Nutmad (Moved) New Location

大約2:00到餐廳（有訂位）安排坐窗口位！環境乾淨！待應招呼有禮貌，主動換碟加水！每個午已跟餐湯同普通飲品，食物份量都幾大！當日叫左個特色飲品『鴛鴦走』，係‘特濃咖啡+焙茶+鮮奶+煉奶’（只有凍飲），焙茶味濃唔太甜！個人叫左『宮保雞丁長通粉』同『法式多士』已經好飽（甜品都食唔哂！）

要食請務必book枱哦！店舖11：30開門第一次食我冇book枱，一早11：40就一個人去睇下有冇位，入去已經有一個熟客（好早呢）而且我見book枱單都好多下，好彩早去，如果唔係都冇得食，外賣單都好多。被安排坐bar枱，可以睇到幾個靚仔煮野都唔錯，不過因為對住廚房，有d熱，怕熱唔好坐bar枱。如果坐窗口位就有靚景睇。bar枱下有勾可以掛袋好貼心~叫左個出名既慢煮黑毛豬餐食，價錢$188。包一個餐湯，一杯飲品。餐湯：薯仔濃湯 （應該係）打蓉薯仔既湯，一般既湯，特別就冇乜外貌⭐⭐⭐⭐味道⭐⭐⭐主食：慢煮黑毛豬外面香煎用火槍燒過，香脆入面軟嫩好juicy，值得一試薯菜都好好食，一碟食清光外貌⭐⭐⭐⭐⭐味道⭐⭐⭐⭐⭐餐飲：espresso叫左一杯普通espresso，比左包糖，不過冇落。飲落口順滑，中深烘焙左右。因為太多人叫黑毛豬，聞到煎豬香味較多，咖啡香味聞唔到😂味道⭐⭐⭐⭐外表杯杯都差唔多唔講總結，好食少少貴，但必試

Happy Friday 打算食好D 早幾日打去book位點知已經full哂 只好再book 遲多一個星期五 餐廳空間一目了然 店員都好細心等朋友的關係 過左陣都未點菜都無催我地又等遲來的朋友到左先上餐湯 唔想佢飲的湯會凍服務真係好貼心 餐湯 (Lunch Set已包) 煙燻豬豬3卡邦尼 $98好香芝士味 意粉Al Dente配料有芝士脆片 豬面肉 煙腩片同意大利煙肉 食落脆脆的 咸咸香香由於無落忌廉 所以唔會食到飽飽濟濟咁 仲有杯 Homemade Lemonade (Lunch Set已包) 一心為甜品而來 在落Lunch Set已同時reserved 左先Caramel Banana, Ice cream, French Toast $68店員介紹個麵包早一晚已浸了在蛋液中 麵包就會好似海棉咁吸哂再烘焗 口感會似蛋糕咁仲細心提醒叫我地影完相要快D食果然好味 觀塘lunch西式來講價位都係咁上下但質素十分高 值呢個價錢Happy Friday 偶爾一次值得一試!

觀塘工廈中有很多小餐廳，只要細心找找，就可以遇到一些非大眾餐廳。今天到了nutmad一試，覺得份外驚喜。幸好朋友預先訂座否則就無位食午餐餐廳座位不多，因較遲訂位，所以只能在坐bar枱位置。好多人會覺得坐這位置不好，但係可以望著廚師下廚，同廚師聊天，感覺很親切，食飯同時又放鬆心情午餐選擇也很多，我點了一個crabmeat penne套餐，包餐湯及餐飲。餐湯夠熱，味道正常今次我點的是蟹肉魷魚蕃茄醬長通粉，份量也不少，而我更是蕃茄控，所以真係覺得依個長通粉好好食，係出面既餐廳係食唔到！我絕對會因為依個長通粉再番來依間餐廳食繼續支持小小工廈餐廳！