Video
Read full review
2021-10-17
1704 views
之前我係「新羅寶韓國餐廳」銅鑼灣店嘅常客，不過近年燒肉店開到周圍都係就少咗食佢。呢日同朋友講起想食正宗口味嘅韓燒🇰🇷，就自自然然諗起新羅寶。星期一晚上去咗尖沙咀店食，無訂枱近乎冇位食咁濟，全場滿座，好高人氣，超厲害👍。女店員們手忙腳亂，但仍能不失禮貌。餐廳一向行中高檔路線，消費唔平啊，好耐無食，令人期待。先來韓式前菜，本身見餐牌上有呢個項目嘅定價，又見遲遲都未上，以為唔俾錢冇得食🙈，不過原來落單後店員就會緊隨送上。款式有菠菜、芽菜、泡菜、青瓜同埋辣魷魚，餐廳另外仲設有自助區，有多兩款前菜以供任食。烤特級牛排骨($198/2件)，呢個係我多年來必食嘅菜式，牛排骨可揀原味或經醃製，我哋要咗後者，因為惹味啲，但又唔會過重口味。🦴牛肋肉有長長兩條，攤開燒再剪細，食落有牛味。烤牛脷($130/100克)，餐牌上牛脷嘅圖片好多好吸引，但出到嚟就唔同，因為100克份量其實好少。👅牛脷有六片，燒完質感冇變韌，反而仲幾爽口添。另外，伴旁嘅洋蔥超甜啊。雞蛋糕($68)，佢係傳統韓式蒸蛋🥚，熱辣辣送上。呢種蒸蛋比起中式蒸水蛋冇咁滑溜，換言之即係更有質感，而且經調味，味道濃郁啲。鮮牛肉鍋自製麵($285/2人
之前我係「新羅寶韓國餐廳」銅鑼灣店嘅常客，不過近年燒肉店開到周圍都係就少咗食佢。呢日同朋友講起想食正宗口味嘅韓燒🇰🇷，就自自然然諗起新羅寶。
星期一晚上去咗尖沙咀店食，無訂枱近乎冇位食咁濟，全場滿座，好高人氣，超厲害👍。女店員們手忙腳亂，但仍能不失禮貌。餐廳一向行中高檔路線，消費唔平啊，好耐無食，令人期待。
先來韓式前菜，本身見餐牌上有呢個項目嘅定價，又見遲遲都未上，以為唔俾錢冇得食🙈，不過原來落單後店員就會緊隨送上。款式有菠菜、芽菜、泡菜、青瓜同埋辣魷魚，餐廳另外仲設有自助區，有多兩款前菜以供任食。
烤特級牛排骨($198/2件)，呢個係我多年來必食嘅菜式，牛排骨可揀原味或經醃製，我哋要咗後者，因為惹味啲，但又唔會過重口味。🦴牛肋肉有長長兩條，攤開燒再剪細，食落有牛味。
烤牛脷($130/100克)，餐牌上牛脷嘅圖片好多好吸引，但出到嚟就唔同，因為100克份量其實好少。👅牛脷有六片，燒完質感冇變韌，反而仲幾爽口添。另外，伴旁嘅洋蔥超甜啊。
雞蛋糕($68)，佢係傳統韓式蒸蛋🥚，熱辣辣送上。呢種蒸蛋比起中式蒸水蛋冇咁滑溜，換言之即係更有質感，而且經調味，味道濃郁啲。
鮮牛肉鍋自製麵($285/2人份)，我哋一直心諗點解個麵咁耐都未上，原來係因為要等我哋食埋燒肉先上得。牛肉鍋同打邊爐冇乜分別🍲，因為都係將麵同牛肉淥落去，再配以大量蔥菜菇。佢額外會奉上一式四款嘅調味寶盒俾你自行調味。
湯底本身比較清，主要係靠烚啲牛肉烚出個味來🐮，當佢變身成為牛肉湯之後，成件事即刻唔同咗。自製麵類似手工拉麵，相信係自家製作，並非入貨。麵質偏粗，不宜淥太耐🍜，驚變淋。食埋呢個鍋之後真係飽晒，因為係二人份啊。
總括嚟講，新羅寶喺香港歷史悠久，好奇之下睇介紹更發現佢登陸接近三十年😳，難怪咁多人認識佢同幫襯。餐廳菜式選擇繁多，無論燒烤、鍋物、飯麵定小食等一應俱全，總有一款啱食！
Post
