金山海鮮酒家

Open Now

Now Closed

舊舖食過兩三次, 每次都好滿足同好滿意, 開了新舖其實都有一段時間, 大約八點多到, 都坐滿九成人, 但差點令我想走是因為太嘈了, 像街市般一樣~~~~~例牌雲英雞, 雞味不足只是滑是值得讚~~跟以往的雞真是有點不同, 沒有雞味呢~~~很油................加上肉質是淋淋的一點彈性也沒有, 味道更加不用說, 感覺是早已炸好, 只是再番炸出來~~..失望!!!普普通通但夠熱....魚湯有極輕微的魚味~反而送上來的甜品我覺得很好吃十分鬆化, 我一向不太愛, 今次過後如果酒樓有的都會試試~~~極速食清就立刻閃了, 因為實在太嘈, 結果今晚的晚餐盛惠300大元, 不好吃不飽不值!!!!

一年一度既舊同事聚會，見到 openrice 介紹呢間都唔錯，就決定試下喇。最初選擇去舊店的，不過訂枱時侍應話裝修無得訂枱，叫我地打電話去新店，而訂枱時間只有兩個，晚上七點和八點。我地就選擇咗七點。七點到埗，可能時間算早啦，都仲有幾多枱係未有人既，所以我地唔使等就可以埋位啦。我地人少 (3 個人)，又已經係 openrice 度諗好食咩，所以好快落 order ，而 d 菜都好快上枱。 雲英雞： 要咗半隻，雞肉都算嫩滑，雞皮都爽口，少少肥，可以接受到既，不過就好似偏咸咗少少。 鮮蝦小棠菜鍋貼： 份量十足，因為用蝦膠做餡料，蝦膠夠彈牙，而外皮亦炸得好鬆脆，唔係厚粉既，亦都唔太多油。呢碟香口菜，當然啱我地呢 d 後生女食啦，係熱氣咗 d 咁啦。 瑤柱琵琶豆腐： 豆腐滑，又多瑤柱，芡汁的濃稀亦啱啱好，好味﹗： 砵酒焗桶蠔： 呢碟菜係我覺得最好味的，蠔夠晒大隻，一共有五隻。不過，中餐廳始終都係比較嘈，唔太方便小人的聚會。最後本來係有糖水–紅豆沙送的，但係我地未傾夠，決定咗去糖水店再傾多一陣，所以就無要到啦。

本身一心打算去叫壽包........但因為我居然點菜唔記得落..................所以最尾無食到,實在唔好意思.......講返餐飯...8點去到有訂位一樣要等....因為雖然新裝,但地方都唔算特別大唔揀去老鋪,係因為呢面方便小小,等左大約15分鐘左右卒之有位坐,因為一行13人都坐得幾迫下。一共叫左9個小茶.....但有食完都d到喉唔到肺咁...但算啦,至在有個地方食餐飯姐....雲英雞1隻:一隻睇落好滑.........但食落一d都唔滑ｏ既雞......同埋皮太肥,雞肉太小...薑蔥焗生蠔:我諗加埋d 蠔屎,都夠一人一隻,食落無咩特別,唔值一食,成煲最好食係d 蔥鮮蝦小棠茶鍋貼:呢個真係水準之作,鮮蝦先打成蝦膠,再加入小棠菜,之後再扲去鮮炸.....口感彈牙好食,亦因為有d 菜係度o既關係,感覺無咁油利墨魚餅:不過不失,彈牙有餘,但失去了墨魚o既味道.......感到好多大排檔都好食過佢魚湯什菌湯勝瓜:魚湯正,其他都係合格啦...無咩特別黑椒茄子牛仔骨煲 牛仔骨又係骨多過肉,好在味道搭救,當然重點係食茄子啦xd,完成入曬味....沙拉骨:呢個雖然感覺炸到有小小過火,但真

同以前一齊去旅行的朋友飯聚. 見食評咁好, 都抱有期望. 菜式由朋友發板:燒鵝--- 好耐冇食過0的肉唔靭的燒鵝, 而且好香鵝味, 唔駛點燒鵝汁或酸梅醬已夠味, 比起0係深井名店吃的有過之而無不及, 美中不足係0的皮唔夠脆. 茄汁焗大花竹蝦 – 出色之作!! 一般酒樓整呢個菜都係只有蝦殼有味, 蝦肉就冇味, 更離譜的會係蝦肉有腥味. 但呢度0既竹蝦處理得好好, 蝦殼盡黏滿茄汁, 蝦肉有茄汁味之餘仍保留鮮味, 個人都食0左三隻!!! 果皮蒸龍躉頭腩 – 個人對蒸頭腩從來都不大興趣, 因為每次唔係因為勁重果味而冇晒魚0既鮮味, 就係成碟都有魚0既腥味. 但今次0係呢度吃, 竟然果皮味恰到好處, 魚仍有鮮味, 一0的都唔腥, 而且魚肉爽口好滑, 可見師傅調校火候非常熟練. 平時吃頭腩都係一舊起兩舊止, 今次吃0左只少5-6件 !!! 翡翠炒球 – 又係傑作!!! 自問吃親呢0的炒班球都係唔吃魚皮, 因為好腥好滑, 感覺好怪. 但呢次, 吃0左3-4塊班球, 都係連皮吃!! 因為魚肉鮮嫩不在話下, 連魚皮都處理得好好, 好煙靭, 好有魚香而唔係腥味!初時未睇張order list, 以為係石斑

在佐敦一大班人吃晚飯,想吃河鮮可以去"順德公","樂壽",如果吃海鮮,金山是其中一個最佳選擇.位於佐敦吳松街的"金山海鮮酒家",長年門外聚集著等候的食客.年前在同區開設分店,一樣大收旺場.分店在莊士倫敦廣場七樓全層,環境比老店光鮮衛生.是夜的中學同學"雙星:生日聚會,便在此擺下陣,即日致電訂位也能夠安排到.如果貿貿然走上來的話,便一定摸門釘了.同老店一樣以海鮮為主打,是夜要遷就大家的預算,還是點些小菜為主.價錢大約五,六十塊一個例牌份量小菜,不過我們一行十三人,好些菜式要加大,雲英雞是店內其中一道招牌菜,賣一百六十多一隻,算是便宜,雞皮爽脆而雞肉嫩滑,可是雞味不算明顯,沒法子,在這個年頭鮮雞難求.近年無論在各文化層面,一起吹著懷舊風.古法懷舊菜當時興,好像金錢雞是其中一個例子.單是看這一味在大小飯局出現的頻率,可見一班.在菜單上見到有此味,即刻要兩個例牌來試試.賣相麻麻,面頭的叉燒乾如煙肉,夾著的雞肝甘香豐朕,冰肉就不夠大件,咬落也有油潤感.眾人覺得,金錢雞還是得龍做得最好.本來要個菜膽豬肺湯,可惜已賣光,以粟米魚肚羹代替.窩貼小棠菜是街邊小炒王,熱賣菜式之一,但是並非間間做得好,有些