金田家 (Closed)

將軍澳中心開滿了食肆後， 多咗喺調景嶺行過去开餐。凍凍哋好想食日本拉麵， 行到最入去咗『金田家』。傳統嘅日本過江龍 拉麵店， 應該唔會點失手。每人一張order紙點选自己喜歡的拉麵。雞白湯豚骨拉麵很喜歡雞白湯湯底， 因為有豬骨和雞湯嘅完美配搭。 湯底清甜的來唔會濃到好稠，曲麵款好適合，又唔會索晒啲湯，选了硬度的麵質非常明智。 叉燒係薄薄的，肥瘦相間， 放在雞白湯很滋味。 不得不讚溏心蛋（追加） 很入味，又有少少酒香， 非常美味。追加了木耳，紫菜和黑豚肉。 黑豚肉有三大塊，成隻碟咁大塊， 啖啖肉超滿足。男爵薯餅（牛肉薯餅配紫薯甘栗薯餅）炸得好酥脆， 唔油膩。 憑外表 分辨不到是牛還是甘粟。 隨意先夾 是牛肉薯餅， 薯蓉好香口。紫薯甘粟裏面有粒粒嘅紫薯～ 拉麵嘅小食炸物原來都唔錯。草莓乳酸梳打各方面都好平均， 梳打夠氣!朋友試了『濃厚豚骨拉麵』湯底果然特別濃厚， 豬骨味道超濃郁！試了一些辣菜脯～ 辣得過癮又醒胃～

將軍澳已經今非昔比，記得數年前的餐廳選擇少得可憐，每逢假日更是大排長龍。現在餐廳多了，選擇也多了。拉麵店也有很多選擇，在其他分店吃過金田家，如今在將軍澳開店就來捧捧場。餐廳面積不小，燈光明亮，大地色的木製桌椅，整體乾淨利落。⭐️唐揚雞塊$38賣相雖然一般，但入口香脆，雞肉嫩滑，不乾柴。⭐️雞白湯豚骨拉麵$88湯頭清淡，麵條粗度適中，叉燒有厚度，加配糖心蛋味道更好。⭐️草莓乳酸梳打$24草莓果醬配梳打味道不錯。⭐️薑汁柚子梳打$24薑汁柚子梳打味道清爽。⭐️黑豚拉麵$98嚐一口湯頭，湯底偏淡，容易入口。我最喜歡幼麵條有韌性，吃起來很爽口，加配糖心蛋十分香醇，蛋黃呈溏心狀，很美味。薄切叉燒偏瘦一點，薄薄一片，不肥膩。配上追加的木耳絲更加爽脆！▫️整體不過不失，沒有驚喜，也沒有失望。

大半年前喺登龍街食過一次金田家覺得唔錯。前兩晚喺將軍澳見到有分店，當然要再encore！將軍澳分店嘅座位好闊落，甚至比銅鑼灣店更闊落，絕對唔會同一般嘅拉麵店咁擠逼！我食嘅係濃豚骨拉麵。呢度嘅湯底係乳白色仲有少少泡，未食已經覺得好香濃，果然飲完一啖湯就知有料到，係香濃豬骨湯！配上比較軟同幼身嘅拉麵都幾夾。豚肉肥瘦比例啱啱好，食得出小小脂肪香味又食到軟腍嘅肉質，真係好唔錯。另外值得一提嘅係追加嘅溏心蛋！醬油入味又食到流心嘅蛋香！大家一定要追加一隻溏心蛋！男朋友叫咗雞白湯豚骨拉麵。佢個湯飲落甜少少，雞味十足，都好唔錯。個麵係曲麵，較為粗身，食落口感又唔一樣。男朋友仲追加咗黑豚叉燒，呢個黑豚肉味都幾重，不過瘦咗少少，係健康啲，不過食落會有少少乾，所以要配埋拉麵一齊食。小食方面，我哋食咗山葵蛋黃醬餃子，餃子煎得香脆，配埋個山葵蛋黃醬好清新。呢個組合估唔到咁夾，四隻完全唔夠我哋兩個分！其實一開始我哋好渴，叫咗兩杯飲品。我杯橙汁正常，雖然唔係鮮榨，不過都見到果肉。男朋友嘅草莓乳酸梳打唔錯，草莓甜甜配上酸酸嘅乳酸，好清新同開胃。以連鎖拉麵店嚟講，金田家係我暫時食過品質最有保證嘅一家！

今晚屋企人想食拉麵, 做細嘅當然負責search有得泊車而又唔太遠嘅拉麵店, 黎到位於將軍澳中心嘅金田家, 地方OK大, 枱櫈整齊坐得舒服, 咁啱有好幾枱bb原來有高櫈提供👍🏻.>雞白湯豚骨拉麵 (HKD88)我同老公坐底嗌定野食先, 店家使用”曲麵”麵底配雞白湯, 每一口粗身啲嘅拉麵自然沾多點雞白湯, 湯底味道夠濃, 三片日式叉燒脂肪比例較多, 切得薄薄的.>辛子黑蒜拉麵 (HKD93)黑蒜油湯底特別香, 而且黑蒜仲非常健康, li個拉麵係日本滑𠽌𠽌嗰款勁好味, 除左大量黑木耳絲加強嚼嚼口感仲有勁多京葱青葱粒令到湯底味道更突出, 叉燒雖然肉質嫩滑但個人感覺可以再厚切一點點😛.>海老餃子🥟 (HKD40)一碟有六件嘅蝦餃子🥟, 皮超薄, 煎得金黃外皮, 蝦肉夾脆, 啱哂share. >溏心蛋🥚 (HKD14)連蛋白部分都有微甜味道嘅溏心蛋, 溏心蛋黃做到半熟帶點剔透, 配拉麵🍜perfect.>男爵薯餅配日式蛋沙律 (HKD42)日本男爵薯餅勁鬆軟外皮又鬆化, 另一塊係紫薯薯餅中間有粒粒粟子🌰好正!! 又係happy sharing ! >