妹記大排檔 (Moved) New Location

520大風大雨大日子，就梗係要食餐好，朋友選擇去妹記，原先諗住訂19:30枱，但係太遲無得訂，我和另一友人又剛可收早，我們約18:30先攞枱，諗住飲住等。我準時18:30到，諗住叫張四人枱飲住等朋友，個知客話要過半數人先放行，哦，咁我咪等吓囉，又差不多18:50，知客再溫馨提示，19:00後要齊晒人先可以入閘，我即至電友人叫佢拿拿聲跑過來，友人亦不負可託地於18:58跑到門口，知客見我們呢張四人枱咁有誠意地過咗指定人閘人數，佢話因為差不多19:00，可以幫我地問吓可否放我地入去食餐好，結果我終於可以入閘了。入到場，又未爆吖，仲好多吉枱，都唔知點解門口要咁多人係到等。朋友一身汗，拿拿臨叫雙啤酒，叫咗炸豆腐，同墨魚咀，侍應姐姐跟住就走咗去落飛順便攞酒過來。神奇的妹記又一次給我驚喜，佢地用光速過抵咗啤酒，仲有豆腐同墨魚咀。侍應姐姐來回唔駛五分鐘，佩服。炸豆腐呢，皮硬，係非常硬，內面只微溫。墨魚咀，普普通通咁。問題又再一次出現係妹記身上，佢地廚房係用光波爐吖，定光速去整碟小菜出來？話晒自封為大排檔，鑊氣全無可言，唔通係老尖食中餐等同𠱓遊客，大排檔的確唔係咁㗎。朋友到齊，再叫餸啦炒通菜，呢個肯定

芥末子墨魚丸球無芥末味(可能太少料，我咬唔中粒野?)同普通炸墨魚丸一樣，我比較鍾意學利魚蛋D炸墨魚丸多D。三色蒸水蛋好食!! 三種蛋分佈既比例好平均，唔會有一啖全部都係咸蛋咸死你。又滑味道又好，送飯食一流!鬼馬油炸鬼 (我影到好似白切雞)魚肉釀入麪粉團去炸，好似幾特別..個名。烤物最忌唔夠熱，加上油炸鬼皮吸哂油變軟林林，所以唔鍾意。本身無乜味，係個汁酸酸地有D味，下次唔會再食。蜜桃豬面登? (個名唔太記得)唔知點解無啦啦要走去炸D豬肉？我食過果部分既肉係好滑好好食..佢炸完變到又硬又乾...蜜桃好酸...完全失望。鋼鍋雞好多人都鍾意食雞煲，呢個都會鐘意!少少辣，好香又惹味。我唔係好骨之人..所以唯一不足係骨多過肉。飛天通菜菜炒得唔夠入味／唔均勻.. 味道同清炒一樣。食到底先有返D咸魚味，但係又要連埋好多油一齊食先有。豆腐魚滑呢個魚滑比起釀入左油炸鬼果個好食好多，不過不失。總結：好似都係做返傳統大排檔有既食物質素會比較好...因為個鋼鍋雞同三色蒸水蛋，俾4分味道...如果唔係我可能會俾2分

約咗同大學同學聚舊，去呢度食飯聞說呢度0既啤酒用碗飲我平時唔飲啤酒，都要一試!! 用雪凍咗0既碗飲啤酒，原來係好爽 呢度0既小菜份量較小我地 5 位男士每人叫一款小菜，再加碟炒飯，都唔夠飽結果要再叫 2 款小菜話雖如此，但碟碟都好有水準細碟啲，咪可以試多幾味呢度價錢唔算貴，同一般酒樓晚市差唔多但論食物質素同菜式選擇，呢度就好過唔少酒樓好多比較特色0既有鬼馬油炸鬼，值得一試