養心殿台式養生鍋 (Moved) New Location

今日OT搞掂個project放晏左，飯都未食，咁收工就同同事一行兩人一齊去搵好野食，但因為已經11點幾，好多鋪頭都已經關左門，咁岩想打邊爐就上OpenRice搵到養心殿開到淩晨3點，咁就出發啦。咁上到去，慶祝project完成，緊係叫個最貴既養生鍋湯底啦。個湯底入面本身已經有鴨血等等既食材，而且超好味，真係當湯飲都得。之後我地仲叫左好多野食，肥牛，丸，菜當然唔小得，另外我地仲叫左蠔食，全部材料都好新鮮。為左慶祝，仲叫左兩支白酒飲，哈哈！最後因為宵夜時段做會員仲有7折優惠，但因為我地叫得太多野既關係，都真係唔平啊！

今日天氣凍凍地，約左美女陪我打邊邊，隨便同佢慶祝生日。養心殿台式養生鍋，故名思顧其火鍋湯度有養生的功效。它位於銅鑼灣與鵝頸橋之間，又近時代廣場。在友光大廈,電梯按3字樓上樓，當我到左餐廳，原來食客已坐滿晒人，好彩已訂位了。餐廳門口掛滿大燈籠,富有中國傳統特式門口大招牌大約七時，美女已到左餐廳，原來想叫美人鍋的湯底，不過美女生日，就叫左養生鍋,佢想滋補養顏。我地叫左手邊手打魚丸，蝦丸，牛丸同埋豬肉丸，仲有美女最中意右手邊的魚皮鮫同埋雲吞添。仲有好正炸芋頭添三色蔬菜拼盤，有栗米，羅卜同埋秋葵，秋葵是好有養營價值的食物，防止糖尿病的食材。只要like及簽到打卡養生殿台式養生鍋的facebook,就有免費飲品一杯，如菊花茶，酸梅湯。右手邊是菊花茶，左手邊是酸梅湯。食完打邊爐，整個人暖笠笠，酸梅湯可以消滯。如豐富又滋補的一餐。餐廳時不時有温馨提示,要飲左湯先,後加食材，而且主動幫我加湯，服務質素算好。價錢方面,由食物新鮮,價錢中上，而且食物份量够多，如果二位女仕,叫一火鍋份量好大份，個人建議揾有食力的朋友相伴，最為穩陣。如果怕份量太大份，點菜紙仲有半份可以選擇。餐廳環境有全層咁大，座位坐得好舒服

fb見到有朋友去左食，好似幾好。上呢度睇原來開通宵。 早兩晚咁岩同d fd係果頭，12點幾去左試。本身落單時，其實係叫 美人鍋 加 麻辣鍋既… 點知黎到食到要加湯果陣 先知，原來比錯左養生鍋， 不嬲我地唔緊要啦，還掂2個都未試過。 養生鍋 幾濃，奶白色，有蔘味， 我岩， 但我有d朋友就好怕呢個味。 口味既野真係睇人。麻辣鍋 還好揀鴛鴦鍋， 所以唔食蔘味既幾位朋友 全程食呢個。 揀左 小辣 ， 味道正常。叫左牛，腐皮，響玲，丸，餃，a菜等等. 都不過不失， 正常打邊爐既。 有d話臺灣直入tim。覺得特別好食既係， 跟2個湯入面既鴨血。 讚一下。宵夜 有折 ，除返開2百幾 3百 1位。都ok既。總結： 有機會既話，宵夜時段會再食既，試美人鍋。同埋注意： 呢個鍋好熱， 要小心，我地幾個都唔小心辣到。 我地第一次，唔知釘，走果陣見到原來有2款臺，一款個鍋凸出張臺上，即係我地辣到果款，下次試下入座時揀另外果款個鍋入臺果d位坐。8