Wooloomooloo Steakhouse

Open Now

Now Closed

今日難得限聚令下同屋企人出去食午餐，就揀咗呢間係灣仔嘅Steakhouse🙂 之前見過朋友食個景真係好靚，去到果然冇令我失望！入到去會見到佢係落地玻璃嘅設計，好夠空間感。唯一就係我哋當日先book枱，窗口位已經俾人坐晒🥺如果你哋想望住180度嘅景食飯就記得早啲book枱啦😆我哋今次食嘅係brunch set, appetizer 揀咗crab cake, main course 揀咗 medium sirloin 同 carbonara. 個人覺得crab cake好食過salad, 一層層嘅蟹肉配埋佢嗰張真係好好食😋個湯都好濃郁，配埋black pepper 真係飲過返尋味😍等咗一陣main course終於嚟啦!! Sirloin切開有啲失望，明明係叫medium 但切開好似medium well 甘🥲，carbonara 就不過不失啦！整體來講，呢間餐廳好適合情侶或者朋友嚟慶祝，嘢食就唔好話太高期望，但係都唔差嘅😆職員服務都好好，值得一讚！

公司有budget比我地食X’mas Lunch，當然要去食大佢啦！不過話雖如此，要搵啱budget 嘅都唔太易，搵咗幾間之後決定去呢間！呢間環境認真幾好，31樓遠眺景色，一覽無遺！個景都值啦！今次叫左X’mas set lunch，$245 +10% 都唔算好貴！個麵包都係暖嘅，又軟熟，又香噴噴 ok啦頭盤我揀左crab cake，而兩位同事揀左沙律，我認真覺得個Crab cake整好好好食，蟹肉好豐富，好香餐湯無緣試佢龍蝦湯添🙈 當然呢個湯都唔錯，好濃郁嘅菇味，但我更覺得有薯仔蓉終於到主菜我錯了叫左7成，佢無錯但䎠熟搞到有啲un，有啲浪費咗嘅感覺。來到甜品，我揀咗cheese cake，呢個好好味呀！好濃郁香滑嘅芝士味道，再加雪糕伴碟，感覺勁正！最後配返杯熱檸茶，去掉前面食得太甜太膩。成件事好滿足、好完滿。下次我要試佢個龍蝦湯🤤

今日去咗一間西餐廳，點咗個三餸套餐。當中有頭盤、主菜及甜品。最先上係餐包，好香好軟易入口。加入牛油更好味。之後上咗個開胃頭盤，係蘋果肉同埋芝士包。個賣相好正。蘋果肉好爽口。芝士包好重肉味。好似食咗塊牛扒。主菜係海帶蝦仁寬條麵。個麵好彈牙。個帶子同蝦肉好嫩。屬上等食材。可惜個寬條麵好油利，食到我滿口肥油。杯熱奶茶我話明要 milk tea。 服務員給我的是好清淡味茶水，沖出來的 milk tea無茶味。最後個甜品係朱古加雪糕及慕絲蛋糕。兩者都好重黑朱古力味。好食。

為左慶祝拍拖週年紀念, 我男友專誠帶我黎呢間餐廳一試, 佢話頂樓係一個露天bar, 個view好正, 喺31樓….所以我相當期待~31樓下一層就係食飯既地方, 當晚我地就喺呢度用膳我地叫左 Crab cake – 從來未食過, 因為一向好少食西餐, 味道幾得意, 將蟹肉整碎加入多種材料, 幾特別~薯蓉 – 唔會太膩, 一般薯蓉係好重牛油同埋cream, 好快滯. 但呢個唔會, 反而薯仔味更特出, 好味道~Lobster bisque – 龍蝦味濃, 加上一粒粒既龍蝦肉, 好飲…點麵包一流~酥皮焗牛扒 – 傳統菜式, 味道不過不失, 牛肉太韌, 反而裡面既配菜更好食~煎海鱸魚 – 表面脆內裡滑, 入口juicy, 能夠將肉汁鎖住, 而且海鱸魚份量有一塊牛扒咁大, 啖啖肉好有滿足感~差d漏左稱讚佢既餐包, 睇個樣雖然唔多吸引, 但食落好軟熟, 只搽牛油已然好好食~ 結賬後當然要上去我最期待嘅露天bar啦, 我地將未飲完嘅紅酒拎上頂樓~ 嘩嘩嘩….真係靚到不得了, 高高嘅建築物加香港嘅景式就喺你眼前出現~喺度一邊傾計一邊飲酒, 仲有咁靚嘅view, 真係人生一大樂事~ 我地仲影左好多相留念t