酸瓜，真是一條上，十分奇怪手撕豚肉及煎腩肉漢堡 - 餐廳說沒有煎腩肉,要換成炸洋蔥圈。麵包同樣不是熱的，手撕豚肉十分零碎，吃不到肉味真的想像不了為什麼會有那麼多好評，我自己便不會再來

今日小弟同女友人行旺角但出面真係好熱好熱， 岩岩先春天夏天都未到已經室外氣溫30 幾.. 我地就走左入朗豪坊唞暑， 入到去又見肚餓就去左呢間位於頂層既texas burger食野.. 佢呢間餐廳係開放式，環境清優.. 我地叫左個烤侷芝士粟米脆片，墨西哥芝士夾餅，熱溶拉可雷特芝士漢堡，同埋一杯雜莓奶昔... 個粟米脆片撈埋d溶左既芝士點埋d蘑菇醬食真係好creamy好爽.. 個墨西哥芝士夾餅要落手食，雖然有d 唔方便但好彩餐廳有提供濕紙巾好貼心哦.. 跟住就係個熱溶拉芝士漢堡真係好正勁多芝士大大啖咬落去極為滿足既感覺... 女友人好滿意佢杯雜莓奶昔，話唔太甜酸酸地咁幾開胃,最後我地叫左個冰鎮朱古力蛋糕新地.. 好正佢有乾冰擺底噴住煙嗰下好有美感 同埋個朱古力蛋糕好濃朱古力味撈埋雪糕食一流丫.

放假同朋友行朗豪坊， 上到最高嗰層， 發現 開咗間新嘅texas burger， 本身呢間餐廳有間總店喺天后， 而家進軍九龍區， 唔使過海都有得食我同朋友都好鍾意食漢堡, 睇完個menu二話不說就入咗去坐。 超鍾意佢哋嘅 卡位雅座， 好似一個小包廂， 傾計好方便。呢間主打食漢堡包嘅burger店， 光看過menu就已經花多眼亂， 佢哋嘅配搭亦好特別， 除咗主打牛肉之外， 亦會用到唔同嘅材料， 好似鴨肝同軟殼蟹， 或者唔同限定時候先有嘅龍蝦， 但最後我都揀咗呢間舖頭嘅招牌漢堡包 - 德州燒烤牛肉漢堡。德州燒烤牛肉漢堡, 單點$88, 但我同個朋友升級加咗$66要咗個套餐, 仲有粗薯條,酸青瓜,同是日奶昔。成個 德州燒烤牛肉漢堡套餐 $156, 漢堡包好大個, 第一口咬下去的感覺就是 麵包鬆脆, 明顯漢堡包是有烤過的， 裏面嘅材料除咗有一塊好厚又好多汁 的 手打牛肉外， 更有炸洋蔥圈，脆煙肉塊， 融化的芝士及醒胃的燒烤汁。 最特別之處就是各樣材料及醬汁與手打牛肉都很配合， 醬汁並不會蓋過手打牛肉的味道， 咬下去手打牛肉質鮮嫩多汁， 但配上醒胃的燒烤汁之後， 仍然不失牛肉味， 而鬆脆的 麵包