角川

Open Now

Now Closed

有心思💕及人情味💕燒物好去處！好鍾意、鍾意食燒物，今次第一次食可以成為我其中一間必去的燒物小店。第一碟生蠔令我對呢間餐廳已經建立左一份信任，陸續上燒物🍡之後，燒物嘅調味及燒烤的熱度及賣相都令我下一次會再嚟！# 曰本室津生蠔 # 燒地蛤# 高野豆腐# 雞皮餃子# 芫茜豚肉卷# 燒秋葵

某日，朋友介紹去大坑呢間小店居酒屋- 角川。 舖頭細細得十幾個位。食物質素 讚！雞皮餃子邪惡但係必食豬手入味 fall off the bone 嗰隻豆腐個dashi 偏甜, 味道很好服務質素 超級親切，諗唔到食乜嘢可以叫佢哋發板。好啱有選擇困難症嘅人 仲可以試到新菜式！顧客質素好friendly! 隔離枱嘅couple都係第一次去，有交流傾到計 因為啲staff好熱情，餐廳嘅顧客都可以一齊玩。氣氛好好，唔識嘅都打成一遍大坑嘅小店好有人情味，值得支持。記得book位

最近晚市重開，所以特登返黎呢間淨係開晚市的隱世居酒屋「角川」，再一嘗高質日式美食，當中推薦必試的高野豆腐同雞皮餃子。高野豆腐 $48上次已經試過，今次繼續保持超高質素，豆腐好似海棉咁吸收曬d湯汁，咬落去又會即時爆汁，果然係鎮店之寶。雞皮餃子 $68用雞皮做餃子皮夠曬特別，雞皮香脆，食落非常之有口感。極上牛小排 $198肉質嫩滑，牛味濃郁，唔使點芥末都好食白鱔 $48燒得好香口，食落夠彈牙，少少調味已經好好味扇貝 $58。蟶子 $88食材新鮮，醬汁調較得岩岩好，不過份量唔算多。蘋果汁 $18 鮮甜，有蘋果香氣，多冰，但冰溶左杯果汁都冇變淡值得一提嘅係，老闆服務周到，幽默風趣，推介嘅野食都好正！如果想去食好野，記得預先訂位，因為餐廳比較細，好早滿座

在收音機聽到介紹，再在網上看評語。專程過去試一試，果然不負期望。好有心好有質素的居酒屋！老闆都很健談，像朋友一樣介紹不同的菜式又分享不同的經驗。點飲品時介紹了一款日本黑啤，入口滑溜不澀，沒有拍照，但好喝！

店舖有d細，我地一行4人，坐落有少少迫。不過環境唔錯，有好多為香港年青人發聲既文宣。音樂有d大聲，傾偈要較大自己音量😅食物方面就好滿意我地叫左7樣野佢個煮大根好甜，無渣，煮到好林高野豆腐亦好正，有咬口得黎，吸收唒d汁，男女都會中意串燒我推薦燒白鱔，外皮酥脆，魚肉juicy而不失彈性燒鰻魚個汁好正，唔太甜，同樣燒到皮脆肉嫩豚肉鍋等待時間比較長，但分量足3-4個人，豬肉好香，肥瘦分明之後仲叫左雞軟骨，牛舌，不過不失最後食埋個雞皮餃子，入面好足料，熱辣辣好味