樂園

Open Now

Now Closed

過去一個星期飛了轉日本，回想出發當天，好好把握食好西的時機😛 上機前同母親大人食個靚早先～又到她的早餐飯堂…一如既往，一多啲人食野就會叫到成枱野食。.✥ 鹹牛蛋沙嗲通粉💲35沙嗲一向是樂園最出名的，鹹牛蛋比例岩岩好，好味。✥ 雪菜肉絲米💲33非一般雪菜肉絲米，湯底非常濃郁，不加沙嗲的話還是很清的湯底，有時病左都會食😛✥ 煎蝦米腸粉 💲24媽媽的最愛，煎得十分香，蝦米味都好濃。每次都嚷著要食。✥ 雞柳奄列💲29第一次食，幾有新鮮感，雞柳同蛋都是滑滑的，上面加了少許香草，幾好食。✥ 奶茶/鴛鴦💲21/each茶香濃，好好飲樂園經常都會令我好掛住，他們總能把簡單的食材像變魔術一樣，不花巧，但美味，深刻！真係好唔想他們會結束，但好像那是逃避不了的命運。只好在擁有時就好好珍惜。

適逢今日打風前夕, 高達35度高溫, 黎到九龍城街市, 冷氣都唔太夠, 跟以往一樣, 午餐時間都總係坐無虛席, 所以今次食物比之前慢左d。餐牌同以往唔同左, 唔知係咪少左選擇? 今次叫左幾樣野食, 總算試左佢既招牌野!奶茶紅豆冰($23):應該太多人食, 無晒膠杯要用紙杯, 所以睇唔到D紅豆, 不過紅豆都算多, 唔會太淋仲係一粒粒, 奶茶味都幾好, 不錯!雪菜肉絲米($27):其實就唔會有咩驚喜既, 比平時d多d雪菜咁解。鮮茄炸豬排飯($40):塊豬排都幾大塊, 味道好好, 唔會太咸, 炸得好酥脆, 果然不錯!沙爹牛肉西多士($29):之前食過幾次, 都覺得幾好食, 今次等左成20分鐘以上, 不過賣相仲係脹卜卜, 炸得岩岩好, 入面好多牛肉, 又咸又甜咁, 聽落有d怪但其實好好味!

店名:樂園地址:九龍城九龍城市政大廈3樓6號舖好味指數:8/10價錢：$23雪菜肉絲米雪菜肉絲惹味，湯底好味，米粉爽滑，份量足夠，簡單就是美。店名:樂園地址:九龍城九龍城市政大廈3樓6號舖好味指數:7.8/10價錢：$18炸豬扒豬扒炸得外脆內軟，醃製香料入味，值得一試。店名:樂園地址:九龍城九龍城市政大廈3樓6號舖好味指數:6.5/10價錢：$26沙嗲牛肉西多士西多士炸得鬆脆可口，可惜多士上鋪上糖漿太多，味道太甜，因此吃不到沙嗲牛肉本身味道。加上又咸又甜，味道有點奇怪。沙嗲牛肉是這裡的主打，下次再吃時要配米粉或飯試試。

好鍾意 "九龍城" 呢噠地方!! 所以今日就嚟咗呢道食 lunch...一嚟到, 見到好多人....等咗一陣,終於有位~~Order 咗: 凍檸茶.....有 4 塊都 OK 厚嘅檸檬, 茶 OK..!! 咖啡紅豆冰.....不是太甜, 好好飲 沙爹牛肉麵.....麵唔會煮得太淋 ; 牛肉正..!! 因為唔係嗰 D 醃到好霉嘅假牛肉..!! 雪菜肉絲米 + 沙爹汁......第一次食呢個配搭,好好味..!! 雪菜唔會過咸...而且又多..!!總括: 職員有禮貌, 唔會因為多人而做到忟..!!食物方面,就等得耐咗 d 喇~~ 杯飲品都爭d 飲哂..!!雖然只係簡單嘅茶餐廳食物,但就覺得佢哋好用心去整..!! 真係非一般 A B C 餐可比..!!

因為工作關係, 平時好多機會嚟呢度食嘢。平時我唔會喺茶餐廳食雪菜肉絲米架, 但喺呢度見過蔡瀾食過一次, 第二次就試吓啦! 一試之下, 以後永遠嚟到都係叫呢樣啦! 因為佢D肉絲唔會好鞋, 唔會好多肥肉, 雪菜又新鮮, 咸咸地配埋米粉簡直係一絕!!! 而佢D米粉都比出面茶餐廳好味D....冇話口感鞋烚烚咁!佢地D奶茶同檸檬茶都係甜度適中......其他心愛嘅食物仲有鮮油奶多、奶茶紅豆冰(呢個好出名架!!).....普普通通嘅食物, 佢地都做得好用心, 所以就算佢冇套餐, 全部散叫, 都絕對值得!!!平時朝早去到, 店主文叔見到熟客會打招呼, 同埋佢記得晒熟客食咩.....好有親切感架!! 不過星期六中午去就勁多人, 文叔都忙到甩轆.....叫食物時記住要諗好先叫佢地過嚟呀, 佢地好搞笑架, 次次都好似唔想等咁! 不過佢地唔寫低都唔會記錯架喎!