新華茶餐廳

Open Now

Now Closed

復活節食「蛋」怎會少得港式酥皮蛋撻呢？我今次選擇去呢間老字號茶餐廳，因為全香港只剩返4間有閣樓的茶餐廳，而呢間就是其中之一間，梗係要見識一下啦😁🥚🥧 熱辣蛋撻 (HK$10)．呢度出品嘅蛋撻是街坊推介的招牌菜之一．填滿滿的蛋漿，口感奶滑，甜度適中，不過蛋味比較淡．暖暖哋嘅撻皮厚身，但層次不太分明，但口感有啲酥脆嘅🍗🥧 雞批 (HK$13)．呢款好少見，只有某啲茶餐廳有出品，所以見到餐牌有就叫嚟試下．可惜是室溫溫度，口感唔夠酥脆，餡料比較肥膩，麻麻哋，唔知如果可以要求叮翻熱食，味道會唔會好啲呢？🤔🥛☕️ 熱奶茶 (HK$22)．叫蛋撻食又怎可以不配搭一杯熱奶茶呢？．厚身嘅奶滑口感配香濃嘅紅茶味，味道不錯👍🏼

黎到長沙灣最出名既新華茶餐廳 仲要一次過試哂雞批、蛋撻同葡撻 真係夫復何求啊😍😍😍 雞批：多餡到一拮就必哂出黎 調味啱啱好 仲要咁啱新鮮出爐 好好食啊蛋撻：係我最愛既酥皮蛋撻啊! 好香好滑 好味！葡撻：冇想象中咁濃味 但酥皮整得出色 所以加番唔少分😂其實成日食西式/日式/韓式野 有時食番最簡單最地道既茶記下午茶先覺得最幸福啊 仲要每樣都係幾蚊雞 價錢貼地得黎又真係好好味 尤其個雞批真係超多餡好食到不得了😍搵日再去買番半打蛋撻番屋企食先!

天氣炎熱加上空肚,一坐下急不及喝一口茶,怎料,除了茶味,未叫野食就嘗到一小口蛋糕類物體... 大概這是在舊式餐廳的風味吧~唔理喇,叫野食..蛋撻*2 : 我是愛好曲奇皮派系,所以對於酥皮蛋撻,我不能對酥皮有任何不公平的評論,倒是可以說一下蛋,不太甜,非常好~不過新鮮出爐的應該會更好~雞批: 喜出望外...酥皮非常非常的香,只食酥皮,不食餡料也是一絕...再食餡料,有雞肉,蘑菇,火腿。連埋酥皮,足皮足餡,讚!當然熱辣辣就可以再加分啦~特餐o黎喇, 餐包,廚房唔記得落牛油,補番,唔該哂~火腿奄列,幼幼的火腿絲,不是滿瀉蛋汁的滑蛋style,以為唔太突出,卻比想像中好吃~沙爹牛肉麵, 香噴噴的沙爹,麵亦是爽的!爽呀!熱奶茶,滑呀!唔澀! 滿意呀!

上次食過金園,大讚。今日試埋新華。新華保留完完本本的冰室的枱櫈/環境,加分!食左份特餐、奶油多。特餐中的火腿奄列,蛋已煎熟透,沒有蛋汁,no good no good!沙嗲牛肉麵,沙嗲極濃!牛肉當然係腍啦!麵,沒有「大光麵」的”旱”口味,軟熟兼連沙嗲渺味,正!奶油多雖然係傳統薄切麵包,但即叫即烘,香脆到不得了!而且兩片多士,夾住奶油,比單片厚多士上查醬,來得好食!奶茶茶味好濃!略嫌奶多左D,不過對奶茶講究既老公,覺得這裡、金園、金華都是奶茶最好飲的地方。離開時,買件雞批$5。又係好食啊!裡面清楚的食到有火腿粒、蘑菇、雞肉。批皮乾爽不"立"口,食克唔覺膩滯。

無聊響OPENRICE四圍CLICK，偶然發現左呢間居然連一個喊樣冇嘅茶餐廳，於是，禽日決定專程去探討一下。坐港鐵響長沙灣C1出口出，直行見到青山道再左轉，大概十分鐘就到，唔難搵亦唔太遠。響GOOGLE查過，青山道小巴及好幾條九巴線都會經呢度。去到仲趕得切叫下午茶，於是同愛人一人叫左一個餐：1 X 沙爹牛肉麵（麵係普通大光麵，但係Ｄ沙爹牛肉又確係幾好味，一碗大概有五至六舊。）1 X 榨菜肉絲米粉（愛人食呢個，佢話會考慮下次再黎，即係食得過啦！）2 X 火腿蛋奄列 + 牛油方包（一份奄列落足兩隻雞蛋，雖然冇澳洲牛奶公司果Ｄ咁滑，但係絕對合格。值得一讚個牛油方包，軟熟得黎仲要熱熱地。）1 X 熱奶茶（奶味重過茶味，尚算合格。）1 X 凍檸茶（愛人話勝在用左碎冰。）之後見一場黎到，一於試埋個蛋撻同雞批先走人：2 X 蛋撻（傳統酥皮蛋撻，夠熱夠脆夠蛋味，唔會差過肥彭推介果間。）1 X 雞批（雞批入面竟然有冬菇絲，非常足料。塊批皮亦係熱辣辣脆卜卜，絕無欺場。）總結：樓上雅座地方整潔光猛，睇唔到一般茶餐廳常見的小小強及蚊滋仔，衛生情況好唔錯，我一路食見伙計哥哥一路四圍抹野，五點半上層收檔時又見清潔