Pizza Piazza

Open Now

Now Closed

星期三打算去荔枝角Aeon 掃平野，所以早少少去長沙灣呢邊啲工廈食lunch,經過呢間Pizza Piazza, 就俾佢價錢吸引左唔使80蚊可以有湯，有main,有飲品,所以即管一試洋蔥餐湯燒大蝦凱撒沙律🥗估唔到份量都唔少，啲蝦好大隻，輕輕燒過先上碟，所以好有風味。另外，啲沙律菜都好新鮮 ，加埋啲汁好開胃，唔覺唔覺我就食到清左碟”堅”水牛城雞翼我本身對水牛城雞翼情有獨鍾，見到叫set可以用28蚊加配，所以都叫左份試下。雞翼煮得剛剛好，唔會overcook, 咬落去好嫩口，辣味適中，啱曬我呢啲食到小小辣既人青檸荔枝梳打由於天氣太熱，所以都係加錢叫左特色飲品，荔枝配青檸感覺好fresh, 正好中和番食左雞翼既膩值得一讚係餐廳員工態度非常好，隔住口罩都feel到佢地笑緊下次再過黎長沙灣要再encore呢間小店

今日同朋友黎到荔枝角試下唔係連鎖式嘅Pizza! 門口就係巴士站嗰條街，好容易揾到～入到去嘅感覺都好舒服～就算係LunchMenu選擇都好多！除左Pizza仲有好多選擇🥰每張枱都有一大支搓手液～好細心🤍🤍肉醬千層麵 $98千層麵肉醬超豐富～啲麵都唔會太軟 味道不錯😋🤍Pizza Set: Bianca 比安卡$88+$28係薄批！熱辣辣食又脆～超正！芝士洋蔥煙肉配搭好好 又唔會太咸有6塊！一個人食嘅話真係好邪惡🤣但呢個set包嘅洋蔥湯就有啲油了 ～🤍蒜香芝士條配秘製蕃茄醬 +$28見到芝士就狗衝！蒜香芝士真係冇得輸！係好薄嘅麵包質地 唔沾蕃茄醬都好正了🥰🤍自家造香蕉拖肥批 +$28好特別嘅甜品！上面薄左好薄好滑嘅cream香蕉味好香 拖肥都唔會太甜雖然份量唔多～ 但真係夠食了😋🤍青檸荔枝梳打 +$18估唔到真係飲到荔枝味！好喜歡🥰加埋梳打水清清地 食芝士就冇咁膩了整體評分: 🤍🤍🤍🤍非連鎖式Pizza餐廳 但有咁多選擇真係好唔簡單！食物味道真係唔差過大家熟悉嘅Pizza店食物又熱辣辣🥰 好有誠意有機會要試埋其他Pizza😋😋😋

今日特登去荔枝角，試吓呢間手工Pizza店。入到去裏面環境好舒適，感覺好休閒。落單之後好快有得食，我哋叫咗大蝦凱撒沙律🥗，呢個係我最鍾意嘅菜式，佢嘅份量好足，啲菜好新鮮，咬落好清脆，非常推介大家去試吓而我哋仲叫咗芝士四重奏pizza，Pizza係即整所以好熱辣辣。身為芝士紅嘅我梗係要試吓啦！果然冇令我失望，Pizza嘅皮好脆入邊嘅芝士味好濃郁蒜芝雞翼更加係一流，食落去唔會好油，聞落去好香，好惹味跟住我哋叫咗一份甜品tiramisu ，好高水準，咖啡味濃郁，有一層好厚嘅cream❤️價錢好合理當然唔少得叫一杯特飲青檸荔枝梳打，真係超級好味😋

本身一開始想同朋友食下PIZZA，於是就決定入黎呢間餐廳。點知睇下MENU見到佢其他野食都好正，咁最後就改變左當初入黎食PIZZA嘅主意同朋友2個人一共點知 終極漢堡($88)、西班牙黑毛豬扒($168)、堅水牛城雞翼(+$28)、青檸荔枝梳打($33)、意大利仁餅朱古力奶昔($38)、香蕉拖蛋糕($48)、意大利芝士蛋糕($48)餐包：落完ORDER後，職員先送上餐包，食落唔係部分西餐廳提供嘅普通麵包黎，佢呢隻麵包上時熱辣辣又香又軟熟另外有橄欖油同黑醋汁可以點黎食西班牙黑毛豬扒 ：黑毛豬煎得好香，食落去肉味濃郁，再加上佢本身加左少許黑椒作調味，令到味道更加突出配菜方面佢跟埋蕃薯條同沙律菜，蕃薯條夠甜又香脆，食完再食返D沙律菜清一清口味 終極漢堡：本身入黎前係想食PIZZA，但見餐牌張相太吸引，結果轉左做BURGER賣相夠吸引，食落去亦出色，塊漢堡肉都幾大塊兼且煎得幾香，再配上PARMA HAM、洋蔥、番茄、菜、芝士等配料，食落非常豐富配菜有埋薯條，同埋夠香脆調味料：有黑松露野菌醬、秘製辛辣醬、法式芥辣醬、茄汁，係食BURGER時可以根據自己想食嘅口味加上去補返張合照 堅水牛城雞翼 ：

朋友仔話帶我去工廈食好野，一於疊返心水等朋友拍板。朋友帶我黎到荔枝角的Pizza Piazza，七點幾黎到已經差不多坐滿人，好彩朋友有預約，否則等位都不知道要等幾耐。我叫左終極漢堡配薯條🍟，飲青檸荔枝梳打。朋友叫左西班牙黑毛豬扒，飲意大利仁餅朱古力奶昔，仲叫左堅水牛城雞翼，甜品香蕉拖蛋糕及意大利芝士蛋糕🍰。一落完order，店員就送上香草麵包，沾上意大利醋及橄欖油，味道一流。西班牙黑毛豬扒夠驚喜，食落很juicy，外脆內軟，豬扒上的黑胡椒正正帶出黑毛豬扒的鮮味，把食物昇華到另一層次，極力推薦！終極漢堡配薯條賣相吸引之餘，味道仲不過不失，還可以自由任加袐製醬汁，真係鍾意點食就點食，隨你個人喜好任意配搭。堅水牛城雞翼，正正子，最愛食雞翼的我真心覺得這個堅水牛城雞翼好好味，微辣惹味，熱辣辣，皮脆內軟juicy，食到停唔到口。青檸荔枝梳打Fresh，食咁多熱氣野，飲返杯青檸荔枝梳打，認真解渴，不錯不錯。意大利仁餅朱古力奶昔，濃濃朱古力味及奶香，朋友很喜歡。叫埋甜品香蕉拖蛋糕及意大利芝士蛋糕🍰，晚餐真滿足。