焱手工涮涮鍋 (Closed)

係團購買了68蚊抵100蚊嘅現金券1200蚊試食呢間手工火鍋店，八點多去到仲有好多位，我地四人點左花膠響螺鷄鍋+火焰清酒煮蜆，材料足有一隻鷄及幾大隻花膠，料夠足湯尚可，另點了大小10份，值得推介入口即溶嘅日本四A和牛，手工響鈴及大大盃嘅芒果沙冰。埋單每位260元，有現金券係算抵食的，但如果原價就每人盛惠375蚊，抵唔抵食，你認為啦。

5月中天氣已經開始熱，作為打邊爐愛好者，決心要趁未到大熱天食多幾轉火鍋過下癮! 今次同朋友約左試旺角嘅焱手工涮涮鍋，一出電梯就見到大大個logo，牆身設計又幾有心思。店面唔算好大但座位夠哂闊，鍾意望到街景嘅位感覺比較開揚。主要考慮兩個set，比單點抵食，最後點左焱選套餐，可以一次過試哂三個湯底!等食之前當然要調好個醬先。先黎一個前菜，沙津清新開胃，蟲草花落左麻油好香。分別叫左養生人蔘藥膳鍋、姬松茸珍菌鍋同店家配搭嘅火焰清酒煮蜆。湯底不會過咸，胡椒味頗重。中間噴火嘅就係火焰蜆啦，店員先放蜆同酒，點火燒完再放湯，蜆肉嫩滑鮮甜。加左少少錢要手切prime肥牛，油脂分佈幾均勻，輕輕一淥就食得。當日海鮮拼盤有帶子、蟶子、魷魚、鮮蝦同龍躉魚片，因為新鮮所以冇腥味，最愛蟶子同鮮蝦，前者鮮味後者爽甜。大家要睇住時間唔好淥太耐，我地嘅帶子一唔小心煮耐左手工火鍋拼盤幾有創意，花膠牛丸配搭同口感都好新鮮，黑松露餃子好有驚喜，內餡滑之餘有淡淡黑松露香味。響鈴店員介紹係即炸，最好趁新鮮炸起食，香脆又唔油膩，放湯定淨食都好味。蔬菜籃大大份，都係我打邊爐必備!無花果雪梨茶，甜度剛剛好，好清潤。最尾仲有桂花凍做甜品，

朋友介紹於是4人來到了這家刷刷鍋刷BU刷BU, 一看大的菜單, 跟平常的沒甚麼特別, 於是就來另一個特別的菜單。這個彩色的菜單十分吸引, 可惜沒有這樣點過的我居然不會點, 於是全靠店員耐心的教導; 我們點了一個火焰清酒煮蜆, 養生人參藥善鍋及東方美人鍋, 3鍋混合3個鍋之中, 我最喜愛的是養生人參藥善鍋,內裏淡淡的人參味, 高湯清淡, 味不太濃, 有枸杞, 人參條, 配以海鮮拼盤,更能特出原有的海鮮味;長長的聖子, 晶瑩剔透, 清脆爽口; 潔白的帶子, 大大粒的, 肉厚, 軟滑彈牙;而蝦, 肉質新鮮, 清甜爽口, 蝦味濃郁; 大大片的魚肉, 肉汁鮮嫩軟滑, 魚肉鮮甜; 嘗試把海鮮放進其他鍋, 因為他們味較濃, 唯獨這個鍋最能突出海鮮濃郁的味道;響鈴, 拿了一件放進口, 油味香濃, 香脆可口, 其後再輕輕一浸參湯, 響鈴外脆內軟, 帶點兒湯的水份, 沒有那麼乾身, 油味也不會太濃太膩; 特色的火鍋店吃特色的火鍋, 才能有另一番特別的享受。

難得的朋友聚會。要地點方便，又要唔限時，其實唔易搵。其中一位朋友推介呢間火煱店，旺角 mtr 5分鐘內到，唔限時，地點舒服又有 privacy。一班女仔 gathering 傾計一流。雖然唔係任食，但佢有套餐揀。人頭計，包兩款湯底，海鮮，肉，蔬菜籃，一杯飲品。$268@ （兩位起）當然你可以另加，亦有菜色可以另加公升級。但信我，看似唔多，但食落先知真係好夠，好飽！響鈴係平時既3倍，應該係店舖自己做既。唔單些食物，連所有既擺盤都好靚。湯底其實唔係湯底，係湯！就咁飲都得。中間一定有 清酒煮蜆然後，仲可以揀多兩款。我地揀左 東方美人鍋 （有成隻烏雞係入面的！）同埋 養生人蔘藥膳鍋~~雖然火鍋 唔係任食 都 $268，但食完覺得食物質素對得住價錢，抵食！

去完旅行加上小朋友仍在放暑假，終於可以還債 (飯局)，兩個女仔冇乜 idea，朋友就介紹我試呢間。Book 咗枱，唔使等，仲要坐窗口位，正，啲侍應好好，好 nice 👍🏻👍🏻人齊，可以點食，原來係一個個套餐 ($268/per head)，不過不限時，可以慢慢食 😉😉除了套餐，另外加咗碟炸魚皮，正 👍🏻👍🏻👍🏻自家製紫背天葵，正，尤其是食火鍋 中間係火焰清酒煮蜆，啲蜆好甜 冇影炸魚皮，但係好正，似自家製，唔似買返嚟，因為好大條。 個套餐唔係好多嘢食，但夠飽，而且仲有甜品，當晚甜品係奶凍，好食，不過太飽，所以最後食唔晒。值得一提，啲侍應好有禮貌 👍🏻👍🏻👍🏻👍🏻👍🏻

因為想飲湯又想食鮑魚，四點四十五入座湯底有四折，7.30前埋單配菜八五折。有時間，當然立刻訂座啦。叫左人參藥膳湯同芋頭沙嗲湯。人參湯可以列入必試名單，有兩條大大既參，參味非常香，有非常多優質圓肉，煲左個幾鐘之後試食一粒，味道竟然十分甜脆，一啲都不似煲過湯既料，可以直接食埋。我叫左花膠，一來到即刻擺落湯去煲。再加埋兩只蟶子王加兩只鮑魚。食完呢兩樣再飲湯，真係又膠又甜又滋補，超正。中間既火焰清酒煮蜆螺68元必試，大概有五粒大花螺，六粒大蜆，清酒點火燒一燒然後加湯，湯滾開口食得，新鮮大件加抵食。馬來沙嗲芋頭湯小辣，我竟然為食芋頭飲左一碗辣湯，味道都好正。仲有八吋黃帝蟹柳，真係八吋，長過我只手多多聲，非常甜。再叫左響鈴同炸芋頭，兩樣都係新鮮即炸，芋頭可以即食，又可以擺落湯去煮，我呢啲芋頭迷至愛。響鈴上到來促流緊油，好鬆化，可惜唔係豎起擺，咁樣先唔會積埋好多油，不過真係好好味。最後我記得我飲左兩碗辣湯，一碗蜆螺湯，四碗人參藥膳湯，個肚就來跌落地。店內幾闊落，有兩面玻璃窗台臨街景，十分好坐。可以一試再試。

人數少去打邊爐，往往是一個難題，一個湯底都要2-300元，加多一碟肥牛都已經每人300元落樓，非常不化算。就算肯花錢，每碟份量也很多，兩個人不能有太多食物選擇。但係如果要去放題火鍋，質素往往又很差，真是一個困局。幸好跟朋友講起，他推介了這家火鍋店給我們，於是便相約一試。餐廳環境相當舒適，窗旁有大量卡位，隱私度十足，適合三五知己相聚。除了環境舒適外，餐廳的食物安排亦能解決人數少打邊爐的煩惱。除了散叫之外，人數少亦可以點套餐。每人只是＄268，食物種類包羅萬有。湯底已經可以有三種選擇，食物包括了海鮮，肉類，丸類，蔬菜還有甜品及飲品！👍🏻特定時段仲有八五折😮醬料盤應有盡有，絕不馬虎。套餐還包含了前菜，性價比十足！湯底我們選擇了清酒煮蜆麻辣湯及雪山飛龍鍋。雪山飛龍鍋可算是最有特色，它有一大片蛋白球，配合龍躉魚湯別具特色，味道清甜，用來煮海鮮一流。海鮮拼盤超級新鮮，每種海鮮每人起碼有一件，雖然只有三個人，已經可以吃到五種海鮮！丸類餃子仍如是，總共有五款選擇，每款質素極高，跟放題不能相比！牛肉質素相當高，充滿牛味，響鈴亦是鮮炸的，蔬菜極度新鮮絕無黃邊！最後還有雪糕及包含一杯飲品，都是餐廳自家製的！

聽朋友說手工火鍋近來引起左一股熱潮，一直都未食過，今晚終於有機會食下。今次去左旺角，選左旺中帶靜的一間樓上舖。內在環境寬敞，卡位的高椅保障一定的私隱度。坐底侍應就送來多種醬油醬料叫左套餐，同蜂蜜綠茶。閒日每位$268前菜都幾有特色，我比較喜歡柚子沙律，酸甜味較開胃。跟住就送上手工鍋的湯底，較喜愛人蔘味，所以選了人蔘藥膳同最有特色的雪山飛龍，"雪山"其實是蛋白球，"飛龍"就係龍躉湯底。一望去個蛋白球的確有趣，而且加熱後仲會慢慢脹大，吃落仲有D似海綿蛋糕。中間的位置就放了清酒煮蜆，一般都是煮好才送來，但今次就是在我地面前，用蔥炒一炒，再加清酒用火燒一次，再加上湯，烹調時間短D，酒香濃D，連隻蜆都大隻D跟住有安格斯牛同海鮮拚盤。海鮮拚盤可以選5款，我地就選了鮑魚，海蝦，刀貝蜆，墨魚片同白鱔片。海鮮都很新鮮，鮑魚切左十字所以好快熟，非常爽口彈牙，海蝦都夠大隻，肉質都夠鮮味。響鈴好長，長過手板，非常脆口，滾10秒都夠。跟住就係主角手工火鍋配菜，呢種墨魚磚有波菜，南瓜同墨魚高壓製成，成塊放入鍋，一分鐘就食得，亦不會散，三種味道都幾夾跟住係鮮蝦雪條棒同海鮮軍艦，蝦膠打成又厚又大塊，不過經理話滾8分鐘

最近旺角新開張一間火鍋店，喜愛火鍋的朋友約同我去先食為快。整座大廈的裝修還未全完成，而地舖也在招租，可見店舖新張不久，還有不少人員在街上招萊客人。一出電梯就有如寫子樓的格局，門口有著招財貓的戶布，很可愛。營業時間還至凌晨時分，可會夜更下班或一眾夜貓之選。內部裝修也很寬敞，闊落，燈光光線充足，卻又不耀眼，很舒適的感覺。調味品先送上，放在一個木制的架上，很是特別。一個餐牌，上面已說明火鍋店有什麼選擇，是以人數收費，也有多種湯底及火鍋配料選擇。由餐牌得知，有多種湯底選擇，按人數而可選擇的配料也有增多，同時也是按人數增加份量。點選食物後，先送上飲品，我們選擇了啤酒和紫貝天葵。紫貝天葵並不如大澳買到的很甜和很深的紫色，看似是一般涼茶的顏色，甜味又適中，正配合吃火鍋，不會令味覺又甜又鹹。前菜柚子沙律，清爽的感覺，鮑撈起手撕雞，帶點辣，作點題作用，非常惹味。在吃著前菜之時，湯底已經送上，我們選了焱羨目光湯底，即是養生人參藥膳和青花麻辣湯，而中間則是火焰清酒湯。由於清酒的味道，較配合海鮮，店員建議是先用來煮貝殼類，我們選配的刀貝，花甲王及東風螺先放進中間及配著洋蔥先加熱。隨後再加入清酒湯煮熟，即可食用