麺屋·隠 (Closed)

【黑蒜油黑隱VS鰹魚限定隱拉麵】元朗大坑渠旁有好多值得支持的小店，今次介紹呢間日式拉麵小店，一共提供四款口味，包括豚骨濃湯的白隠、黑蒜油的黑隱、辣肉球的赤隠和鰹魚與玉子的限定隱。麵條軟硬度、蒜、蔥、筍和木耳等，甚至對湯的濃度，客人均可自定，做法十分貼心！還可隨喜好追加替玉、叉燒、味付玉子(半隻/一隻)、粟米、紫菜等！而小食如餃子、豬軟骨、八爪魚丸、饅魚串、芝麻雞翼等則在另一個餐牌。今次想一試多人推薦既限定隱，同黑隱！______________________________【食評篇👇👇👇】🤓🤓評分benchmark參考🤓🤓✏10分 - rare heaven😇✏8, 9分 - 屬高分之作✏7分 - 正正常常，同平時食到嘅差唔多 ✏6分 - 有d失望，expect佢會好食d✏5分 - 伏野，零分重作先講湯底，兩款拉麵本身附有筍、木耳、蔥花、叉燒黑隱唔包味付玉子，限定穩就包味付玉子，如計埋包左玉子既價錢，就限定隱抵d雞蛋色澤橙紅，呈現流心狀態，可以用筷子夾起蛋蛋液，質地稠密，蛋香濃😆👍👍👍每碗兩大片的叉燒，叉燒唔乾身，肥瘦間住卷埋，可以食到豚肉油香。脂肪部份一入口，用舌尖輕輕一頂，即化，

難得朋友有想食嘅拉麵店，一於襯放假就入元朗國搵食。位於小巷入面嘅拉麵店，仲要叫「隱」，店名同店舖嘅位置非常匹配 雖然位置比較偏，但絕對唔係無人識，我哋都等咗一陣先有位。依度好有日本風味，可以自己揀麵嘅軟硬程度，又可以揀湯嘅濃淡程度，啱哂我依啲超怕食到好口喝又勁咸嘅拉麵嘅人，真係有種去咗日本嘅感覺！我哋剛剛好叫咗一碗黑隱、一碗白隱，兩碗拉麵都幾出色。白隱係豬骨湯底；黑隱就係加入咗黑蒜係豬骨湯入面，味道啱啱好，唔會過咸過濃。出色！而最加分係塊叉燒非常好食，超淋超入味！誠意推薦各位追加多一份，甚至兩份，都一定會食得哂！ 雞軟骨餃子見每一枱都有叫，我哋都唔執輸跟住叫，都無令我哋失望。雞肉加上雞軟骨作餡料，比起普通餃子多一分咬口，不錯不錯不過最令我哋深刻嘅都係拉麵跟埋嘅豚肉，有機會都一定就為塊叉燒再幫襯！

元朗有好多隱世小店，今日行完山，忽然拉麵癮發作，好想食拉麵，於是就周圍搵吓有邊間好食，結果響教育路附近搵到呢間叫做「麵屋。隱」。一行到入店，有處身於日本嘅感覺，小店內嘅裝修擺設，都好有日本拉麵店嘅感覺。坐下後，我同朋友二話不說就分別點了限定隱（$88）和 白隱（$68）限定隱（$88）今日係堅魚豚肉湯底，口味上偏重，油份都頗多，應該係魚油，配以麵一齊吃相當惹味。拉麵的配菜有叉燒（兩塊）、蒜、蔥、荀、木耳。麵嘅硬度同湯嘅濃度，都可以自己選擇，而我兩樣都點咗正常。白隱（$68）係豬骨味湯底另外，我們還點了好特別嘅雞骨餃子🥟（$30）

有點事要來朗坪這邊，做完後就找找看附近有什麼好吃，看到這家評分不錯就試試看。點了白隱 (即是豚骨濃湯拉麵)，雞軟骨餃子。拉麵可以選擇湯的濃度，麵的硬度。蒜，蔥，荀，木耳也可以選擇要還是不要。湯底很濃郁，有很多骨膠原的感覺，叉燒2大片，厚度適中，肥瘦也適中。雞軟骨餃子平常比較少見，所以點來試試看。吃得出來裡面真的有雞軟骨，配醬汁一起吃，挺好吃的。

一如以往，我拉麵控喺元朗周圍行搵食，竟然喺B仔涼粉附近發現一間好有日本味道嘅餐廳，門面裝修幾有日本街頭麪店感覺，食過元朗好幾間拉麵舖，今次點會放過依一間新鋪頭，入去試吓先！未到食飯時間（19:00）已經坐滿一半人以上，我梗係叫返一個至鍾意嘅黑醬油嘅拉麵（黑隱）$78，湯底味道適中唔會太鹹或者太淡，拉麵掛上黑醬油湯底，簡直回味無窮！仲食到黑醬油嘅香濃味道，而且麵質彈牙掛湯，配上一片片半肥瘦叉燒、入口肉質鬆化，層次分明，而且油脂豐富，值得試吓，目測應該係香港人打理，但係絕對不差，有心製作，另一個叫（限定隱）$88仲送玉子一隻，其實依個係醬油拉麵🍜，玉子不得不讚好似食緊溫泉蛋咁，而且蛋黃質感軟綿綿入口即溶，好似食緊豆腐花咁，蛋白有滷水嘅味道，一啖一口正到爆另外一個小食叫左客雞軟骨餃子$30，聽個名已經吸引了，好特別系出邊未食過，外皮香脆而且淡淡細細粒嘅雞軟骨，口感十足，有咬口、但又唔覺得食到好攰咁，一客有五隻，價錢合理，依家餐廳冇加一服務費，整體價錢合理便宜，食品及服務質素中上水平，除咗拉麵、小食，而且仲有飯食添，比一般拉麵店種類較多