炑八韓烤 (Closed)

朕今日聽隨從介紹，黎到荃灣食個下午茶，聽講大件夾抵食，朕就梗係要試下有幾好食啦！黎到門口睇下個MENU，幾十個大洋一個下什茶，都OK既，就坐底叫野食。朕叫左個韓式LA骨炒粉絲，用鐵板上，上枱嗰時仲啫啫聲，夠哂氣勢，韓式LA骨即係牛仔骨，牛仔骨食落都幾稔身，又夠入味，份量都OK，另外炒粉絲再加左啲什菜同芝蔴夠哂香口，粉絲食落夠味又夠彈牙，Good！另外下午茶SET加十個大洋就可以有一份芝士粟米，份量都幾大，用鐵板上一上枱就要即刻攪混，免得燶底，芝士夠香濃又煙韌，粟米又夠甜，抵食！另外跟餐仲有小食四㨂一，朕就㨂左韓式迷你熱狗，一口咬落，韓式迷你熱狗炸到金黃香脆，入面都唔會太乾，外脆內軟。另外朕覺得最好既就係加六個大洋，可以特飲無限添飲！！！Good Good Good！！！－－－－－完－－－－－

街坊介紹，話荃灣新開炑八個下午茶好抵食，我地又來試下啦！先睇睇個MENU~下午茶都有幾多選擇，有飯，粉絲，薄餅，小食，沙律...等等，仲可以另外加錢配小吃。最吸引應該是多款冷熱飲品任添飲吧！有大大碟前菜提供啊！韓食必備！幫你開開胃先！有韓式清湯，泡菜及海帶！而最吸引我絕對是這個韓式迷你熱狗，外面是班㦸皮，裡面是香腸，一定要熱辣辣地沾著蕃汁或芥辣醬吃，凍左就會有點難咬嘍！Main Course來啦！我Order了這個<韓式LA骨炒粉絲>，配上黑椒汁超惹味呀！而且LA骨肉質鬆軟，咬落口感像牛柳呢！粉絲食落甜甜地，所謂甜辣不歡，正好形容這個狀況。至於＜海鮮煎蔥餅＞略為遜色了！感覺太厚粉，但係大蔥完全令整個蔥餅加分！裡面仲有不少魷魚添！好飽肚呀！芝士栗米，加$10換來的小吃，芝士一點也不咸，跟甜甜栗米混在一起吃，特別好吃，易入口，不知不覺就吃哂！而飲品方面，係任添的！不過，職員都幾慢反應下！我只係飲左兩杯熱飲咋！而且質素穩定性較差，應該係不同職員沖調所致，第一杯勁淡無咩柚子。而第二杯就超甜，勁多柚子！這個就要留意下嘍！時間唔趕都可以慢慢等你Ｏ既！