望月樓

Open Now

Now Closed

星期日同長輩去又一城望月樓飲茶，呢度有唔少comment話服務麻麻，呢一日去食我又覺得冇咩問題，不過去到三、四點都仲好旺場。望月樓出名食嘅點止係精緻點心，仲有環境同氛圍，所以價錢唔平，不過長輩就食得好開心☺️。蒜泥白肉薄片白肉加上薄片青瓜，口感特別，再加埋底嘅醬料味道豐富，蒜泥剁得夠細緻，溝埋一齊好好食。芙蓉海鮮芋角絕對係新鮮炸起，好酥脆，餡料豐富，芋蓉好滑，食到有帶子同埋有肉粒。雪山叉燒焗餐包正常發揮，不過同出邊嘅雪山包唔一樣，個皮唔係好脆果種，但係好薄一層。瑤柱帶子菜菌餃唔係好食到有瑤柱同帶子，反而有蝦，食落都爽口新鮮。蜜汁叉燒腸粉皮薄，好滑，入邊嘅餡料好足，有好多好多叉燒，完全冇肥肉👍🏼。望月焗豬扒飯呢個有驚喜，冇諗過飲茶有焗豬😂，有埋「望月」兩個字明顯係招牌菜。👦🏻好開心，因為係佢至愛，好足料，面頭仲要有隻煎蛋。個蕃茄汁係中式鴛鴦炒飯嘅蕃茄汁，即係類似傳說中嘅螢光汁，唔係平時快餐店焗豬嗰種鮮茄汁，冇青豆要加分，但冇菠蘿又要扣分😂。魚湯青菜缽有驚喜，因為份量十足。菜心清脆鮮嫩，加上魚湯湯底好好飲。

久未在此進餐，難得3M到又一城逛街便重遊舊地。記憶中的望月樓定位中上，但裝修沉穩，枱與枱之間空間合理，小貴是合理的。事隔數年，裝飾依舊，但擺枱明顯較以往擠迫，令環境變得嘈吵。若要選擇還是比較喜歡筍尖，作為蝦餃的配料蘆筍的鮮味不及筍尖，蝦肉的質素也未見突出。除了蝦餃也點了潮州粉果和百花釀魚肚，兩款點心均屬正常出品，若加上價格一同與其他食肆比較，則性價比明顯較差。細M喜歡清淡食品也甚好帶子，可惜腸粉並不軟滑，帶子也細碎，鮮味不明顯。是日最佳點心小食，淮山爽中帶糯，整塊淮山均勻沾滿豉油，輕煎更能激發豉香，喜好嚐新的3M一致好評。感覺曾經以微波爐翻熱，因此叉燒餐包雖然溫度適宜，但口感卻不鬆軟。

假日想食點心，就試下呢間第五波疫情病毒源頭餐廳，週日非常繁忙，全院滿座。從環境黎講，都算有格調，座位之間都算闊落，硬件黎講絕對Presentable。但係從服務同埋衛生而言，以為自己去左屋邨酒樓，收集食完碗碟既餐車隨處可見，就咁泊係走廊，服務態度就係無，食物應有既醬汁要另外再叫侍應拎，埋單都要叫多幾次先有人理。食物質素整體而言就唔算太特別，無乜驚喜，反而覺得好油，油到連裝食物既器皿都好似好多油。雪山叉燒焗餐包 $68 — 體積偏細，普普通通XO醬蘿蔔糕 $73口感唔錯，唔算太散，SIZE岩岩好一啖食落口，可惜好油，食左幾粒都已經滯左瑤柱帶子菜菌餃 $73無乜特別，不試也罷，但係個蒸籠就唔開胃，一上台就濕笠笠咁，唔知洗唔乾淨定係蒸到濕晒蜜汁叉燒腸 $73呢個反而有驚喜，夠足料鮮蝦炸春卷 $78無乜別茶錢$20一位，前菜$28，服務費另加一總結：食物中規中矩，可一不可再