Potluck Eatery

呢間係佐敦既Potluck Eatery，餐廳係走文青小清新風，環境都舒服闊落，有各式套餐好啱同朋友傾計打卡～手搖秘制醬汁海鮮拼盤 - 二人套餐（$688） 1️⃣ 是日餐湯 椰菜花忌廉湯配上蒜蓉包，蒜蓉包夠脆而且好香既香草味。  2️⃣ 煙三文魚意大利黑醋沙律 靚靚既煙三文魚花花😍沙律既黑醋汁酸酸甜甜好開胃。  3️⃣ 手搖秘制醬汁海鮮拼盤 重點🤩有開邊既龍蝦，一叉就起到成件龍蝦肉出黎🤤仲有龍蝦鉗都係啖啖肉。有大大隻既虎蝦，仲有青口、大蜆、魷魚！個醬汁係蕃茄做底，好香，仲有少少煮爛既蕃茄蓉～配料既薯仔係意外地好食！好淋然後醬汁好入味！仲有香甜粟米🌽  4️⃣甜品 是日甜品有得揀芝士蛋糕同埋雲呢拿/朱古力雪糕。芝士蛋糕係有啲藍莓芝士蛋糕黎，味道ok不過有啲細件🤓  5️⃣紅酒 套餐可以選擇紅白酒，慶祝一流🥳  6️⃣Provence Breeze（+$49） 蝶豆花玫瑰梳打，漸層好打卡able🥰飲落唔算甜，仲有啲檸檬片，好refreshing。  

今晚朋友同我慶祝生日，選左呢間餐廳，餐廳怖置特別，座位舒適，又有卡位，地方又大。點左呢個海鮮拼盆套餐：有餐湯，沙律和海鮮拼盆，甜品和飲品。餐湯是薯仔湯，薯仔打到好滑，薯仔味香濃。蒜蓉多士好香又鬆脆。煙三文魚意大利黑醋沙律，煙三文幾香肉質又滑，沙律菜又好fresh,沙律菜好爽脆又碧綠，配上黑醋醬好好味。海鮮拼盆有龍蝦大大隻，蝦頭又有膏肉質爽彈又新鮮，醬汁好好味甜甜地魷魚好彈牙，蜆肉肥美飽滿，蝦大大隻，肉質爽彈，青口又鮮甜，全部海鮮都好新鮮。芝士蛋糕唔會太甜，香濃芝士好好味。水蜜桃梳打味道香濃，啖啖水蜜桃味。

朋友推薦嘅餐，整體而言個人係覺得幾高質，環境闊落，食物好味，服務又好👍🏻個人最鍾意係香煎帶子鮮蠔汁意大利飯（$198）成個飯都係蠔嘅味道，好濃郁！焗芝士明太子蒜蓉包（$98）表面烘得脆之餘入面係軟💓口感好好！水牛城雞翼（$99/8隻）呢個都少少辣，出邊鋪滿醬汁，入面嘅雞皮炸到好脆！唔食得辣嘅朋友可以刮走啲醬汁～卡邦尼意粉（$138）份量都ok，味道亦唔錯，勁多醬汁超邪惡！煙三文魚焗薯沙律醬汁幾清新！焗三文魚扒配芝士蟹肉都唔錯，三文魚稍為焗得老咗少少，但醬汁同蟹肉嗰啲都幾好食！飲品方面，可以跟餐加錢要Cocktail，配搭都幾特別，呢兩款係：Glowing Sunset 同 Love Shot，都係水果味帶甜，而且酒味唔算好濃～咖啡都唔錯！午市套餐會跟湯及飲品~餐湯係南瓜湯都幾好飲👍🏻⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 8/10服務： 8/10環境： 8/10打卡： 7/10CP值： 6.5/10推介值：8/10⋯⋯⋯⋯⋯⋯⋯⋯⋯⋯⋯⋯⋯⋯⋯⋯Instagram: w__ayan日常🤍食評🤍好去處🤍Staycation⋯⋯⋯⋯⋯⋯⋯⋯⋯⋯⋯⋯⋯⋯⋯⋯

同好耐冇見既朋友黎食晚餐，以前公司係附近已經成日黎食午餐，質素都好好！今日就黎試下佢既晚餐啦餐廳都幾多Set，有二人餐、四人餐、一人餐我同朋友都各自叫左一人餐 牛油煎帶子意大利飯餐湯一如以往都係好味，到主菜，帶子好細粒，得三粒，意大利飯的味道可以，不過食唔悶曬一碟，因為好漏>< 一人餐$2xx-$3xx左右結論都係午餐抵食同埋味道都係午餐既款式比較適合我

朋友在附近工作，就約方便他的地方吃中午飯，見到門口好靚，就行入去試吓。一人點了一個午餐，包餐湯，及加錢轉特色咖啡。忌廉洋蔥湯墨西哥辣肉腸熱狗配黑醋沙律及脆薯格$78正合我胃口，份量好足夠，肉碎加上芝士一齊焗，麵包外脆內軟，很好吃，沙律也很清新。紐西蘭肉眼扒配香草BB薯仔及黑醋沙律$148以呢個價錢，係非常高質，亦都相當抵食， BB薯仔焗得濕潤。跟餐加$18轉榛子牛奶咖啡焦糖咖啡火辣水牛城雞翼$99 八隻辣得好過癮，雞翼外皮係好脆脆，水牛城汁酸酸辣辣。香煎法式鵝肝多士$98鵝肝多士是整個午餐的焦點，令人非常回味，鵝肝很厚很大塊。芝士蟹肉焗大啡菇$108蟹肉份量很多，很鮮甜。日式抹茶紅豆pancake蛋糕$46非常完美的午餐，下次再見