哈豆

Open Now

Now Closed

觀塘絕對稱得上係香港小台灣，依間位於工廈中的餐廳絕對可解台灣癮一入去就見到大大幅由不同知名台灣明星組成的壁畫十分有親切感餐廳分兩邊堂食位置，假期下午時間到大概八成滿座。下單大概10分鐘就有。豐盛牛肉鮮蕃茄湯麵 牛肉足足有3大件，入口軟糯蘿蔔鮮甜炆煮得很入味，一咬就散開。湯底帶少少藥材味道，食完個胃都暖曬。椒鹽排骨肉燥湯麵排骨酥脆，鹹香味十足湯麵中加入大量乾蒜再搭配排骨勁香。炸物拼盤一次可試6款不同炸物炸番薯搭配上酸梅粉，酸甜香脆口感一絕。仲有香腸、鹽酥雞、花枝丸及貢丸和蝦卷，性價比很高。豆漿紅茶十分有創意嘅搭配，入口是豆漿嘅味道，後段有紅茶嘅香氣，十分有趣青蛙撞奶依個都係每次響台灣夜市必點，黑糖香濃再搭配上奶茶，飲出滿滿幸福嘅感覺人均$100以下，性價比極高

見到openrice好評如潮，就試試佢🌱一出電梯左邊就係大門，搵都唔洗搵。聖誕節一早黎到，仲係好靜，張枱大大張，唔會唔夠位放野食。🍽 豐盛台灣牛肉湯麵 $76大大碗，一睇就見到好多料，真係豐盛架，岩曬鐘意食唔同餸既人，有牛肉筋、牛展、牛肉丸、貢丸、花枝丸、半隻蛋、生菜。牛肉同牛展都好冧，完全冇牛膻味。牛肉丸入面仲有牛筋粒，真材實料。麵就有點點失望，不是煙煙韌韌那種。湯底是正常既牛肉湯麵，都唔錯，不過不失。最後成碗清曬乾乾淨淨冇剩。🍽 青蛙撞奶 $18青蛙撞奶係台灣名黎，正式係黑糖珍珠牛奶，估唔到堂食都直出外賣杯，雖然冇咁環保，但其實衛生咗，仲可以拎住走，岩曬成日飲唔曬杯野飲既朋友。味道方面同預期既一樣，係我鐘意既味道。

😍清境和牛薯餅😍$26 必食薯餅，好出色炸得好酥脆，餡料口感好綿密，正❤❤  😛萬巒豬腳肉燥飯😛$58 呢個份量都好多，有菜有蛋有肉，好均衡😌😌豬腳肉好Q彈，用黎補骨膠原一流🙈🙈  😗椒鹽排骨芝麻醬乾伴麵😗$62 本身以為係日式芝麻醬，但呢個係中式既芝麻醬，有少少花生醬味，質地係有少少杰杰地，但整體食落都好食既😁😁排骨就好大份，調味剛好唔會過咸😋  😁蝦仁捲😁(+$9 )呢個見佢幾特別就加黎食下，都幾好食😁😁  😌豆漿紅茶😌 (跟餐) 呢個飲落好順好香，中意豆漿要試下  😋青蛙撞奶😋 (+18) 個名好特別，其實就係黑糖珍奶，可以半糖，但可能因為咁唔夠重黑糖味，建議要翻全糖😂  係觀塘有兩個分店，都幾出名，放lunch可以食下😋😋 

上次同大家介紹過西式輕食，今次再同大家介紹同一層嘅另一間餐廳-哈豆話說呢間餐廳係我之前同事久唔久就去既一間飯堂，因為佢份量夠多，男士來講一定飽肚！😁當然味道亦都唔差啦！台式滷水拼盤（$49）有雞翼、牛展、豬手、滷水豆腐同滷水蛋🤩想食嘅嘢咩都有齊晒好滋味😆小香腸肉燥乾伴麵（$56 套餐）我最鍾意食台灣香腸，食咗當去咗台灣🤣又夠晒大碗，食都食唔晒😂😂熱桂圓紅棗茶（跟餐加$6）女士們滋補養生之選😌同凍飲一樣咁大杯青蛙撞奶 （跟餐加$18）熱門飲品點可能唔試呢？無飲黑糖珍珠鮮奶就唔等於去咗台灣🤣🤣🤣🤣星期五happy Friday 飲完即刻滿足晒🤪相信好多人同我一樣，去到星期五好鍾意買番杯珍奶來嘆🙃🙂椒鹽排骨肉燥飯（$56套餐）一上枱嘅時候真係嚇咗一跳,因為真係好多同好大塊炸豬扒，一般女士一定食唔晒🤪鍾意食炸豬扒嘅朋友一定唔可以錯過！睇返OpenRice原來駿業里仲有另一間分店，環境好似坐得更加舒服，有機會一定要去再食過😝補MENU

仲係未有得去旅行🥺突然間好掛住台灣小食嘅味道, 就同朋友過嚟工廈尋寶👯‍♀️✌🏼▶️台灣鹵水拼盤 HK$42豆腐, 滷蛋, 牛肉, 萬巒豬腳, 雞翅 好抵食呀呢個拼盤‼️我最鍾意係萬巒豬腳‼️記得以前每次去墾丁自駕遊嗰陣都會揸車去萬巒特登食豬腳架～▶️鹹酥雞拼香腸麻辣乾拌麵 (HK$60 餐)鹹酥雞新鮮炸出嚟, 熱辣辣, 香腸香口, 配埋有肉碎、蘿蔔粒、麻辣醬嘅拌麵🍜真係好似返咗台灣咁‼️🥤青蛙撞奶 (跟餐+HK$18 / 單點HK$30)珍珠黑糖鮮奶  -> 可以自己揀甜度, 同埋多冰定少冰架‼️🥤鮮榨檸檬紅茶 (跟餐+HK$8 / 單點HK$20)我日日都起碼飲一杯熱檸茶, 但係呢杯檸茶有種味道好特別‼️我揀咗無糖, 佢嘅檸檬汁分量多, 好開胃‼️💬邊入面嘅裝修簡潔整齊, 乾淨～ 客人自己填上落單紙落單, 好有台灣地道小店嘅感覺👍🏼仲會不停咁播住台灣嘅流行曲～有wifi提供添呀～

遇然間去接朋友放工，俾蕃薯妹發現咗觀塘工廈入面有間簡樸風格嘅台灣食店偷偷地瞄一下店內裝潢，發現裝潢雖然簡樸，但係有濃濃嘅台灣古早味，復古風結合電影主題擺設，引起咗蕃薯妹嘅好奇心，一於拉埋朋友入去試試佢呢兩張台灣舊電影海報一直吸引我嘅視線～諗好食乜，食客需要自行填寫落單紙再遞俾店主。台灣五寶拼盤肉燥飯 $58 / 套餐$62肉燥醬好充足，啱曬蕃薯妹呢個撈汁怪五寶有花枝丸、貢丸、滷水雞翼、滷豆腐、台灣小香腸，仲有半隻滷蛋。好豐富，味道同響台灣夜市食到嘅差唔多～ 豐盛台灣牛肉湯麵 $68 / 套餐$72朋友食牛肉麵，豐盛版都有花枝丸、貢丸同埋滷蛋，佢話麵唔會過淋，湯底同牛肉都十足十台北小店風味。台灣滷水拼盤 $42滷水拼盤有滷蛋、豆腐、豬手、牛肉、雞翼，好味！豬手已經去骨，唔肥膩有咬口梅子綠茶山粉圓 $20 / 套餐+$8青蛙撞奶 $30 / 套餐+$18青蛙撞奶我選擇咗少冰、少糖，非常好飲！呢度由裝修擺設到食物款式味道，都十足十台灣風味如果懷念去台灣旅行嘅日子，近近地就可以嚟食下台灣嘢啦

老闆來自台灣。餐廳地方舒服、闊落。乾拌麵、香酥排骨和雞排等台式飯類及鹵水較出色。和牛薯餅鮮炸熱辣，香脆美味，薯蓉的份量比較多一客炸物拼盤就可嚐遍多款小食，包括香腸、鹽酥雞、蝦捲、丸子及甘梅薯角，而且份量亦不少，以這價位來說，真的一點也不貴。一上桌經已聞到鹽酥雞的香氣，令人垂涎三尺🤤。外面炸粉層很輕薄，雞肉質感鮮嫩，雖然雞肉件中有部份是雞胸肉，但一點也沒有乾柴的感覺，口感和味道都很不錯，非常好吃！餐牌選擇頗多，不收加一服務費，價錢貼地親民。