前家樂餐廳火鍋店 (Closed)

以前搵食多集中晌旺角、尖沙咀、銅鑼灣依幾個搵食大區，隨著租金上升，唔少傳統旺區都好貴租，從而有唔少食肆進註一啲二線區域，漸漸變成搵食集中地，就好似天后、大坑、九龍城、大角咀……等等，之前，到過九龍城食人氣嘅韓烤，這晚就造訪大角咀，食嘅喺依然大熱嘅雞煲，再加美味嘅烤魚鍋，雙料滋味，做得不落俗套嘅「前家樂」 ，一個既玩食字，又有心思嘅店名。其實熟路嘅話，由奧運站行落大角咀都喺10分鐘步程之內，挺方便，唔怪之得越嚟越多食店加入依邊戰區。啱啱，又遇著店方嘅「周年誌慶」，免收加一 ，大可讓客人慳番一少筆 ！環境格局唔算有咩特別好講，裝修簡簡單單，似西餐廳多啲，但勝在環境光猛，地方企理。牆上貼有雞煲、烤魚嘅大相，突出番店家嘅主打主題 。雖然話主要賣雞煲、烤魚，都唔喺獨沽兩味，醉雞煲、麻辣雞煲、香辣雞蟹煲外，仲有多款火鍋湯底，如四川麻辣、芫茜皮蛋；此外，烤魚鍋可揀桂花或海鯇，湯底更有蕃茄薯仔、雲南酸菜、四川麻辣或香辣蝦膏可揀，實在多元化。揀好雞煲及魚鍋款式，自然焦點就落在配料紙身上，一大張A4紙，印備晒所有打鞭爐配料，究竟包括啲咩，你睇就好過我講喇。 麻辣雞煲 $138（半隻）/ $228

之前的公司同事極力推介，所以下班的時候，就去了大角咀找找雞煲「前家樂」試試看，係埃華街行到最尾，紅色果間就係了，入到去店員就好親切咁招待我們，仲有一一咁介紹佢地既雞煲和烤魚等等...入到去發現D座位幾寬闊，坐得幾舒服，仲發現店內有幾部電視，又可以一邊吃一邊睇電視！岩哂我呢D「電視精」的要求。點餐紙分左2大張，1張係用黎點烤魚鍋、麻辣雞煲和雞蟹鍋及普通火鍋等，另一張紙主要是點火鍋配料、飲品等等，只要係上面剔剔就會送到。在我的靈魂投入左落部電視的時候，朋友已經點好左要吃的雞煲和材料，我只要點自己飲的飲品和等吃就可以了。「唔辣」雞煲果然係我們呢D唔食得辣既女仔既恩物 T^T!!!又好想食又唔敢食，幸好前家樂幾貼心，有唔辣的雞煲提供，雖然唔辣咋喎，唔代表佢無味，我吃得出雞是入哂濃濃的味道，雞和配菜料又夠多，所以整鍋都一直香香的，而本身雞肉都很滑溜，咸中帶有少少甜味感覺。有一樣要推介的是「芝士竹輪」，這個是獅子狗內有流出來的芝士，要萬二分小心吃，因為朋友就是一個不留神，一咬D汁就射出來，嚇得眾人笑了出來。但是味道不錯，咬口煙煙有嚼口，充滿芝士味。當然雞煲之後會落水，落完水之後會開始另一部分，就是