Goobne Chicken (V Point)

Open Now

Now Closed

今日同同事黎食午餐，係高空下食韓國菜。呢間烤雞有得揀雙拼，貪心既我梗係揀兩隻味黎食啦，所以揀左韓式BBQ醬煙燻烤雞+蜜糖香滑烤雞，另外再叫左韓式雞蛋卷。韓式BBQ醬煙燻烤雞+蜜糖香滑烤雞食落冇炸雞甘肥膩，卻唔會減少其惹味程度，相比炸雞，我更鍾意烤雞。雞肉肉肉嫩滑，唔鞋口，兩款醬汁都係帶甜甜既味道，我就鍾意韓式BBQ醬煙燻烤雞多啲，好味。韓式雞蛋卷切開有九件，件件都好足料。雞蛋包住紫菜、午餐肉、青瓜、蟹柳、蘿蔔，類似紫菜包飯，只係雞蛋取代白飯，絕對滿足到我呢個雞蛋控。

今次到Goobne銅鑼灣嘅分店，餐廳內仲係人頭濟濟，等候需時，但好值得！入到去環境好好，好乾淨，衛生好好，我其實都試過幾次，好有水準。烤雞我本身都幾like因爲不經油炸所以不油膩，健康又美味。我地點左蜜糖香滑烤雞同韓式BBQ醬煙燻烤雞，朋友都食到津津有味！蜜糖香滑烤雞(有骨) $185烤雞賣相十分討好，外面充滿了蜜糖味，仲好Juicy！即叫即烤大大碟！上枱的時候，蜜糖香味撲鼻！金黃微焦的表面，未食都知道有水準！甜蜜的外皮又香又脆，雞肉好有雞味，而且又嫰又滑。韓式BBQ醬煙燻烤雞(有骨) $185BBQ味的很惹味，帶點甜。佢啲雞一啲都唔乾仲好juicy！真係好味到停唔到口，好過癮。仲俾咗個兜裝住啲骨!! 都算係幾貼心啊~

由開業到依家食過N次既烤雞店，由最初只有尖沙咀店，到依家擴充到有六間分店。擴充到總有一間係左近一定有佢既原因，而我係每次想食炸雞既時候第一時間都會諗起佢，貪佢邪惡得黎又唔邪惡得哂銅鑼灣分店為第二次食，位於時代廣場附近既VPOINT！餐廳環境闊落，估唔到食烤雞都可以有海景睇同朋友、家人食飯談天說地無得頂！食左咁多次，第一次有免費餐前小食送，熱辣辣既薯角固然好味，但主角係側邊既mayonnaise兩款都係微辣口味，同行朋友都食到唔停口！甜辣烤雞係我既最愛之一，烤雞做到脆皮效果，一啲都唔油膩。甜甜辣辣既醬汁令人一口接一口食唔停，每個部位既雞件都好滑，連雞胸肉都唔會特別「鞋口」第一次試既味：BBQ醬煙燻烤雞，本人就一般般，無骨雞肉似急凍雞扒肉，都係叫返有骨原隻上好啲！呢個炒飯用鐵板上，仲有芝士一齊撈飯。一定要趁熱食，如果唔係凍左啲芝士變左一舊舊無味。炒飯都係一般，建議食烤雞就算。如圖，點烤雞會送上酸蘿蔔，唔夠的話可以問店員添領！

已經多次品嚐Goobne的烤雞，但總是有種魔力讓人百吃不厭，比起肥膩熱氣的炸雞而言Goobne的烤雞更是健康得多，稱之為「毫無罪惡感的人間美食」絕對當之無愧。這次是我第二次到訪銅鑼灣分店，被安排於窗口位置能夠眺望遠方美景，上次在這裡享用晚餐時的良宵美景更是令人陶醉。之前甚少於午市光顧，原來Goobne亦有提供多款價廉物美的午市套餐，眼見當時不少上班族都在享用呢。 甜辣烤雞+黑椒烤雞 ($238)以前到Goobne總是對烤雞選擇猶豫不決，畢竟Goobne的烤雞口味繁多之餘每款都令人回味無窮，現在推出了Half&Half烤雞，每份烤雞均配以兩款不同口味，對於三心兩意的我而言實在是一大福音。甜辣烤雞辣度較一般韓式年糕所配的韓式甜辣醬微薄，反而有如蜜糖一樣香甜溫醇，而肋骨位置更加與廣式蜜汁叉燒有異曲同工之妙。黑椒烤雞賣相似乎不及其他口味吸引，外表烏漆墨黑如同黑炭一樣，但事實上可是「雞不可以貌相」，黑椒辛香撲鼻而來，吃下去黑椒香溫和順口、辣度不算太強，雞皮更是貫徹始終地香脆。 韓式BBQ醬煙燻烤雞 ($205)本來其實是因為想一試Goobne的無骨烤雞，而這款BBQ醬煙燻烤雞則是鐵板軟芝士烤雞系