回到味來 (Closed)

是日女友放假，當然係就我出旺角食啦⋯⋯琴晚食完泰國嘢，今日食返個雞煲先😋上網睇到依間回到味來好特別，好少任食火鍋可以無限添加雞煲，仲有串燒任點任食，仲要有台式飲品任飲，勁到不行👍🏻所以梗係要試吓啦😆Book咗7:00準時到達，有一點好特別，就係佢哋嘅侍應都係好後生嘅男仔，大概25歲左右，一般年輕人做飲食業比人感覺都係比較求其，但係依班後生仔又有禮貌、見到D野食未到會主動出聲去催，又有笑容，完全無黑面，我唔知時間食過咗鐘少少都無咋形，更過份係比我食埋幾串串燒🥰🥰態度真係完全冇得彈👍🏻👍🏻👍🏻👍🏻👍🏻雞煲非常之入味，兩個人比一隻雞，好多時出面其他任食火鍋都係比半隻，但係佢哋雞煲可以無限添加，所以直接比一隻雞😆我覺得唔係雪藏雞添，如果係冰鮮雞成本真係好高😲芫荽皮蛋湯底，非常足料，入面起碼有兩隻皮蛋👍🏻牛頸脊，牛味濃郁，唔係一般肥牛可以比較😋串燒一啲都唔馬虎，食咗咁多串，返到屋企都唔需要狂飲水，非常難得😂雞子，我係一個雞子迷，一望就知道夠新鮮😄翡翠螺、生蠔真係冇得頂，出面燒一隻我諗都要$20-$30 ，呢度係任叫任食👍🏻👍🏻如果係大胃王，仲有個出前一丁任食，不過我同女友已經投咗降，每樣食少少都

我其實之前都已經食過一次回到味來，但最近見到佢同某個app合作，係果度訂枱有折，所以又再次光顧喇。黎到發覺個menu同之前既完全唔同左，多左雞煲呢個選擇，唔算係太食得辣既我就揀左小惡魔。如果食得辣，揀中惡魔或以上仲有折扣，感覺幾吸引，可惜我食唔到。雞煲黎到後等2分鐘左右就可以攪下佢，會有人幫你攪，唔洗自己動手。佢仲用個蓋黎擋住d煙，咁你就唔怕比d煙攻到，非常貼心。就咁睇個雞煲用左最少3款辣椒，難怪會咁辣，而且就咁聞都聞到辣椒既香氣。雞肉外面有少少焦焦地，夠晒香。雞肉裏面嫩滑，而且索晒d辣味，其實好正，不過對我黎講真係太辣。洋蔥夠淋夠甜，又索晒d汁，正。諗住食完個雞煲加湯個湯底會變到無咁晒，但d辣椒實在太勁，逼不得已要拎走d辣椒。塊鮮腐竹好滑，但一浸落去就索晒d辣味，哈哈。食完即刻叫左搾竹蔗茅根，非常解渴又解辣。手打墨魚滑好新鮮好滑；蓮藕片係薄切，吸到d汁得黎又夠爽脆。睇相都知d豚肉片靚，豚肉片切到好似牛肉咁薄，基本上淥一陣就食得。d蜆煮完開晒殼都仲有海水味就知道係新鮮啦，肉質又夠飽滿。另外，食食下唔夠湯既時候，佢地見我地覺得太辣有問我地洗唔洗成鍋轉做雞湯，最後我覺得唔好意思，所以無轉到

食雞煲, 最重要是其醬汁, 今天朋友推介了在旺角樓上店有一間美味的雞煲, 於是便前來朝聖。這裏的惡魔雞煲, 中辣以上便有全單折扣, 一個小小的中辣也難以抵擋, 不愧有惡魔的稱號;端上來, 紅紅的辣椒楜椒滿盤都是, 辣味的刺激能增加你的食欲; 邊搞拌, 辣椒味伴隨著濃煙, 直撲味蕾。吃一件雞, 十分惹味, 雞皮爽滑, 每一口雞肉, 都極富鹹辣味, 十分”過癮”, 我們點了牛柏葉, 雪花肥牛作配料; 潔白的牛柏葉看起來十分爽滑新鮮, 配以雞煲汁, 使淡淡的牛柏葉, 增添了一點兒色彩及味感; 而雪花肥牛, 雪花及肉比例均勻, 一大盤牛肉十分吸引, 放以雞煲輕輕一燙, 剛剛好熟了, 可能因為雞煲汁太濃, 完全掩蓋了牛肉的味道, 果然還是選一些較淡味的配料才合適。吃完, 覺得這裏的雞煲惹味無比, 如果喜歡辣辣的刺激感覺, 這裏可以滿足到你。