baby café (Closed)

排排坐、食粉果 ﹗第一次黎，入到大廳即感到噩然，完來裡面咁細架？枱櫈放得密質質，毫無私人空間，坐得好唔自然，枱又勁細，想 order 多幾樣小食都無位放。放兩碗湯、兩杯水、調味架，無位喇 ﹗我又諗起周星馳係食神入面既金句喇 ﹗講返內籠佈局同設計，成排 12 個位 6 張枱排排坐，枱與枱之間只有兩三吋距離，真係好有坐地鐵 feel 喎 ﹗真係地下鐵蟹后她囉。擺設同裝飾又幾精緻典雅既，氣氛算 peace 算舒服，係坐得麻麻地囉。餐廳佈置簡約，以 Angela baby 相片為主。服務好一般，欠細心、欠專業、欠熱情。經典懷舊什扒餐 HKD168？﹗見到隔離位男仕既懷舊什扒餐甚有花園餐廳既風格，大大件、多多汁，味道就唔知喇，會唔會都係花園餐廳港味呢？忌廉南瓜湯，我一向對南瓜都麻麻，即管試試啦。味道清香而不太甜、質感較粗欠幼細，合格啦。火雞胸凱撒沙律，乾鞋得出奇既火雞胸，一啖放棄。沙律蠻好啦，簡簡單單新鮮爽嫩就捐掂。餐包，暖暖地而帶淡淡甜味及麵包香味，外脆內軟加上牛油幾好味噃。荔枝茶，order 套餐既指定餐飲，無得揀？﹗咁是但啦。第一次飲，好香荔枝味，不太甜而淡淡茶香，可以清清味蕾，都幾好。黑

同朋友行街見到朗豪坊既baby cafe,,因為係angelababy 開既所以我地都好有興趣黎試,間店冇乜燈光,咁我地就叫左d set 啦...有包,沙律,,main course,,仲有茶,,,佢好奇怪,,唔洗加錢既茶得佢指定呢杯花茶,,細細杯咁,,連熱檸茶都冇得跟餐,,呢樣好奇怪baby 三食聽講好出名,,我覺得都幾好食,,但係d面真係干身左少少,,朋友個波菜面都一樣干身,,d豬肉超級油,,朋友食左幾塊已經食唔落,,,成口油,,望住隻碟都係油總括黎講都唔錯,,個環境幾好,,食物都唔錯,,除左個面乾左d,,其實我覺得個份量幾細,,我係女仔但都覺得唔係太夠不過價錢合理..可以再黎

之前都已經諗住幫襯Baby好耐, 但限於怕等位同埋限時始終未試呢次疊埋心水一心去試就早少少去攞飛等位, 都等咗一個鐘鬆啲是次安排了我們四人坐卡位...正, 不過未坐低後面卡位個女食客已經行定埋嚟叫我唔好郁張櫈, 我都唔知咩事, 唔通咁唔穩陣!!首先試下湯先, 個碟好大....飲咗一啖湯就開始對之後的主菜有些憧憬到啲餐包嚟到, 講真開始有少少down咗, 以為一定係硬掘掘的, 點知一攞上手就知誤會咗佢, 軟硬適中....到主菜喇....先講下招牌之一...Baby三食, 感覺上無乜特別, 迷你咗啲, 味道係OK的再來...肉醬意粉, 厚厚的肉醬蓋住意粉, 賣相很好, 芝士味就較淡跟住到牛肩扒, 望落乾身少少, 食落就好鬆化, 又有牛味, 可以成為首選之一最後到龍脷柳, 唔知係咪漏單, 超遲先嚟....size都算OK, 味道就尚可, 始終係魚類嘛...全部主菜之中, 我最喜歡牛肩扒....不過其他食物都唔錯, 有機會可以再嚟