力奇四季火鍋 (Closed)

位於大角咀區，佢係好似大排檔個種感覺，本身住附近，成日幫襯佢，因為又平又抵食，一定要推介叫多啲朋友一齊黎食，因為所有野都好大份量，一直係大角咀都好出名，今次有朋友由新畀個邊過來食飯，一於帶佢試試。主要是晚上營業，平時晚上都好多人打邊爐，無限時，有啤酒妹駐場，但我們就冇飲酒。先係個皇牌豬骨濃湯$280係超多材料，瓜，粟米，蘿蔔，大大件豬骨，堆到好滿，成鍋野充滿骨膠原。件雪花肥牛，啲紋好令，都算好高質，由於朋友們全是 食肉獸 所以之後還追加多一份，呢個好推介👍🏻👍🏻肥牛配堆個湯底超正，因為個湯底好鮮甜，肥牛無筋，而且不厚，牛味都重因為樣樣野都好大碟，真係要多人先好叫多幾款食物，如果人少，得2個人 可以火鍋同肥牛都夠飽。不過水魷魚，吾係我平時食開個款，佢呢款比較厚身，粉色啲，似橡筋質感，反而呢間野嘅魷魚，我一般

星期六GIRLS NIGHT有人提議去打邊爐話LI 間好好食好啦好啦 知道環境唔係好好, 不過試一試如果你要求食野既地方要有返一定既整潔度, 舒適度, 同有少許格調或裝修咁你千萬不要考慮LI 度一坐底前後左右都係NON LOCAL 既客人客人同侍應都係講普通話, 超嘈已經唔覺得自己係香港食緊飯加上坐係將膠椅, 身處白磚牆廁所裝修既餐廳心情立即下沉搞左好耐, 完全冇招呼下,好辛苦先搵到張ORDER 紙, 自己行去比侍應過左15分鐘, D 碗終於都黎但D 豌筷完全洗唔乾淨, 又因為LI 度係0 服務, 我地要行入果個濕都嘔既廁所洗碗再等左15分鐘, 火鍋終於出場, 但係冇配料!然後又等左15分鐘, 終於上左一碟手切牛肉非常厚但味道.......然後又等左15分鐘, 終於上左一碟雪花牛肉好大碟 係會令人見到後心花怒放既牛肉係好大份既. 但一份係$245好啦食左半個中肥牛究竟其他配菜去左邊?????基本上LI 間野係每15分中先上一碟野完全食到燥底5個人共吃了魚皮, 栗米, 蘿白, 2碟牛肉, 珊瑚蚌, 豬紅同芝士丸所花既時間係3個鐘先上齊仲要取消左個手打丸同水餃D間野份量係比較多味道十份普通

今日傍晚六時收到電話，應約即興飯局，老遠由港島南區來到大角咀的力奇打邊爐。力奇位於大角咀內街的相連地鋪，位置很大但相對隱蔽，不過卻引來不少「識途老馬」，就算閒日晚上亦不時座無虛席。店內缺乏裝潢，舊式綠白小地磚、不鏽鋼檯面、市政大樓的白光燈，再加上牆上貼滿的火鍋食材名字便成了。力奇最出名海鮮，但由於我們一行四人志在一聚，所以沒有為此花費太多，隨便點了數個火鍋常客，邊吃邊喝又一晚。 湯底：從芸芸湯底中選了合家歡的沙爹湯底。湯底看來平平無奇，但卻香濃無比，雖然鍋內只預先放了些豆腐，但湯底味道本身很惹味，還略帶點甜，又有些魚鮮味，似乎是以大地魚等熬製而成。 新鮮大蝦：新鮮大蝦以竹籤串起，直接收入湯底煮熟便成。蝦肉鮮甜嫩滑，而且很爽口，絕對不能錯過。 雪花肥牛：肥牛肉質鮮紅，油花均勻，一層層疊起，賣相吸引。味道與賣相成正比，鮮嫩卻不失肉味，而且份量十足，點個中碟已由頭食到尾。 生蠔：因其中一人不吃生蠔，所以我們只點了個小的，但上檯仍有六隻巨型生蠔。生蠔非常新鮮，不要灼得過火，否則便浪費了。 鵝腸：鵝腸質素中規中矩，但入口也爽口彈牙，而且份量異常驚人，吃極也吃不完。 竹笙：竹笙本無特別味

師傅都懶左好一段時間而冇寫到食評, 最主要原因係師傅年紀大, 唔捱得同埋一放監就攰到傻, 所以提不起勁去寫, 雖然冇寫食評但依然勁食, 所以不經不覺又儲左一堆食評, 趁住而家有少少力就寫番幾個啦!先寫番一個較耐嘅食評, 話說有一晚師傅突然間好想食餐好, 但又冇咩頭绪, 忽然同友人"仕單利"閒談, 最後決定一齊食晚飯, 以火鍋為晚餐而地點就揀左呢間!好好彩去到可以搭下枱, 唔使等位, 如果唔係都幾濕濟, 一定有排等; 一坐底即刻睇下有咩湯底吸引先, 本來想食豬骨煲, 奈何價錢都幾貴, 於是就簡簡單單要左個沙爹鍋; 再睇下有咩好食, 而肥牛當然係必食, 於是柯打左一碟細雪花肥牛, 仲要左魚皮餃拼雲吞, 三寶丸(鯪魚球, 墨魚丸, 蝦丸), 當然唔少得師傅嘅至愛龍蝦丸, 仲布黑柏葉同埋生菜!沙爹湯底夠香帶少少辣, 的確幾惹味; 肥牛切得夠薄, 而肉身夠肥, 拖一拖就食得, 加上又鬆又香, 雖然係細碟但兩個人絕對夠食; 魚皮餃浸到入晒味, 咬口煙韌, 唔多覺有骨, 唔錯; 雲吞同三寶丸冇咩特別, 反而鯪魚球師傅覺都幾多骨, 一般啦; 龍蝦丸就幾大粒, 又幾爽口, 加上肉身夠香, 師傅勁鍾意;