至尊雲吞麵雞煲

Open Now

Now Closed

$188任食雞煲+打邊爐市區放題閒閒地都$200-300起跳呢到比較抵食👍🏻👍🏻雞煲雞好味份量足夠，兩個人食真係有啲飽。啲雞通常係細細粒，個人都比較鍾意，但可能其他人唔係🤔邊爐食完雞煲會有啲飽，所以唔係食到好多。肥牛都算ok，唔係嗰啲cheap cheap牛。其他都正正常常，仲試咗雲吞，係不錯的，可以一試。推薦小食 : 炸饅頭好好食，encall 咗三轉！

黃店任食雞煲確實不多,聽聞此店在大西北區享負盛名,所以我就與朋友預先打電話取號,然後到達後報號等位。打電話取號其實讓你可以插隊先等,而不是留位俾你,這點要注意,而且人多的話我諗應該都無位,因為此店都是2-4人位為主。雞煲  3/5分2個人的份量應該有1隻,味道不算突出,但確實抵食夠多,叫小辣會好味好多。其實還可以加雞,但實在吃不下~還可以的雞吧。炸饅頭  5/5分一定是即叫即炸才有,因為我等了10分鐘,超級好味,應該是全店最值得一試的小食~!打邊爐  2/5分- 推介吃雲吞和粟米,前者夠新鮮後者夠甜- 肉片類建議直接省略- 肉丸正常- 蔬菜不乾淨,有點兒不安全- 湯底無味飲品  2.5/5分- 汽水自取,沒有無糖飲品, 可惜- 可以叫豆漿凍檸茶,我覺得好普通,不算好飲,有D失望整體黎講,158元絕對不貴,而且雞煲任叫任食,有飲品任飲,只是打邊爐實在難食到飛起,支持一下都好~20201010支持黃店!

呢間雞煲食過3，4次了，確實係又平又抵食；但經常要排隊，除非晚上6點前去到，星期六、日7點黎的話分分中排1粒中🤢。店內其實幾迫，因為太多人了，夜晚長期滿坐。呢啲環境，要預左侍應呀姐無咁好服侍架啦。2粒鐘，大約每位$140(不收加一服務費)，任食，無限添雞，可以食饕2粒鐘雞，或者打下邊爐，汽水都係任攞(自取)。雞煲係置樂花園呢區最好食，唔肥，夠入味，夠辣，溫馨提示:小辣已經夠辣，中辣要食得辣嘅人先好試。通常我都食2轉雞先開始打邊爐，打邊爐餐單其實都係一般任食果啲野，呢個價唔會有海鮮啦，都係果堆大路丸腸菜d fd啦。呢個價，呢個質素，其實係好抵食。特別介紹**炸曼頭**(有煉奶提供)我第一次去覺得好奇怪，點解啲人食雞煲打邊爐，但張枱有碟**炸曼頭**呢…係近乎張張枱啲人都會叫，有人叫完再叫。我第二次去就跟人叫黎試下，又真係幾好食😂即炸，熱辣辣，外面勁脆👍👍😇每次黎係必食😋希望大家都去試下炸曼頭嘅威力😅

屯門街坊有次食過佢個雲吞麵話好好味，想再試佢個雞煲。平時茶餐廳格局，晚上變成火鍋場。閒日128人頭免加一，雞煲一轉+火鍋任食兩小時，爆哂場，好多學生哥、年青人同家庭客支持，一般要等一陣。我哋坐室外二人位就不用等。除了派飛叫位那位姐姐霸氣外露之外，其他姐姐都很有善。除雞煲外還有另外六款煲可以選擇，如蘿白牛腩，或加錢要椰子煲雞。雞煲有不同辣度選擇，選了小辣，只有少少麻辣，怕辣人士也能接受，而好辣之徒就記得升呢。雞煲份量非常足，雞也很厚肉，調味濃郁入味，比一般主打雞煲的店更優勝。飲品除了汽水外，還可以任飲茶記啡茶，有得任飲茶記COT本身已是一件賞心悅目的事。更驚喜是有自家暖杞子菊花羅漢果水任飲，好窩心。雞煲本身沒什麼醬汁，為免之後清湯打邊爐，可留少許細塊的雞件作湯底。邊爐料是click紙仔，漏了一次單。邊爐料就始終一份錢一分貨，正常貨式。豬肉片肥得像煙肉。菜葉類幾新鮮。抵食之選，有下次！