泰麵膳 (Closed)

都有一段時間冇黎呢間船麵店食啦，今晚自己一個食又好想食泰國野，於是就再去呢間船麵店食。我大概8點左右到餐廳，都唔係好多人。我安排了坐窗邊的位置。看看餐牌後，點了一碗船麵及一杯飲品。冬蔭湯粉(金邊粉)，之前黎食既時候個湯底係好好食既，但今次湯底味道並沒有好濃的冬蔭功湯味。金邊粉亦跟從前好似有少許分別，今次變左一pat咁，口感很怪。冬蔭湯粉的配料有魚片、豬肉丸、豬潤、肉碎、腩肉及雞蛋。雞蛋今次整了流心蛋，有驚喜!其他配料就不過不失。不過今次因為佢既湯底唔似冬蔭功湯，所以我自行加了枱上的調味料。加左之後就相對好食左!青檸梳打，呢度既青檸梳打有一個好處，就係佢唔會幫你落糖水，由你自己加，所以唔會好似出面餐廳咁好甜!清清地，唔錯!梳打水亦用上泰國的梳打水!總括黎講，佢D金邊粉同以前真係唔同左，以前真係好食D，湯底都比以前冇咁好味，不過服務態度仍然係好既，侍應都算親切。如果真係要再食的話真係要再諗諗!

嗰日經過寶勒巷見到依間裝修幾有泰feel,食船麵嘅舖頭，睇啲相都幾似樣，就入去試吓 🍲雖然泰國食牛肉船麵唔會用安格斯牛肉🐂，但都叫咗碗，另外叫咗個魚蛋魚片檬🍥，仲加咗燒豬頸肉🐷，炸蝦餅🍤同青檸梳打 個牛麵都預咗啲牛有唔同，但個湯底都幾似，但個魚蛋魚片就超港式，食四海魚蛋咁，4個湯底都唔太似。喺泰國食船麵10零銖一碗，依度要幾廿蚊碗，而且份量比泰國多，食一碗都夠，冇咗可以叫幾碗唔同款嘅樂趣🥘🍲🍜🍲🥘🍜。小食方面，個豬頸肉望落幾乾，但食落又ok喎👍唔知大部份餐廳係咪蝦餅都叫依間供應商呢?好多間都係一樣樣，一樣味，普普通通囉🉑️整體嚟講，門面裝修似泰國，食物就……如果經過都有機會再幫襯，但唔會專登嚟食囉

今次吃午飯的地點選擇上寶勒巷十字交界附近的新派泰式店, 事隔多時不見原來週邊以默默改革上很多不同類型的食店、 店舖面積不算大密密麻麻的座位上, 與香港大部份茶記一樣(搭枱)是必然的、 四人枱上如果你是兩人共膳， 對枱而望必然是一對陌生的人。。。午市方面完全是以套餐形式上場， 將食物範圍收窄理論上絕對是對廚師的一個重大幫忙、 但對於食客的選擇上就絕對令到食客減分數~午市粉麵類只得六大款選擇, 安格斯牛肉船麵、豬肉船麵、粉紅湯粉、粉紅乾撈、冬陰湯粉、冬陰乾撈。。要來的(粉紅湯粉)內餡有魷魚、大蝦、豬紅、魚片 、魚蛋、 炸雲吞。。個人面對一上菜湯底顏色已感覺面有難色，嚐一口湯頭帶有淺淺的南乳味道、各種食材就好像白勺之後共冶一碗之內味道温温文文， 如果要我在這碗麵中稱讚的話好可能只會認同炸得香香炸雲吞~(冬陰乾撈)就包括有豬肉碎、豬潤 、豬肉丸魚片， 兩者的共通點也是一樣 ，碗內的米粉和金邊粉也同樣份量偏少、 不過此碗乾撈味道上就較前者略為好， 不過就別期望會有坊間的冬陰功味道、 例如香茅。。 大量的蔥花、香芹反而是這碗(冬陰功乾撈)主要香料來源。。(船麵)這家的特色味道怪我不大懂欣賞！泰

同朋友仔試新野，5個人去吃。簡樸的裝修，有種懷舊的親切感~叫左幾個粉 + 一些小食。值得推介的是 : 1) 炸蝦蛋，有花生碎粒 + 特色的泰國甜酸醬。口感似蝦餅，彈牙，好味。2) 泰式雞搥，望落是平平無其的雞搥。原來味道十分出色。香脆的外皮 + 嫩滑的雞肉, 很 juice.3) 炸雞皮，都是第一次食，比想像中不油膩，很香口。要襯熱食，如果唔係就會唔夠脆啊。4) 牛肉船麵，湯底味香濃，帶有少許藥材味。配上九層塔 + 細切的通茶/洋蔥配料。牛腩嫩滑, 河粉比一般的粗塊，都幾特別。個人十分喜歡吖 ! 其他的，泰式酸甜無骨鳳爪， 不算特別。粉紅湯粉， 是帶有少許南乳味，甜甜的。個人略嫌豬紅，魚蛋配菜沒太多味道，其他的都OK。冬陰乾撈，期待的冬陰公味不太突出。是甜酸味的， 有點像青檸似的。個人還時比較喜歡重口味^_^還好有隻流心雞蛋。

去完泰國旅行食唔到正宗船麵，見旅遊群組有人介紹尖沙咀開咗間，仲好似話係在港泰人開嘅，晚上9-11有特價12蚊碗粉食，趁今晚喺附近就去醫下肚！9點行過去，見有幾個人喺門口排緊隊，其實我估就算唔係特價時段都要等，事關舖入面都唔係好多位。門外嘅柱位貼左張Menu，等你排隊期間可以諗定食乜嘢！近門口位置收銀放咗幾隻泰象，好可愛！室內裝修簡單，以tiffany blue為主調，加上少少懷舊用品作裝飾，倒如舊熱水壺、雞公碗仔...等12蚊特價粉麵有3款：牛肉船麵、粉紅湯粉、魚片魚蛋湯粉。不過係無得指定要米粉定金邊粉，落order 果陣侍應無提過囉！到上台時，我發現唔係我叫嘅金邊粉，佢先話特價無得指定同埋今晚特價係米粉。酸辣鳳爪味道普通，過下口隱ok嘅!牛肉船麵 (正常size)生牛肉我唔食，不作評論。湯底較淡，還好金邊粉算彈牙，但份量太一小。朋友覺得食完好似食左陣風！魚片魚蛋湯粉(特價12蚊)無得指定粉麵，魚片魚蛋各一，湯似清水，米粉一啖食晒！青檸梳打喺泰國飲過好好味，好掛住~泰式雞槌即叫即炸，香脆無比，味道唔錯，36蚊有6隻，都算抵食！。成日聽人講話泰國當地嘅炸雞好好味，但我喺泰國時無食過，唔知

尖沙咀永遠都比較多食物選擇，別以為九龍城區才有正宗的泰國菜；現在估不到尖沙咀也能遇上了。途徑寶勒巷後巷期間，被一股泰式風味吸引下來。 門外以淺綠色的鐵閘及開放式的廚房，滿滿泰式風味；特別是牆身的小擺設，而且播放出泰國的音樂猶如置身小泰國似的。 餐牌上的種類不算太多，不過我想食的湯檬及乾撈都在還有各式各樣的小食，特別炸雞皮及炸蝦蛋完全是少見之物。 粉紅乾撈 $56在香港比較少見的粉紅乾撈，內有水魷鬚、豬紅、魚皮餃、魚片、魚蛋。粉麵可選擇米粉、黃麵、金邊粉等。金邊粉配有少許粉紅醬油，完全撈出細膩有「小泰國」之感覺。我喜歡多材料烹煮，滿滿食材$56吃出美味。 雙併串燒 $56 泰式串燒簡直是泰菜必點之選，可以雙拼的關係牛及豬是常識吧。即叫即燒的關係，牛肉及豬肉香口帶脆配上秘製醬汁，惹味無比。 炸雞皮 $25 炸魚皮吃得多，炸雞皮真的第一次見。特別在香港更加少之有少，將雞皮炸至香脆無比非常薄身。這款小食配合啤酒或青檸梳打，也是不錯選擇。 泰式雞槌 $36 別以為雞槌是普通之物，原來別有洞天。雞槌醃得相當入味，輕輕咬開後完全油份滲出，雞肉的嫩滑及惹味程度，令人愈食愈想吃。 炸蝦蛋 (1隻)$30