吃什麼 (Closed)

以前食過一次呢間排晒長龍 好彩今次只係等咗一陣就可以入座！滷肉飯正常滷肉飯味 肉嘅肥瘦適中 不過略嫌唔夠香味 除咗滷肉飯佢即邊有三份配菜 分別有雲耳豆干 白菜 同埋勁似蕃茄薯仔蘿蔔湯湯渣嘅嘢😂 有趣得嚟幾健康雞排蔥油拌麵鹽酥雞排 叫台灣嘢必點 脆得嚟唔油 勁香口🤩好多塊差啲食唔晒碗麵啲汁就夠晒多 本身以為碗麵好細碗 但食極都未食晒🫢起司蛋餅實物睇粗過相！食食下其實都有啲飽蛋餅真係飽多2倍佢嘅芝士唔係超市嗰啲hea 片裝芝士 係碎條嗰啲少少認真芝士 所以特別香芝士味

嚟到中環大館附近嘅呢間台灣嘢食晚餐～ 朋友介紹話好好食，所以都好高期望！🤩每人叫咗一碗麵、飲品，同埋叫咗一份蛋餅兩個人share！🍳蔥油雞排拌麵（$73）🍝最滿意嘅係麵嘅口感，好有咬口，唔會乾爭爭，有醬油喺底可以撈，但係略嫌執多咗少少，食到最後就鹹咗少少。雞排好鬆脆，份量亦都好夠！外省牛肉麵（牛肋）（$85）🐄成碗麵充滿住好香好香嘅牛肉味，牛肉大約有4、5舊所以都好夠食🤤面係同拌麵唔一樣，用咗比較粗嘅麵條，食落亦都係好煙韌～ 索咗啲湯汁令到啲面好好食！餐牌上面寫牛肉麵係辣嘅，但係食落就唔多覺係辣，所以唔食得辣嘅朋友都可以試下，不過想食辣嘅朋友就可能會失望喇火腿蛋餅🍳個人最推介嘅就係蛋餅！餅皮非常薄，蛋同火腿亦都包得啱啱好同餅一樣大，食落每一啖都有一層層層餅皮、蛋、火腿，有啲似千層蛋糕嘅感覺～加上甜醬油令到蛋餅嘅味道冇咁單調同乾，蛋餅亦都有少少脆，非常有口感！嘢飲跟餐就係用以上嘅價錢加配嘅～所以總共每人大約食咗$120💰喺中環晚市呢一個價錢同份量個人覺得一啲都唔貴，而且味道都係好滿意，有機會一定會再去食！😚

首先，環境黎講都唔錯，大門口，有陽光射入黎，幾好Feel食物方面，叫左雞排蔥油拌麵，面質粗挺，如果中意粗拌麵既朋友就岩曬拌麵醬汁味道正常，未算太突出，蔥油足夠，食到最後既時候，碗底仲有好多醬汁！反而個起司蛋餅就喜出望外，好足料，尤其是芝士咬落好有口感，唔似其他地方偷功減料太薄咁值得推介！野飲就叫左東瓜茶，值得一提的是飲品頗有回甘味，就好似coffee既after taste一樣最後待應方面，由多國人士組成，有廣東話/台語，適合唔同人士點餐

想到今晚吃什麼，吃什麼應該可以幫你解決。蔥油拌麵不嬲都係我嘅最愛，今次都無令我失望。雞扒炸得非常香脆，咬落去唔會太乾，而蔥油拌麵份量都算大，拌麵面頭加上炸乾蔥以及蔥花，加埋少少汁係底，撈埋嚟食非常香。皮蛋豆腐係我見到隔離枱叫，實在太吸引人，所以自己都叫咗碟。佢有別於平時食到嘅麻辣豆腐。鹹鹹甜甜嘅汁，面頭再加上木魚碎，食落有少少似日式豆腐嘅感覺。鹽酥雞同雞扒味道好似，雖然都好好食好香脆，但建議如果叫咗雞扒麵就唔需要嗌鹽酥雞，可以試吓其他小食。甜不辣識落非常有咬口，亦都唔會太咸，做小食都相當唔錯。

此店大名鼎鼎，網上部分食評話店員脾氣臭、服務衰，可能我去嗰日佢哋中咗六合彩，所以心情極佳，服務妥貼，配合溫柔國語，以為去咗台灣。首先，喺酷熱、暴曬下等位，店員送上一杯接一杯冰水，入口順滑無水喉鐵銹味，仲要俾埋把遮你擋太陽、同你報告大約等幾耐，係幾貼心。

星期六大約2點後等15分鐘左右就入座，嗌咗外省牛肋肉麵、雞排蔥油拌麵、炸花枝丸同起司加肉鬆蛋餅，飲品叫咗金鑽鳳梨綠茶。
碗麵一夾起兩條食──－嘩！不得了，這就是‪台灣的味道‬～！湯底牛味濃、帶新鮮肉味、微辣帶花椒香、後段有少少蔬菜嘅清甜，食得出香辣底料用心調配，唔係一堆辣粉、辣醬倒入去攪勻就算。麵條軟硬適中，以為世界好完美，估唔到衰喺舊牛肉度。牛肉韌到飛起，你有信心牙齒好實淨先好食，如果唔係牙都甩。我勉強食咗兩小塊放棄咗。

雞排蔥油拌麵無得輸，鹽酥雞排唔油、好香脆，好容易一口接一口KO。拌麵蔴油、醋、醬油等醬料加埋好夾，好開胃，不過一上枱就要攪好個麵，如果唔係個麵成餅嘢好難搞。炸花枝丸同起司加肉鬆蛋餅味道貼近‪台灣當地食到嘅味道‬，前者又係唔會成口油，好熱，粒丸又彈牙，蛋餅唔會好滯，蛋皮軟熟，夾埋適當份量嘅起芝士同肉鬆，好吃。金鑽鳳