雲魅 (Closed)

返頹工就更加唔可以連lunch都待薄自己，既然喺職場永遠都唔能夠攀得比別人高，就更加善用呢一個鐘放飯時間，唯一可以比別人高嘅機會，去高層餐廳做一小時高層呢度環境清雅，播住雲南古調音樂，係食咩嘅呢？其實係食米線，價錢唔算貴，就已經可以食得脫俗就連簡單嘅豬手米線，都可以變得咁不凡肉質超腍，味道卻爐火純青外賣速遞原來早喺古代經已出現，仲要係由女人負責送𠻹古時候有個老婆，日日過橋將熱辣辣嘅煲拎去島上閉關溫書嘅秀才老公，送到去就將所有材料倒晒落個鍋到，就形成今日嘅過橋米線喇而呢間米線完完全全還原咗當時個樣，好多靚材料俾我地倒晒落去仲有七彩麵揀，搞到我地都好似秀才咁隨過橋米線餐仲有小食跟，可以一嘗傣族風味，手撕雞少少麻辣，但已經夠晒好味刺激泡魯達係麵包脆脆、紫米同蒟蒻粒粒混合雪糕而成嘅甜品，清甜不膩，怕甜嘅人絕對可以一試跟餐紅棗蜜都唔使加熱，女士們發達喇食完lunch就要變返小薯仔

環境唔錯 比較寬敞 而且服務幾好 員工好nice有禮貌 亦會主動逐一介紹食法嘅先後次序 不過食物一般 同埋份量偏少 價錢亦都偏貴 昆明風味配料$88 (+10%)有三個配料 最後揀咗呢款 裏面有十小碟包括 鵪春蛋🥚餐肉🥩魚腐🐟車厘茄🍅玉米粒🌽酸菜🥬 響鈴 炸醬 酥肉 芫茜蔥 不過全部都唔太值錢 而且份量偏少 用咁嘅價錢嚟講真係太貴啦😣而全場賣點只係賣相一流雲魅特色湯有五款湯底任君選擇 最後揀咗呢個湯底 見menu寫每日鮮熬雞湯🐔用咗雲魅秘製醬汁嚟整 帶有微微酸辣味道 🌶️不過唔係點飲得出有呢種湯底嘅味道 唯一特別就係用砂鍋裝湯 同埋擺上枱見到仲有熱氣膨脹緊肉類二選一 肥牛/豬腩片 我揀咗後者 都算唔錯 食落有鮮味 而且爽口彈牙麵底二選一 七彩麵/米線 最後揀咗前者 麵嘅質地過於淋身 難以入口 可能如果揀米線會好食啲小食雲魅手撕鬼雞 $30味道還好 有微辣嘅感覺 都算入味 但係雞肉唔夠滑 爭咗少少咁涼拌黑木耳 $25味道尚好 夠哂爽口 不過就唔夠入味 再加入多啲配料應該會好食啲總括嚟講 會覺得譚仔好食啲 而且價錢一定無咁貴 所以食一次過下口癮 就已經好足夠😂

本身同女友去726大廈食一間西餐，點知去到先發現已經關門大吉😭，原來被一間叫雲魅既米線店所取代。既然如此，我同女友決定試吓呢間米線店。高樓底、寬敞舒適嘅環境同我平時去開嘅米線店有非常大的出入，牆身亦掛上民族風既擺設。以米線嚟講，$88蚊嘅套餐有啲貴，不過套餐附送小食同飲品。- 傣族手撕鬼雞肉質唔油膩亦唔柴硬，蒜蓉味超重，作為蒜蓉迷既我地非常鍾意❤️- 雲魅辣雞尖一樣有大量蒜蓉😍，加埋辣椒，香味升級，而且超級惹味。- 雲魅特色湯過橋米線主菜豬同牛二選一，兩者質素都唔錯。至於配菜多達10款，包括酸菜、炸醬、鵪鶉蛋、酥肉、午餐肉、番茄仔、粟米、響鈴、魚片及芫荽。炸醬幾特別，質感稀身，而且好香。雲魅既米線充滿米香偏幼身、質感較腍。至於七彩米線顏色來自天然食物，例如南瓜、玫瑰等等。所以非常健康👍🏻有別一般酸辣湯底，雲魅特色湯底味道不會嗆喉，酸甜更為突出。而且口感清爽。飲品選擇方面，健康既話可以選擇青檸薑蜜，唔健康嘅話可以揀可口可樂🤣想食米線同時又睇靚景既話，雲魅可能滿足到你既要求😎

雲魅特色湯過橋米線($88)可以選擇豬/牛，米線/蔬菜麵；我係比佢嘅presentation吸引過黎，有少少失望，湯底麻麻，冇咩味，而且其他配料較為普通傣族手撕鬼雞(+$10)涼伴木耳(+$10)2個頭盤都正正常常，木耳較為開胃青檸薑蜜set lunch會跟野飲，呢個夠薑，天氣涼飲呢個唔錯另外，店員非常nice，好細心話比我地聽落配料嘅順序，其實set lunch價錢係OK，不過如果單點，我就會覺得有啲貴

早前內地親戚分享咗雲南過橋米線嘅相片，見到相當特色，上網search到呢間雲魅竟然有同類嘅過橋米線，仲要喺旺角，所以就嚟咗試吓。店內擺設幽雅簡潔，加上播放住少少佛系嘅音樂，予人寧靜感覺。午市套餐包括前菜、主食同飲品，定價$58至$88，價錢合理。傣族係雲南其中一個少數民族，手撕鬼雞是傣族其中一道著名菜式，在手撕雞加入蒜蓉、芫茜、青檸、辣椒作調味，醒胃可口！涼拌木耳爽口，同樣帶微辣。而我就係為咗呢個過橋米線而來的。七彩繽紛嘅米線配料排列得整齊，配合七彩麵，淨係賣相已經攞滿分💯。對於香港人來講，呢款過橋米線比較新穎，所以店主特別做咗一個告示牌，教食客如何正宗品嚐呢個過橋米線。配菜方面，有響鈴、粟米粒、莞茜、雪菜、鵪鶉蛋、魚片、炸酥肉、蕃茄、炸醬、午餐肉、肥牛和生菜。逐一放入配菜，再放七彩麵落呢碗帶少少酸辣嘅特色湯之後，就成為咗呢一碗熱辣辣嘅正宗過橋米線。另外就叫咗一碗比較簡單嘅小窩米線，湯底比較清，配料其實就同部份過橋米線嘅配料差唔多，而我就最鍾意佢嘅魚蛋變成咗幾條小魚兒浮喺水面！食過熱辣辣嘅米線，飲番杯凍飲真係透心涼，我哋就揀咗青檸薑蜜和紅棗蜜，兩杯都咁滋陰養顏。最後就都係甜品時間，雪糕