Terrace in seaside (德福廣場1期)

Open Now

Now Closed

離開九龍灣就會掛住九龍灣，今日約番九龍灣朋友，約定喺大家都想試好耐嘅Terrace in seaside見面，原來呢度係食韓式西餐。韓國菜又點少得人蔘，而最近呢度就有一系列用人蔘做食材嘅餐飲。秀色蔘香飯卷就係將平時食開嘅韓式飯卷加入咗粒粒人蔘碎，混合起來滲透住淡淡蔘香，但又唔會太濃烈。配合返雞蛋、菠菜、蘿蔔等食材，有人蔘香味之餘仍然保留住韓式飯卷嘅味道。肉醬芝士千層麵層次分明，鹹香之中又帶點甜，係我最鍾意嘅味道。人蔘做甜品，我第一時間諗起人蔘糖，真係冇諗過可以變成Tiramisu。花蔘綻放提拉米蘇用一個玻璃樽承載，個名已經夠哂靚，令人幻想無限，原來仲係雪花秀做主題。Tiramisu入面層次分明，並以人蔘取代咖啡嘅味道，甘甘甜甜非常欣賞。現場好多人都order嗰杯原個香橙飲品，不過我哋就選擇咗期間限定嘅人蔘系列。雪白人蔘冰沙類似一杯奶昔。上面已經有原支人蔘，整體感覺就係香、貼、滑。另外就揀咗一杯熱飲，人蔘泡泡咖啡可以話係一杯人蔘Cappuccino，人蔘同咖啡嘅味道相當balance，下次路過都可以order一杯。

蔘雞湯就食得多，其他有人蔘嘅菜式/飲品就真係未試過😙，見到最新出咗Ginseng Feast menu，一於去試吓先～雪白人蔘沙冰（$68）🥛奶味香濃嘅smoothie，入口有淡淡人蔘香味，甜度適中，估唔到人蔘smoothie會咁好飲，下次要再encore🤤人蔘泡泡咖啡（$48）呢杯人蔘味好出，咖啡味香濃，適合飲開bitter coffee嘅人士☕️秀色蔘香飯卷（$88）🥬🥕未上枱已經聞到人蔘香，Kimbap裡面嘅食材全部都係有益健康嘅（菠菜、紅棗、人蔘、紅蘿蔔、芝麻、紫菜），食完令人充滿力量🏃‍♀️花蔘綻放提拉米蘇（$68）🍰☕️人蔘tiramisu裡面嘅蛋糕幾鬆軟，cream夠滑，每啖都有芳香人蔘味，幾特別～肉醬芝士千層麵($86)🍝🤭順便叫咗碟人蔘以外嘅菜式，肉醬同千層麵嘅比例岩岩好，味道夠濃郁👍🏻