Simplylife Bakery Cafe (Closed)

我很喜歡坐在戶外的桌, 近距離望下景｡呢間餐廳每張桌都有燭光, 真的很浪漫｡白餐包較軟亦有咸味, 好食｡黑餐包就硬同脆, 好大片, 食完都飽飽地了｡跟餐的凍茶仲以為係齋紅茶,竟然有橙, 出乎意料之外, 幾好飲｡番茄湯同其他地方唔同, 好多茄茸｡英式早餐好食, 特別係條腸｡個牛肉漢堡就一般

SIMPLYLIFE 的大名已聽了很久，可惜一直無緣嘗試。好幾次也相約朋友到九龍塘的SIMPLYLIFE 吃飯，但最後也不敵她長長的人龍...最終還是放棄! 是次來到元朗，竟然沒有人排隊。而且還有好幾枱空桌，心想: 「美心集團經營的，每間質素應該差不多吧。」所以膽粗粗的，便衝進去了!餐包份量十足，有黑麥及法式長麵包2種，外層較硬、但內裏鬆軟煙韌，配上香滑牛油，不錯!沙律新鮮清新，除蔬菜外，也有橙及青蘋果，配上黑醋汁及橄欖油。吃完餐包及沙律後，真的已經半飽了。松露忌廉雜菌手製闊條麵, 菇菇份量跟餐包一樣，非常慷慨。菇菇的szie 比平常餐廳吃到的大一倍，醬汁也非常濃郁。最欣賞的是麵條，軟硬適中有硬口，煮的時間剛好，屬中上水平!車打芝士煙肉牛肉漢堡, 牛肉沒有什麼牛味，比較鬆散; 而且煙肉煮得過火了，有濃烈的烤焦味。整個主茶唯一可取的應該是配菜- 薯條。用新鮮薯仔做的，香脆可口，我最怕軟腍腍的薯條，幸好這裏的薯片放久了還能保持質素!總括而言，食物還是可取的。但與我如期還是有點距離...

由於唔駛响門口排隊, 用APPS攞飛就得嘞, 雖然係假期前夕, 但由攞飛到攞位都只係大概半個鐘, 算快~落完order冇耐就先嚟個包:唔錯喎, 個皮雖然靱咗少少, 但好有麥香味, 咁大份我哋兩個人居然食晒 (另因為等個主菜等得太耐餓到食晒...)餐湯得一款好味喎 菇味好濃, 又唔太杰, 雖然我prefer有羅宋湯揀會好啲~凱撤沙律配燒蝦....啲蝦....咁細隻ge...不過都燒得幾好味, 沙律個汁酸度適中, 沒有煙肉碎但配咗啲好似咸魚味道的肉, 夾埋個沙律食又幾match喎.個扒都煮得唔錯, 做到medium well, 有少少炭燒味, 合格~不過餐飲就得冰茶/soft drink, 又冇熱飲(加錢咪有囉), 點咗個橙茶, 個人覺得個味好怪, 早知飲汽水走冰算了.