麵家山下 (Moved) New Location

一向都提早同老人家食團年飯，所以正年三十那晚就隨便食一點簡單晚餐。到上水行行，竟發覺平日要排隊的隱世拉麵山下有開門營業，立刻進去坐下，來碗黑蒜拉麵、沾麵、餃子及炸蠔。餃子皮薄餡靚、炸蠔新鮮熱辣、初入口覺得普通、但竟然有頗重的蠔味，讚。黑蒜拉麵味道令人好舒服，黑蒜不搶味，重飲晒d湯。沾麵更加令你一啖接一啖，每撮麵浸落湯，拉起一點肉絲，放進口內，嚥嚥靭靭，美味無窮，味覺同口感嘅享受。

從openrice久仰麫屋山下嘅, 今日乘機同哈日嘅老豆去試下麫店好細, 好似日劇入面啲居酒屋咁, 室內得4個面壁位老闆是日本人, 中文都算識聽, 講到簡單嘅廣東話 (我諗佢嘅廣東話程度, 同我嘅日文差唔多)番正題先, 我地叫左3個拉麪, 一碟餃子, 一隻溫泉蛋3個拉麫都是不同湯底個人覺得好味程度如下: 醬油>味增>黑蒜麪身我地冇特別要求, 但軟硬度非常不錯剛剛來到有點硬, 放一陣就剛剛好~可能你會覺得$20碟餃子(5小隻)有D貴, 但我話你聽佢抵係邊啦!平日餃子都係豬肉餡佢用嘅係蝦! 仲要係有甜味嘅鮮蝦!!!而且非常皮薄, 1D都唔膩~讚!另外不得不提的, 就係叉燒佢唔係厚切果隻, 薄薄一片, 入口即融 反而大家最推薦嘅溫泉蛋個人就麻麻地喜歡啦蛋黃未夠糖心一個麪成$50-60, 抵唔抵食就見人見智啦但肯定日本味道為食物增左值老闆服務很殷勤, 笑容可掬bb女又好可愛 在店內聽到老闆娘用日文向大廚老公落單加上迫迫夾夾嘅座位輕輕的日文歌, 又唔趕人走嘅閒情的確有種日本小鎮食店的風情

一入到去, 有一個講英文+日文的女侍應熱情的招呼。全店只見有4個座位。叫了若葉汁($8), 好好飲, 無咩甜味但有冰涼清新的感覺, 呢次係我人生第一次飲, 亦都會係我將會必叫的餐飲。义燒拉麵($60), 麵質一般, 但個湯底舖頭寫明係用豬骨煮十多小時製成, 一入口, 嘩正呀! 好似去左日本食D拉麵咁。D义燒好林, 部位又正, 好好味呀, 仲有個糖心蛋($8), 超好味。還有order左餃子($20), 好好味, 裡面有菜同少許肉, 煮得剛剛好, 外脆內軟, 正呀! 上水區又多一個好選擇了。