Le Viet

Open Now

Now Closed

Le Viet 🇻🇳 尖沙咀高質越南美食📍 尖沙咀彌敦道100號The ONE 4樓L402號舖朋友趕住第二日出差，所以我哋去尖沙咀食一個簡便嘅晚餐，揀咗好就腳嘅尖沙咀The One，呢度有地道嘅越南菜食，仲見到餐牌上面有特別菜式： 【越南菜 X 限定小黃牛肉粉系列 - 匙炳 /吊龍 /雪花】。我哋兩個女仔食唔多，所以就揀咗一道主食、一份沙律、炒碟菜。最後當然少不了甜品啦。呢度環境唔錯，座位舒適。有一半露天嘅座位，有空間感。椰青海鲜焗飯Coconut rice $118焗飯比較濕，同埋好多椰子奶嘅味道。味道係比較偏甜。海鮮幾新鮮。椒絲炒通菜Water Spinish $74呢個通菜炒得火候啱啱好。青木瓜大蝦雞絲沙律 $88一般嘅木瓜沙律唔同，呢個可以自己選擇酸醋汁嘅份量，味道正常發揮！精選甜品拼盤 $118一開始唔知食咩甜品好，於是揀左樣樣都有嘅甜品拼盤，入邊有椰汁糕、芒果糯米飯、仲有法式焦糖燉蛋。賣相都唔錯，可以打卡。甜品質素高。

好耐好耐冇食過越南粉又好掛住滴滴咖啡，行過 the one搵到間價錢一d都唔貴就去食個 lunch。越式生牛肉粉就必叫的，湯底好濃牛肉好嫩好滑冇得輸👍🏻👍🏻👍🏻大蝦菠蘿焗飯大大隻大蝦有成三大隻，仲有新鮮菠蘿加埋一齊炒味道好好。青木瓜大蝦🍤雞絲沙律，木瓜絲好爽口，雞絲一d都唔鞋口加埋個汁好開胃好好味，我個人覺得必試。香芒糯米飯，芒果🥭好甜，糯米飯上枱仲係熱辣辣加椰汁🥥正正正。越南滴滴咖啡☕️賣相已經好特別，有濃濃咖啡香，杯咖啡真心唔錯。

今晚得閒無事，約咗個舊同學食飯，就她放工位置，搵咗呢間越式餐廳。以下係我地點嘅菜式：青木瓜大蝦雞絲沙律 - 份量可2-3個人share。除了青木瓜絲、蝦、雞絲之外，仲有青瓜絲、蘿蔔絲同埋花生碎，用嚟撈沙律嘅酸甜汁唔係預先撈埋，而係用一個小樽仔載住比你自己落，一嚟唔會令d食材淹到酸晒腍晒，二嚟可依個人口味，想落幾多就幾多。扎肉薰蹄米紙卷 - 扎肉同薰蹄都係切薄片包係米紙間，中間係檬粉，都幾大卷。沙爹串燒❨雞、牛、豬各2串❩ - 串燒嘅肉都算大件，沙爹醬好味。越式火車頭酸辣鍋 - 火車頭就食得多，這樣的酸辣鍋係第一次見。唔算好辣，材料有生牛肉、肉丸、牛腩、芽菜、蕃茄、洋葱、仲有酸味的來源…菠蘿。如果佢地可以額外加菜，好似打邊爐咁就更好啦。其實見到隔離檯叫咗個椰青焗飯，非常澎湃嘅椰漿係個椰青湧出嚟咁，都好想食，但兩個人食唔到咁多，唯有下次再嚟食。

今晚約了妹妹去食飯和行街😚😚諗唔到食乜就上左去the one看看，因為太餓了，就揀左e間唔洗等咁耐既餐廳🙈總共叫咗一個小食拼盤，一個沙律同炒粉。個拼盤好好味，特別係越南米卷同春卷，配買酸甜汁，一流😍沙律材料好足，酸酸甜甜好開胃😜炒粉相對上比較清，不過好多海鮮配料兩杯冰🍨🍨可能係沙律同炒粉都唔油膩，所以就算食埋個拼盤都食得晒。間餐廳個環境都幾好，就係the one入面，行完街好方便過嚟食嘢