小蓉麵家

Open Now

Now Closed

上次食過一間新派o既粉麵，今次試番間傳統的。位於界限街橋底，佢o既門面同內裡裝修都帶點古雅，外面用上大牌木牌匾，裡面o既牆身描上秀鳥同梅花o既彩繪，一半o既座位係圓形雲石檯，碗碟仲係好靚o既公雞碗，會唔會令你聯想到古時o既中式茶寮呢﹖我一般第一次幫襯一間茶餐廳，一定會叫一杯熱奶茶，以佢o黎做水準，再決定係咪長期幫襯。從一杯奶茶，你會能看出餐廳o既「品格」——會否太慳唔捨得落奶、一次沖定幾杯或者侍應serve 得太慢令到杯茶唔夠熱等等。中式粉麵都係一樣，我喜歡揀雲吞麵做指標。所以我寫o左一碗雲吞墨丸麵($35)，要幼麵。麵條食落爽口，湯底都係一般鹼水麵o既根基，不過飲落唔鹹。另外個人仲鍾意加少少紅醋，微微酸更讓人開胃。主角雲吞，唔係我食過最大隻的，但係蝦味同新鮮度都唔錯。檯上有款豆瓣醬，佢辣度唔高，用o黎點雲吞同墨魚丸都能達到提鮮作用。另外試o左一客小食炸牛丸($29)。炸魚皮或者炸雲吞呢d 都常見，但炸牛丸真係比較少遇到。d 丸肉質實淨肉地，比就咁水煮牛丸會多o左種油香，趁熱食更佳。下午茶時段叫一個麵加飲品/油菜補$6，叫o左熱紅棗蜜，係清甜o既一杯。後來唔夠喉，再寫多o左一杯凍柑桔(

午餐食了buffet的關係，到夜晚只係有少少肚餓，所以求其落街食些簡簡單單的晚餐。這間在太子界限街的小蓉麵家，是新開了不久，間局古典雅緻。雲吞墨丸麵雲吞體型中等，裏面的原隻蝦肉爽彈，調味剛好，麵質爽口彈牙，湯底則少了大地魚味道，比較淡口。牛腩撈粗麵粗麵份量十足，爽口彈牙，牛腩炆得很腍且有牛肉味，但腩汁比較少，所以粗麵較乾，幸好店員幫忙加了點腩汁。炸魚角新鮮炸起，非常彈牙。炸水餃外皮炸得很脆，裏面都很足料的蝦肉，不過略嫌過咸。豆漿味道不會太甜。整體味道不錯，價錢合理，份量十足。