Soland (Closed)

好味指數😋😋😋😋回頭指數 ⭐️⭐️⭐️⭐️⭐️開心指數🤗🤗🤗🤗🤗依家越嚟越多人食素，細細個時總係覺得中式齋舖嘅齋菜唔好食，因為勁油油膩，特別唔鍾意嗰D 好傑嘅芡汁。不過近年因為多咗人食素，已經有好多新派嘅素食店，食物質素都幾好！而我本身對於人造素肉係冇咩好感嘅，唔太特別鍾意扮肉嘅素食。朋友推介我試呢一間位於中上環中間嘅純素(Vegan) 食店，我就去試吓！呢間樓上素食店只係開星期一至五嘅午市。朋友提我記得要 whatsapp 訂位同埋預訂食物，店主會早一晚 whatsapp send 菜單，當日10點前覆 whatsapp 食咩就得，店主有提供埋地點指示，都算易搵。我同朋友12:10 上到去，自己開門入去，陳設都幾特別，仲播放住比較禪感嘅唱頌音樂。聽到廚房有準備食物嘅聲音，就自己搵位坐，跟住食客就慢慢自己出現，大部分都係一個人嚟，同埋應該係熟客，大家都好靜，我同朋友都係細細聲傾偈。套餐分別有$75 (純素多國菜) 或者$65 (時令蔬食糙米飯)，套餐有餐湯同埋飲品。餐湯係自助嘅，店主不時會攞幾碗出嚟，我哋因為揀咗一個食生餐，店主響 whatsapp 都寫咗佢會另外出綠果菜露，所以我哋攞咗一碗餐湯

年初，有人問我：做咩唔寫Soland食評呀？我：自私精唔想太多人同我爭位。其實不然。我要等時機成熟。終於，剛食完2017年的第115餐Soland，葡萄都熟透了，寫吧。一、對地球的一個承諾：零浪費餐廳我最欣賞的地方：是Soland要當日早上10點前或前一日訂餐。（透過whatsapp，第一次去則要打電話，walk-in基本上不做你生意除非食物有剩)留意是訂餐不是訂位，去到你是要自己找位子坐的。餐具也是自己攞，你坐下，就自動有食物奉上了。有湯、是日set lunch(無得揀)、飲品只有飲品可以揀：亞麻籽果昔(凍)/薄荷茶(熱)/紅棗茶(熱)菜單透過whatsapp每日發放，唔啱食就唔駛去。預好晒份量，只要你不食剩的話，是不會有廚餘的。即使你細食，亦可以自備盒子盛起帶走，沒有一絲浪費。點解一年同一間野食115餐咁多呢？事源去年同朋友講起環保議題，肉食牲畜的餵養過程，碳排放很高，大家抱怨氣候變熱空氣變差的同時，其實並非無計可施，每人每周食幾餐素就已經叫略盡綿力了。2017目標：一星期最少食兩餐素食，52周下來目標是104餐。無錯，我已經提前達標了！二、對自己身體的一個承諾：放心食用無負擔本身

08年到過Soland吃午餐至今，今天有1.5小時午膳時間可舊地重遊。由於Soland只營業平日的午膳時間（星期一至五12:00-15:00，公眾假期休息），我一直沒有機會再次光臨。記得上一次光顧Soland的午餐時，店內只有我和媽媽兩位顧客。今天重臨該店，全店有九成滿座！證明這數年間，有更多人注重健康的飲食、愛護動物的道理。這真令人興奮！午餐只有一款，五色蔬菜糙米飯和湯，$50。如再點選飲品，套餐價錢是$55。若購買套票更優惠，好像是買十送一。餐湯我直至現在也猜不到是用甚麼食物做成……味道很特別，似曾相識……只吃到粟米和冬瓜。稠度和甜度適中。每天只有一款五色蔬菜糙米飯，顧客只可選擇醬汁。（記得之前還可以選擇飯或意粉，現在應該是因為只有店主一人做事和客人多的關係，不能再多做意粉給客人選擇了。）今天的醬汁是鮮茄汁和土豆芋頭汁。我選了鮮茄汁，因為比較醒胃。但之後又後悔了，因為我覺得甜了一點。菜方面，我大概記得有沙律菜、南瓜蓉、秋葵、菠菜……其他忘記了！很喜歡菠菜和南瓜蓉。整體來說不錯，蔬菜新鮮，一點油也沒有。吃後沒有膩的感覺。（其實不喜歡吃後太飽的感覺，令人覺得重重的，不想活動，這並不健康

今次終於可以食到Soland的午餐，基於不浪費原則，店家要求用餐客人必須提前一天預訂，所以這次就沒有摸門釘。他們每日只提供一種套餐，已包含人體一天所需營養素。他們的環境一流，很舒服。老板娘服務態度很好，很體貼。餐點可口，超健康。當天餐湯五色飯蒲公英咖啡--好滑現打水果雪糕