Cocolo Tokyo Cake Factory (西貢海傍街)

Open Now

Now Closed

青森蘋果批 ＄35入到嚟西貢行街，見到有間小店賣日本直送青森蘋果批，賣相幾靚。蘋果批size同手掌大小差唔多，金黃色嘅外表，食落個酥皮有牛油香味，入面係蘋果蓉同吉土醬，略嫌吉士醬份量比較少～

去西貢當然要試佢哋嘅名物啦～ 第一站諗住去買菠蘿包，點知去到已經賣哂😌 即刻轉移陣地去「Cocolo 」買蘋果批😉 雖然佢哋喺灣仔、旺角同元朗都有分店，但難得嚟到點都要試吓嘅😂店內裝潢係鮮豔綠色牆身，有種田園小店嘅感覺，四周都有綠色擺設及植物，可見店主對綠色情有獨鐘！店內地方唔大，座位唔多，但都有室外同室內座位。餐廳盡頭係另一個入口，一間餐廳有兩個出入口呢😆呢度除咗人氣青森蘋果批，仲有牛角酥、菠菜酥、多種口味蛋糕，飲品就有咖啡、抹茶、日本梳打汽水等。 ❤️ 青森蘋果批 $35餐廳標榜日本直送，100%人手製作🇯🇵 去到嘅時候店員同我哋講青森蘋果批啱啱出爐yeah～🤩 蘋果批有我手掌咁大✋ 一拎上手堅係熱辣辣，表面金黃色，側面睇見到個酥皮好有層次👀 咬第一啖先係食到酥皮嘅牛油香，外層係甜甜地，酥皮勁鬆化！餡料未去到爆餡程度，再咬一啖先食到個餡，熱到辣親個嘴仔🤭 個餡係蘋果蓉同吉士醬，兩者確係絕配👏🏻 蘋果蓉選用青森縣蘋果，清新得嚟又唔太過於甜膩，仲有蘋過粒🍎 吉士醬軟滑，但分量少咗啲，如果吉士醬多啲就更好啦～ 餐廳推薦度：⭐️⭐️⭐️✨ (3.5/5)唔洗排隊就食到，開心☺️ 未至於要特登入嚟西貢

難得兩公婆平日放假入西貢行下，點知天公不造美係咁落雨😔我地下晝入到去西貢，原本打算四處閒逛直到晚飯時間，但落雨濕濕兩條友行左一個鐘已經唔多想行(而且又凍🥶)老公提議搵間cafe坐下打發下時間，喺冇乜特別心水下見到呢間店有得飲野又有甜點食下，於是二話不說就入左去。兩個人嗌左個二人餐$100(兩個青森蘋果批+兩杯鮮奶宇治抹茶)鮮奶宇治抹茶一般，抹茶味唔太特出，有啲淡。不過好彩個蘋果批冇令我失望，漲卜卜、熱辣辣，個外皮好酥脆，絕對係新鮮出爐，我咬落啲吉士醬時差啲燙死🤣蘋果粒好清甜，超like!原來呢間店有其他分店，口痕嘅時候又可以去買下了🤗

在附近的cafe吃完午餐後，正在步回大街之際，經過見到這家以日本直送青森蘋果批作旗號的小店～～～對上一次去青森，都差不多是3年前了。因此，就算剛才吃得多飽，也要嘗試一下，看看能否讓我回味到家鄉的那陣蘋果批味！！Cocolo Tokyo Cake Factory除了售賣招牌主打的青森蘋果批外，也有售另外三數款不同口味的批。飲品就有大量選擇，如各款咖啡﹑波子汽水﹑特色抹茶等等～～～午餐吃太飽，就只單點蘋果批啊！！店舖內的座位不多，部份枱的桌椅高度比例及枱與枱之間的距離，令舒適度一般。青森蘋果批，剛好新鮮熱辣的出爐要稍稍放涼一點才能吃！！ 蘋果批的外層焗得金黃，酥皮夠鬆化又有層次，餡料咬到不少蘋果粒粒，再配上軟滑的吉士醬，味道清新香甜而不膩。蘋果批這份香甜的滋味令人憶起在青森當地吃著蘋果批的回憶啊！！

入到黎西貢，梗係要嚟朝朝聖!之前有朋友食過，話呢度嘅蘋果批，是日本直送，個個熱辣辣，香蘋果味，又脆口！我影完相先食，青森蘋果批仲係又熱又脆，因為太好味的關係，都唔記得影個餡，裏面的蘋果蓉，好香甜，又不帶酸味，完全唔夠喉！Hot Latte都令我有驚喜，又大杯，個味道不會比其他咖啡店差！有套餐都可以加返杯☕️反而，榛子摩卡蛋糕有少少失望，比較普通，中間的朱古力海綿蛋糕係軟熟，外面的榛子cream，就沒有什麼特別！😌

難得黎到西貢緊係要試下呢到既新名物蘋果批，係海塝街地舖，個日去都幾多人幫襯，除左有出名蘋果批，仲有芝士蛋糕、蒙布朗等等，堂食既檯唔多，好多人都外賣出去慢慢再品賞.1. 特濃朱古力 $33正方體既外形，一切開入面有兩層朱古力，加埋外層朱古力皮，總共是三重口感🤤朱古力質感好滑，好似慕絲咁，唔會好甜同膩，幾推介2. 青森蘋果批 $33蘋果批新鮮熱辣由烘爐送出，咬落去非常酥脆，入口有蘋果味幾濃，蘋果蓉清甜，整體不錯

青森蘋果批我曾經去過青森的十和田湖，果度有間賣青森蘋果批，一個都800yen ，估唔到係香港都食到青森的蘋果批，印象中味道同係當時係青森食的一樣，只係青森果個青森蘋果批比香港呢個大少許，另外青森蘋果批加15蚊可加一杯咖啡，點左凍咖啡，好好飲。成個package 都好好味，輕食當下午茶一流，唔知呢間青森蘋果批源自青森邊個地方？有冇人解答一下？除左青森蘋果批，還有藍莓批，同其他一些切件蛋糕，都想試多幾次。

又到Weekend 啦！梗係要好好chill番下～ 西貢呢間cafe 品牌源至日本，所有食材都百分百用日本本地貨！🇯🇵除左一般cafe都有嘅蛋糕甜品之外，最出名嘅一定係佢地嘅招牌酥批 - 青森蘋果批，好多人客都係慕名而來！👍🏻🍏 青森蘋果批 $33/件外皮酥脆，拎上手仲係熱辣辣，咬開係蘋果粒粒同吉士醬；蘋果採用日本青森縣嘅蘋果，雖然果肉都砌到細細粒，但都食得出清甜爽口，亦不怕膩。😋🍊 和歌山橘子批 $35/件相比起蘋果批嘅清新，橘子批就更加濃郁橘子味好香好出，食到一絲絲嘅橘子肉，更有口感。🤤

睇到報導 介紹店主上網睇到好評如潮聞說店內所有蛋糕同蘋果批都係日本製作再空運到港所有食材都用日本本地貨雞蛋係用和歌山雞蛋蘋果用日本青森縣既蘋果蘋果粒粒都切成2立方厘米每個蘋果批都有30-32克蘋果每一個step都非常講究一聽到 我就超級想試因為本身都好鍾意食蘋果批但因為時間就唔到既關係 黎左幾次都賣曬食唔到今次 去前就打電話問定 就到出爐時間即刻飛奔過黎買 終於 終於 終於 都比我買到喇終於 終於 終於都試到喇買左4個同屋企人一齊分享一打開個盒就聞到淡淡蘋果批既味道咬落好鬆化有蘋果淡香 食落唔酸 味道唔會過甜有口感食完一個都唔會有膩既感覺值得一試

西貢市中心一向出名多嘢食🤤呢排就多咗樣西貢名物：🤩用日本🇯🇵青森蘋果🍎整嘅蘋果批😋，外層鬆化，入邊嘅蘋果🍎肉又甜又香又軟滑😍。有時仲有其他期間限定口味，各位入去西貢市中心的話值得去試吓～

呢間蘋果批位於西貢海傍街嘅盡頭，係let’s jam嘅正對邊，門面係綠色同木造嘅設計，加上一個好似龍貓入邊嘅巴士站牌，令人有一種去咗森林小屋嘅感覺入邊嘢食就唔多，主打青森蘋果批，有時會有期間限定嘅栗子批、橘子批、藍梅批等等第一次嚟食嘅時候仲係啱啱開幕，當時佢會大概儲起一批五至十個order, 再放入爐焗，咁每位客人都可以拎到新鮮熱辣出爐嘅蘋果批每個蘋果批都充滿住又香又甜嘅青森蘋果粒，再配埋酥脆嘅外皮同香滑嘅吉士醬，係會令人一啖接一啖燙口都會不停食😋😋無花果抹茶幾好飲，飲得出係日本抹茶粉開唔係用啲綠茶粉沖嘅，都好香好解渴因為太好食嘅關係，所以前前後後都再去多咗幾次，好可惜最近呢次，個蘋果批真係令人有啲失望😢個批扁咗好多，入邊嘅蘋果餡都變到得返以前嘅1/3😣 希望佢只係一時失手之後會變返以前咁啦😔

原來西貢都真係好多嘢行好多嘢食㗎，今次就行到海鮮街附近嘅青森蘋果批，點解會食呢間呢，係因為佢個外型真係好吸引，一見到佢個樣好日系，我就好想去入去食啦。你會睇到個外面，原來真係好日系，所以就俾佢吸引左，買咗呢一個青森蘋果批黎食啦。入到去好多人排隊，每一個蘋果批都係新鮮出爐，所以呢好熱辣辣，而且啲人排完隊之後都即刻賣晒，所以好新鮮好熱好好食。講吓個蘋果批，個蘋果批個酥皮好脆，裏面啲餡係日本嘅清心蘋果果肉，配合埋個吉士醬，仲要係好多嘅吉士醬，新鮮出爐嘅蘋果批熱辣辣，成個感覺好吸引好好食好新鮮。

雖然疫情仍然嚴重，但之前在家工作了二個月，都沒郊遊過，今天復活節假，就到幾年都沒去過的西貢郊遊遊一下。行到下午茶時間，見到這間有抹茶蛋糕加抹茶奶茶套餐，好像很不錯，非常適合當下午茶，當排隊到付款處時，突然改變主意，因為有復活節限定，$88三款批(藍莓、和歌山橘子、青森蘋果)加$18有布丁凍咖啡(少冰，真係堅比少冰)，口味全都是我最愛，試齊3款主打，何樂而不為呢批皮脆而不油，蘋果很清新爽甜，配上吉士醬(我估是吧)，好味!而藍莓就比較普通，與平時食到的藍莓醬味道差不多。最後食橘子，很重果味，味道特別，不是周圍食得到，是最好味的一款! 布丁咖啡挺重咖啡味，但可能先食左三款果味，布丁味就道變得薄弱了，或許布丁糖水落少了，只嘗到丁點布丁味道。下次去可以再試試有咩新口味

🍰我每次去西貢，經過呢間嘢都好想試！今次試咗佢嘅青森蘋果批、香橙芝士蛋糕同朱古力！我個人就覺得蘋果批不過不失，可能我食過日本嘅Ringo，我覺得呢間無乜特別，但我家姐就不斷話好好食！☺️不過，其實都幾香嘅😆而香橙Cheese cake就係我啲嘢喇！我不斷話好好食，就好似我家姐讚個蘋果批一樣！佢係有少少乳酪味，個質地比較特別，佢有少少冰感，相信攤耐少少，個味會更出！朱古力就無特別，甜咗少少！但不得不講嘅係：佢啲嘢飲伏到爆！超！級！難！飲！佢個無花果抺茶係一啲無花果味都無，就連抺茶嘅味都唔出，只可以講係飲緊沖劑咁🙈咖啡、朱古力都一樣，用粉沖嘅味！所以大家如果想試呢間嘢，千祈唔好飲嘢！蘋果批、cake係可以試吓嘅！☺️

首先本人認為，星期六日唔係一個入西貢的好時機😌除非你一大清早入，晚上才離開。路程：一出一入一條路，無其他路入，所以無論入西貢，離開西貢，亦會塞車，來來回回2小時一定唔少得🤮環境：另一個油尖旺，人山人海，搭車排隊，食嘢排隊，去廁所排長龍⋯⋯😒所以為咗食嘢「可以去到幾盡」我一定唔會係最盡，就以為上路程及環境因素，我會好珍惜今次星期日的經驗，好好品嘗「青森蘋果批」出奇地，好彩地，3點入到西貢，不用排隊就買到蘋果批，但店內店外的位子，已經坐得滿滿的，所以我帶走，一路行一路食。由於人流多，蘋果批一出爐就賣出，所以件件批也十分新鮮，熱辣辣，仲要係辣口的程度。提提大家，果蓉好熱，小心一咬爆汁辣親嘴呀🤪果蓉不會過甜，口感十分淸新，批皮亦十分脆口👍🏻