倫哥火鍋私房菜 (Closed)

成日聽d朋友講「倫哥」平靚正 今次終於有機會試下喇 果然冇令我失望！佢地既「$198無限時雞煲火鍋任食放題」真係好抵食呀！鍾意食雞煲同打邊爐既你一定唔可以錯過！環境唔錯幾骨子 乾淨企理 而且有卡位坐先食雞煲 再加湯底打邊爐 一次過滿足晒兩個願望！ 而且有別於其他雞煲火鍋店 佢地既湯底總共有三個選擇 包括有酸菜、野菌同埋蕃茄口味 幾驚喜 我地今次就揀左野菌湯底個雞煲真係好香好惹味呀 一打開個蓋已經流晒口水 食落仲好好味 雞煲夠香夠麻 而且雞肉嫩滑 仲啖啖肉添！ 正！海鮮拼盤：仲唔到呢個價錢都有高質海鮮食 海鮮夠新鮮 帆立貝、鯇魚片同蠔都非常出色 而且連鮑魚都有得食添呀 真係好超值！牛肉既質素都唔差 色水好靚 而且仲可以無限添食！鯇魚片真係好正呀！好有鮮味！蔬菜亦好新鮮 顏色翠綠食落爽口火鍋配料質素都唔錯 而且選擇都算多 仲有我最愛既厚切午餐肉添呀！飲品都算幾多選擇！美味而又滿足既一餐以甜品「冰粉」作結 大滿足呀！如果嫌唔夠喉既話仲可以加錢升級添！

外面比較少有雞煲可以任食，多數係食完一round就冇得再加。而倫哥嘅雞煲就可以任食無限次數加雞，食到你滿足為止，唔洗爭雞食🤣雞煲一打開個蓋已經好香好香，食落十分入味，好好味😋啖啖肉啱晒食肉獸基本上食完兩round雞煲已經有7-8分飽😆食完雞煲之後可以揀湯底打邊爐，會再附送以人頭份量計嘅海鮮盤，賣相同味道都唔錯。價錢$198再加一，當日係星期五，所以要再加$20。整體性價比極高，座位又夠闊落。食雞煲通常都需時比較長時間，坐得舒服都好重要食物好食，環境又舒適，當然會有下次

今日黎到最近頗多人推介的倫哥私房菜慶祝朋友生日，試吓係咪真係咁好味🤔🤔先上的是用猴頭菇同老雞燉嘅燉湯，好足料夠晒清甜😋😋飲完湯就上刺身，每樣刺身都好正常最緊要無雪味👍🏻👍🏻之後就輪到上雞煲，叫咗小辣，惹味得來雞都算嫩滑。鮑魚仔都問得夠入味，唔錯唔錯。食完鮑魚就上湯底打邊爐，呢個天麻魚頭湯底因為限量供應所以要早兩日預訂，離遠已經聞到好香天麻味，原隻魚頭已經熬到接近溶晒，雖然賣相麻麻地，用來做火鍋湯底一流😋😋安格斯肥牛紋理都算可以，可惜唔係任食。海鮮拼盤都算豐富👍🏻👍🏻埋單每人$323（需加一），無限時，性價比真心不錯👍🏻👍🏻

星期日放假去咗元朗，响 形點I 睇戲兼逛街。行到傍晚肚仔餓，係時候食晚餐嘞，記起去年食過嘅倫哥火鍋私房菜，高質又多嘢食，可以返兜喎。大約6點去到剛剛開場，可以即時入坐唔駛等，無幾耐已經好多人嚕。 飲品櫃有各式各樣的飲品，想飲邊款，可以自己去拎，仲有自家製五花茶可以揀。店員先送來調料架，鍾意咩味自己調製。以再送上涼拌豆腐和雲耳，好開胃然後再來一盤新鮮剌身，有三文魚、北寄貝、帆立貝、八爪魚和赤蝦，全部都好新鮮。赤海蝦好大隻，肉質鮮美。隨後又送來蒜蓉粉絲蒸蟶子，蟶子爽口鮮甜，好後來又送來汁煮鮑魚和花膠好味，掛住食，唔記得影相。好忙好忙，未食完，雞煲又來了。煲內半熟雞件沾滿醬汁、白蒜頭、紫洋蔥、黃豆卜、青綠芫茜，顏色靚店員說雞要每2分鐘翻炒一次，每次翻炒後把火調低一度，重複4次就可以吃了，店員不時會過來幫忙炒動。抵讚！雞肉鮮嫩香滑，好惹味差不多食到一半，將豬皮、牛栢葉和水魷魚倒入煲內，煮一下就把雞煲醬汁精華吸收入味，好味。雖然雞煲係可以免費添食，我哋已經飽咗一半，唔加啦…開始打邊邊，揀咗3.6牛乳豬骨湯底，火鍋料有一盤海鮮、一盤佈滿油花的牛肉，三色餃子、鴛鴦滑、蔬菜、炸魚皮、油炸鬼和嚮鈴。海鮮

上次女友帶我食完佐敦倫哥真係覺得好正，俾我發現到元朗有分店，於是就約左個住元朗嘅fd再食上到去，發現嚟度都幾闊落，眼見vip房好似比佐敦店更多坐下後，同樣先送上一人一份蠔皇扣原隻鮑魚配花膠這店用了蒜蓉粉絲蒸蟶子，俾我有新鮮感蠔皇扣原隻鮑魚配花膠-鮑魚煙韌入味，花膠較質超重，好黏口蒜蓉粉絲蒸蟶子-蒜蓉味很重，蟶子很爽口，鮮味十足，而粉絲吸收精華亦很好味刺身方面，今次有牡丹蝦，三文魚，帶子很大塊，八爪魚，北寄貝，好鮮味雞煲超好食，因為就我同樣叫左唔辣，朋友都話超好味，今次煮完六分鐘後，我哋有把土魷同魚肚加進去一齊煮多兩分鐘，成煲更野味食完雞煲可以轉火鍋，告訴友人雞煲是任添的，佢話留肚食火鍋，湯底由他作主，他同樣選了3.6牛乳豬骨湯底，佢話有特色，其他地方未必有，非常足料，有兩舊大大的豬骨湯底送上嘅同時，店員亦送上基本配料同海鮮拼盤餐牌上的配料仲有很好，大部分任叫今次個海鮮拼盤比上次款形更多蝦，蟹，蠔，蟶子，蜆，小象拔蚌，龍躉，魷魚一碟有貢丸，牛丸，年糕魚蛋，餐肉；另一碟有雲吞，九菜餃，魚皮餃朋友大讚黑白滑，所以我哋亦有encore牛頸脊肥瘦均勻，而且厚切，所以牛味勁濃今次我哋有食甜品，原來

第一次吃這間倫哥火鍋，是任飲任食，先雞煲後火鍋的那種。我們一班朋友聚會，位置舒適乾淨！(因為我們有一位朋友懷孕，店員還提醒她坐較方便的位置)飲品方面有很多選擇，除了有一般的汽水，還有很多韓國飲品選擇！想健康一點還可以飲五花茶！(店員跟我們說還有一支支清水，懷孕媽媽可以選擇)調味料方面，有這些選擇，可以自由加減份量，自己調味。食物方面，首先來的是雞煲，味道夠，很入味！而且有洋蔥、蔥、蒜頭等配料，很香！不吃得辣的我，BB辣都覺得很辣(笑)有點麻煩的是，雞煲竟然要攪拌四次才可以吃（因為店員說雞時生的，要繼續煮，攪拌防痴底）平時雞煲一來就可以吃的呀～這裡要等一會兒了！不過店員會幫我們攪拌，很好服務至於這個火鍋，真係超級讚有多款湯底選擇，我們選了豬骨湯底，是乳白色的湯底，還有點類似奶油的味道！沒有很濃的豬骨味，但我們都覺得很好吃，很特別的味道，正！食物 真 的 是 超 級 正 ！！！超級豐富竟然有刺身吃，而且是新鮮，又多，質素高的刺身，特別是原隻甜蝦，很鮮甜。除了刺身還有豐富海鮮！！全部都超級足料，大大份，還有龍蝦！至於肥牛的水準也很高，不乾，半肥瘦，有一定厚度狂吃！這裡就算連普通的丸類也這麼好

一大班朋友相約聚會，又要夾時間，又要夾食咩菜式，又要不限時間，十分難諗即是上網做下功課，搵到一間私房菜，可以満足大家要求-倫哥火鍋私房菜店員即時送上麻辣雲耳及四季豆，作為前菜蟲草花燉烏雞湯，湯鮮甜美味，可以滋補下魚生拼盤賣相唔錯，顏色鮮豔，有三文魚、北寄貝、魷魚、帶子及甜蝦，十分豐富各款魚生新鮮，尤其甜蝦，鮮甜爽口一打開蓋，香味飄出，雞肉滑溜多汁，配菜洋蔥吸收哂醬汁，十分惹味時令水果龍蝦鍋湯底清甜，龍蝦都幾大隻，肉質彈牙主角出場，海鮮有蟶子、貴妃蚌、越南蜆、鮑魚........等，見到都開心， 其中某部份海鮮可以添加海鮮新鮮，鮮甜美味，唔需要蘸任何醬汁,原汁原味牛頸脊，油脂分佈平均，牛味濃郁，幼嫩

咁啱屋企人去開元朗，我就放工join 佢地食飯，前排食過係深水埗嘅倫哥，覺得好正，所以就同佢地去試下元朗果間倫哥！ 我地大概到點半鐘左右到，唔洗等位就入得，可能因為喱間比較位置比較多。店員安排我地坐房，仲有電視，可以睇世界盃！ 一坐低仲有個小遊戲玩，就係估當晚邊隊球隊贏，估中就有優惠卷！我地坐低無幾耐，店員就為我地送黎一個生果盤，有蘋果，西瓜，蜜瓜同火龍果，佢仲同我地解釋話飯前食水果可以更吸引水果嘅營養，配合果醋仲可以排毒開胃，真係好貼心！食左一陣水果，就上左個刺身拼盤，有三文魚，大蝦，帶子，凡立貝同埋八爪魚。三文魚，帶子同蝦正常，反而帆立貝同八爪魚令我覺得有驚喜，因為平時食嗰啲成日都好韌，咬唔開，但今日食嘅就好爽，好好食！食左刺身，就上今日其中一個主角，雞煲！因為媽咪唔食得辣，所以我地叫左唔辣。個雞煲好好味，啲雞又滑，而個汁又唔太重口味，食完都唔會覺得口渴啊！ 我地隔離枱叫左辣嘅雞煲，陣味好香，好正！ 除左雞外，我覺得後落嘅牛柏葉勁好味，勁入味。但啲魷魚就煮得唔夠入味，建議大家早啲落魷魚（我地係食完雞煲落，煮左幾分鐘）。同之前食果間倫哥一樣，食完雞煲係會換湯。係等嘅期間，店員為我地送

三五知己、家庭聚會、一大伙人食飯, 又要就呢個又要就果個, 諗食咩好真係幾頭痕。今日呢間倫哥私房菜, 集刺身、雞煲、海鮮鍋、肥牛鍋於一身, 總有一款啱食啦掛。呢度除左一般前菜之外, 仲會請你食飯前果。 唔講你唔知, 原來餐前食水果有助開胃之餘身體仲更易吸收水果中嘅營養, 好處多多。開左個胃就唔好俾佢停啦, 各款刺生馬上送到, 每款都水潤亮麗, 其中牡丹蝦大大隻, 最鮮甜。話口未完, 雞煲送到！雞煲有幾個辣度, BB辣惹味得嚟老少咸宜, 怕辣嘅朋友都啱食。雞煲調味濃厚, 食到一半, 加入爽口彈牙嘅牛栢葉、魷魚、豬皮, 夠曬風味呀。接著就係今餐嘅重頭戲, 時令水果鍋。你無睇錯, 喺湯底載浮載沉嘅的確係有哈密瓜 & 西瓜, 呢個水果湯出奇地清甜美味, 據說仲有潤肺去燥嘅功效。火鍋配菜一啲都唔惹少。牛頸脊肉質緊緻, 口感爽滑, 牛味非常濃郁, 滿滿一盤, 食極都仲有。呢個海鮮併盤, 真材實料, 樣樣都鮮味十足呀！其中花蟹嘅蟹肉嫩滑細緻, 海蝦特別新鮮, 爽甜彈牙。部份海鮮仲可以無限追加添！咁靚嘅海鮮, 真係幾飽都忍唔住要加返碟。各款蔬菜都新鮮翠綠, 仲洗得好乾淨添。仲有一大堆火鍋配料, 真係數

超高CP值 雞煲火鍋@倫哥火鍋私房菜（元朗店）（無限時任食，$288/位，另收加一）通常任食的食材都比較劣質，這家卻是少見的例外，$300左右可以食到雞煲、鮑魚同火鍋，配料仲有龍蝦、龍蠆片、蟶子、海蝦、手打雙滑、大閘蟹、蜆、魷魚、炸魚皮、牛頸脊......等等，仲有甜品蛋白燉燕窩。其中雞煲、某些火鍋料和飲品都是任食，依個價真係自己買料都未必得。食材新鮮  海鮮類多基本上大部分的火鍋面料都不錯，特別是牛頸脊、龍蝦、蟶子、海蝦、手打雙滑。配料多到可以不用re-order，牛頸脊好正，我地加錢re-order了一碟（約$135）。美中不足的是炸魚皮，可能存放得不太好，一上桌已變軟。雞煲有點過火，雞肉很鞋。另外，大閘蟹比較細小，膏和肉都不多，有點失色。不過，以這個價錢來說，算是一個很不錯的選擇。🍎Food: 🍀🍀🍀👯‍♀️Service: 🍀🍀🍀👩‍🔬Hygiene: 🍀🍀🍀🎪Decoration: 🍀🍀🍀💰Value for Money: 🍀🍀🍀🍀🍀🏆Score: 7/10

早係半個月前相約好友一齊試吓倫哥上到嚟睇見原來可以WhatsApp定位咁當然訂定先啦！佢哋好快就應機而且仲好有禮貌好細心咁幫我安排定位過程10分愉快重點係佢哋提醒左我哋10點後宵夜時段會有一個八折嘅優惠！貪小便宜嘅我哋即刻約咗喺10點試一試佢😂😂當日十點鐘去到！人流唔算多唔需要等位店員就問我地個雞煲要咩幾🌶因為同行者有人唔食得辣所以我哋叫咗個BB🌶當食到咁上下你想打邊爐嘅時候我以為佢會加湯落去幫我地打邊爐！結果原來佢係會收起依個雞煲之後比一個新嘅邊爐你打😵好窩心呀！可能因為太夜所以冇得揀結果有過蟹煲食材都好新鮮墨魚手打真係值得一讚👍🏻👍🏻蠔皇鮑魚我哋就冇啦！但佢都有比鮑魚我哋打邊爐....海鮮好新鮮👍🏻食到咁上下真係好飽結果想埋單嘅時候店員送上甜品！唔記得左個名但係都好好食😂埋單四個人連埋＋1 $1002👏🏻👏🏻👏🏻👏🏻👍🏻

前幾天跟朋友一起去吃倫哥私房菜！一坐下來就上雞煲～真的很好吃！吃完又可以再添，而且是從新俾過一煲！很好👍食完雞煲便會轉火鍋，我們試吃蟹鍋！隻蟹一開二，都算多肉！牛頸脊好食有質素。墨魚滑也好食。之後再陸續奉上扣鮑魚仔、海鮮盤～刀貝很好吃：很甜、可惜想添食的時候話無哂！生蠔、聖子都唔錯～不過是人頭計，沒有得添加除非另外叫！D蜆就真的放湯好喇！鬼咁多沙😖😖😖⋯⋯另外個燕窩3.6牛奶燉蛋白～有點過火唔夠滑，而且燕窩得外賣奶茶枝攪拌匙的份量☹️☹️☹️不如唔放好過！大致上還會再來！

已經聽說過"倫哥"勁好食加抵食好耐 不過觀堂分店每每要提早一個月book weekends 位，有時真係有d 嬲點知，最近倫哥終於擴充，仲係元朗開左分店，咁近我，即去朝聖啦！離遠已經見到大logo就係呢個三百蚊人頭，包你勁多野食，仲大量係refillable 既menu 啦！！！正常打邊爐食物齊全先上雞煲，自認細胃口既人真係要量力而為，因為後面好多野食！不過雞煲又真係好味既。。。自己計住啦人頭一人一隻鮑魚。味鮮彈牙，讚拿，食幾多，自己決定la仲有時令大閘蟹多膏唔呃秤幾經努力阻止自己encore 美味雞煲，開始打邊爐海鮮拼盤，多款又新鮮，仲無限refill. 阿媽，點解你唔生我有四個胃？！真心又甜又鮮又大隻呢碟牛一樣不得了，幸好無得refill. 少d 抉擇moment 倫哥同一般任食完全唔同，仲唔限你時，當我由6半食到9點想走果時，仲提我有甜品未上！叫估你唔到真係估你唔到大法寶，有燕窩蒸蛋白lor...到底倫哥人頭連加一先三百蚊係點維本？我唔知道。只知道以後想減肥又多個大魔王la....

食物非常新鮮！非一般雞煲私房菜，無限時飲食！首先上既係蒜容蒸勝子+鮑魚，勝子十分新鮮，唔會蒸得太過火，岩岩好再黎既係雞煲，雞件可以每件睇得清清楚楚，唔會好似出面食開果d甘，比濃濃既汁又咸又濃味既汁浸住！職員會講解雞要焗6-8分鐘先食，中間攪一攪防止痴底！主菜黎啦....登登登登，非常新鮮生猛既海鮮併盤，有蟹、帶子、桂花蚝、花甲、龍躉、海蝦...等等！實在太好味啦！真材實料，簡直值回票價！湯底更加不得了，有龍蝦、西瓜、粟米，非常清甜，而且落足本去淆個湯！員工及環境也值得一提既係，員工態度非常友善，收碟快，如果早d訂位重可以訂到房，有獨立冷氣，一d都唔會嘈！今次我地5個人一齊去，個個都讚不絕口，下次一定同屋企人再黎食！