椰粉湯紅 (Closed)

潮流興養生，今日約咗個灣仔返工嘅朋友食飯，佢就帶我嚟咗呢一間佢平日lunch成日去嘅椰粉湯紅食番個健康餐。店舖面積唔算大，朋友話午市時段次次都座無虛席，而且好多附近返工嘅人嚟買外賣。餐牌上嘅菜式用料方面都比較健康，價格相宜，仲免收加一。每週都有唔同嘅湯水。竹絲海南雞椰香飯套餐會配埋是日食療湯水同一碟蔬菜。朋友力推呢個竹絲海南雞飯，開頭我聽到係竹絲雞就有啲驚，因為平時竹絲雞最多都係煲下湯，我未試過食隻黑色嘅雞，不過一放入口印象就完全唔同晒，因為肉質比起平時食開嘅雞更加彈牙，係真心好食！椰香飯係用海南雞汁撈過嘅飯，比起出面食嘅油飯健康啲。蔬菜係菜芯，煮得夠淋，啱哂我。平時出面嘅湯通常都偏鹹，但我覺得呢個湯應該冇乜落鹽，我就好鍾意，因為更加能夠品嚐到湯料嘅原汁原味，飲完都覺得好滋潤。另外仲叫咗個豬頸肉蛋包飯，因為呢個本身唔係套餐，所以我哋就加咗蔬菜同飲品。豬頸肉切得薄薄的，咁就可以淺嘗肉類又唔會食得太多，包住飯嘅蛋煮得啱啱好唔會過熟，再配埋南瓜、粟米、秋葵同蕃茄，配搭健康。朋友堅持話要食秋葵，我起初都唔太鍾意秋葵滑潺潺嘅感覺，不過佢叫我試一條之後，入口覺得幾清新又爽口，又真係幾好食喎，我仲一

這間椰湯粉紅裝修別緻，圓形門口加上粉紅色燈和一隻大匙羹，已顯出用心。內裏以粉色裝修，感覺舒服，枱與枱之間用隔板分隔，食得更安心。今晚點了「日式胡麻醬手撕雞冷麵」（ $58 ）和「炭燒鰻魚椰香蛋包飯」（$78 ），另外加了些配菜。手撕雞冷麵份量都幾多，除咗手撕雞仲有青瓜條和車厘茄，撈埋胡麻醬味道幾唔錯。另外個椰香蛋包飯外相好靚，花形嘅蛋可以淋上椰汁，椰香撲鼻而且蛋炒得滑，加上半條鰻魚和木魚碎，味道也很好。另外加錢的配菜包括：蒜泥白肉（$38 ）份量多，蒜泥加芝麻夠香，底有青瓜條，白肉唔會太肥，感覺不錯養生秋葵（$12），四大條切半上碟，大條得來夠晒新鮮，唔會好多潺。原來秋葵就咁加豉油都幾好食皇牌菜芯苗（$12），不過不失食療拿杯湯（$15），今日是哈密瓜百合陳皮雪耳湯，味道較淡，應用無落味精，健康之選

成日出街食飯，有時都真係想下飲湯，食得健康啲。邊個話健康野就一定唔好食？今日喺灣仔見到之前食過嘅椰粉湯紅，主打養生燉湯，不加味精。食療拿杯湯原本想叫燉湯，不過已經賣晒！今次就試下佢哋嘅食療拿杯湯，每星期一款。今日係猴頭菇牛蒡黑豆湯，健脾養胃，解毒利咽，宣肺固腎。飲落去有淡淡嘅牛蒡味，真材實料。招牌厚切豬扒配皇牌黑椒汁兩大塊厚切豬扒，肉質鮮嫩，唔會嚡口，同濃郁嘅黑椒汁係絕配，再加埋隻流心太陽蛋，真係冇得彈！咖喱牛坑腩配白米飯一嚟到就聞到好香嘅咖喱味，特別鍾意佢唔係好難，但係非常香口。牛坑腩好淋身，吸晒啲咖喱汁，送飯一流！皇牌菜心苗最鍾意呢度嘅特色套餐可以加錢配菜，菜心苗新鮮翠綠，鮮甜美味。養生秋葵M佬一見到有秋葵，就話一定要叫！秋葵新鮮爽脆，加少少豉油又幾好食喎！（記住Like同Share畀朋友）By A姐M佬 玩樂日記 www.aandmdiary.com