香港仔茶餐廳 (Closed)

好耐都冇食個打冷啦, 今日趁人多, 朋友帶咗我地去灣仔打冷。餐廳係傳統茶記格局, 價錢算大眾化, 我地有成六個人, 所以叫咗好多嘢食。先黎潮式烏頭, 係凍食嘅一道菜, 魚食落鮮甜, 配埋酸汁食一流。 之後係鹵水拼盤, 眼見都起碼有六七樣嘢, 墨魚, 紅腸, 大腸, 鵝片等等, 老板仲教我地點少少辣汁食會更加野味, 一個字正!由於在坐好多人鍾意食鵝片, 所以我地另外亦叫左一碟剩鵝片, 啖啖肉之餘, 鹵水醃得啱啱好, 唔會話太鹹果隻, 唔夠幾分鐘就俾我地班食貨KO左。再黎有牛腩同韭菜豬紅, 兩樣嘢都係大大份, 啱哂幾個人分, 牛腩食落口感同味道都very good, 屬水準之作。 韭菜豬紅同樣出色, 難得韭菜唔老, 所以我地中間再加多左碟剩韭菜開心share。至於送啤酒嘅小食, 當然唔少得椒鹽魷魚啦, 今次叫左個椒鹽魷魚同九肚魚雙拼, 同樣大大份, 兩樣嘢都炸到金黃甘香。食到依度, 其實都飽左大半, 不過冇飯同冇麵不歡嘅朋友, 亦自動波咁叫左個揚洲炒飯同星洲炒河, 兩碟小炒都鑊氣十足, 不過可能真係叫得太多嘢, 所以最後都食唔曬, 個個都捧住個肚走人, 所以下次再嚟要再節制下啦。

其實地點非常就腳，經常也路過附近，只是沒轉入這橫街。雖然叫茶餐廳，但有小菜打冷！今次試了：招牌滷水鵝片滷水拼盤紅腸拼墨魚原汁牛腩椒鹽鮮魷小炒王豉油王鵝腸韮菜豬紅菠蘿冰菊花蜜紅豆冰滷水果然是招牌菜，全都好入味，真材實料，分量足，新鮮又多選擇！色香味俱全！連飲品也有驚喜！少有的菠蘿冰非常足料！果汁比例高！還有很多的菠蘿肉！果味濃醇！好有口感！清爽健康的選擇！整體上菜快，環境闊落。絕對係美味、舒適、又快捷的晚餐！

正所謂有心栽花花不香，無心插柳柳成蔭！之前想食一心去搵就搵唔到，反而無心搵就搵到，仲要係好好食，屬性價比的一餐！超開心 韮菜豬紅 ($70)：大大碗，入面有好多舊豬紅，韮菜。豬紅唔羶，好入味。韮菜唔韌。鵝片拼墨魚 (招牌鵝片 $90，加 $25 可以拼墨魚)：鵝片大大片，多肉少肥，嫩滑唔羶，如果可以多少少就更好！墨魚爽口夠腍有咬口。底下仲有大豆芽菜。黎打冷，唔係唔叫鵝片嘛~方魚肉碎粥 ($55 細碗)：足料夠熱又大碗，二人食每人可以搯到 3 碗！本身都好夠味又香口，就算唔加胡椒粉都好惹味。店員殷勤又 NICE，話頭醒尾，無論價錢，味道和份量都好 OK！除左打冷佢本身都有晚飯小菜，又收得夜，呢間絕對可以再翻炒。下次試下蠔餅，炒蜆先！