博多拉麵-火之鳥 (Moved) New Location

Pork cartilage tomatoes sauce ramen (chicken soup) $80 (👅: 7.9/10)This is my first time to try pork cartilage,🧐at first I think of chicken cartilages which I don’t really like the strong feeling of it as it was so hard like a bone🤔but the pork cartilage is totally different from the chicken one!!😳I am so surprise that the pork cartilage part taste so soft tender🤩and juicy, also the cartilage taste like collagen👍🏻 which is not really taste like bone which is better than the normal pork ramen😝//Lu

之前泥過大概10次，都成兩個月冇泥過，估唔到今次好可能係最後一次嚕太耐冇泥忘記係冇人落單，叫個妹妹落單，佢回應「寫紙」。我拎左張紙仔出泥，實在好耐冇寫過，搵緊個lunch set既時候，佢話「最低」。我剔好左，佢就話「俾錢」。其實阿妹妹甘既服務同工作態度，唔知有冇人會鍾意呢🙄話晒都係日本人主理既拉麵店，服務仲差過茶餐廳⋯當然，遇著d甘有質素既服務，我都會收起友善既態度同應有既禮貌講返拉麵先。隻蛋都幾凍幾流心，叉燒算冧，味道偏咸。拉麵份量適中，湯底唔會太油同濃味。食左1/3，妹妹話「找錢」，俾返d散紙我。食到一半，心諗佢俾唔俾配菜都算，食完就閃。點知宜家先俾我，依然粒聲唔出放低係枱就走😓最後上埋餃子，煎得唔錯，味道方面唔太特別。其實世界級既服務堅趕客，搞到客人心情都差左，有時覺得d極麻煩極奄尖既客人係好可惡，但係d乖孩子要貼錢買難受咪仲慘

無無聊聊穩野食，西環作為SOHO WEST既代表，西營盤（香港大學站）都有唔少好野食，當中日本野更係隨處可見。今次介紹既就係門面低調既拉麵店。呢間拉麵店真係主打食拉麵，想食壽司就無啦！但有d小食例如餃子等等。Focus喺拉麵先！價錢：碗碗大約100蚊有找，都算係幾划算。味道：足料熬製既濃湯，卡路里？唔知咩黎！服務：有個小妹妹，一邊剝雞蛋殼一邊serve客人，幾可愛！舖頭只有一個師傅，所以上菜自然比較慢啦！俾個機會香港人鍛鍊耐性啦哈哈！

小編家住西環 又係日本迷 超鐘意食日本野一早知火の鳥嘅主理師傅係日本人 一直心思思想去試耐何份工成日OT 時間成日都就唔啱 終於搵有日早放就同朋友仔黎食喇一入去就聽到一句好正宗嘅いらっしゃいませ 同一句一聽就知係香港人講嘅13咩4對於學過下日文嘅小編黎講 就知道店員呀姐已經好努力咁講呢句由於果日實在太肚餓 餐牌都唔記得影就點左野食依稀記得係有15款左右嘅拉麵雖然係十幾款 但其實個base都係豚骨湯 同 雞湯只係從中有唔同嘅變化 等我地可以有更多選擇～最後 小編同朋友當日就叫左蕃茄雞湯拉麵 同埋濃厚味噌豚骨拉麵外加一碟餃子同朋友仔share!香番茄雞拉麵 $68-鐘意酸野同雞湯嘅朋友必試！鮮味嘅雞湯配上番茄獨有嘅酸甜味 仲有小小嘅嗁番茄蓉 絕對係會令人飲哂成碗湯～聽聞湯底仲係師傅親自熬足一晚 6X蚊可以食到咁新鮮好味嘅野邊度搵？濃厚味噌豚骨湯拉麵 $78-湯底係豚骨湯 味道一定係偏重 再加上味噌 令到湯底一如其名般濃厚仲有一粒粒的肉碎撈在湯裡面 用筷子夾起麵條時肉粒仲會痴住啲麵鐘意重口味嘅朋友(如同行朋友)一定會大嗌：好正呀～ 成日話食拉麵 第一啖一定係咩都唔好加 飲左啖湯先我好認同架